REV - BUU 4

Igbre ri Shu

1Kugon ri mba me bru rara ri meri to onkon ri ri hwo ri shu.

Ngha iran riwa a glo ka rangan , riwa me wo a ran tre ri, <<Hon ye ri nyi, nga me la-u kya riwa ari ti kugon rinyi.>> 2Ri bubu wan Iyu ka gra ri mo. Kpanchi ri ka he ri shu riwa injo ka son ri tu wan. 3Isi wan a ran kpan riri ka tita ri nkren, ka yasfa nga kaneliya, nga kagon kpanchi ri bubu wan gigran shinji ka zhu riwa a ran kpan ka tita zumurudus. 4Kagon kpanchi riwa ngbron kpanchi sea don nza, riwa wa rinkon sea don nza wa son ri tu wan ri tsro kinklan nga tsro tu ri zinariya. 5Inzan wulu ka ran zhu ri kpanchi, nga nzan ka ra yira. Ri kusi kpanchi, iwulu pitila tangban wa ran zhu, wawa wa Yuu Izhi tangban. 6Ri kusi kpanchi ngawen, ikya ri a he ka inne ri glasi, a ran kpan mwenmwen ka iyu ri ya si ri zhi.

Kagon kpanchi-a bla kungo wan, kyawa wa vri nza wa he ri bubu wan riwa wa he ri wulosi kagon kusi ri kugon. 7Ri milan a he ka ichen; ri hari wan ka he ka nchon lando; ri tra wan ka ti si ka nji; nga ri nza wan ka he izhan ri kan ri shu. 8Ko ritan rimi kyawa wa vri nza wa he ri mgban titanren, ri wulosi sho rimi nga ri ra. Wa sondu ran chuse bla mibre nga chu:

Tsitsri, tsitsri, tsitsri, a he Bachi Izhi ri mkpen,

riwa a he, riwa a he, nga riwa ari ye.>>

9Kyawa wa vri nza wa ran chuse ri gbre nga mkpen nga ngiri ri wawu riwa a son ri kpanchi, riwa ari son a ran kuu ran. Ka wa ti ngamba, 10wa rinkon sea don nza wa kɨbu ngbazhu ri kusi wawu riwa a son ri tu kpanchi-a, nga wari gbre wawu riwa ari son a ran kuu ran. Wa ka wa tsro tu ri mkpen ta sro ri kusi kpanchi wari tre ri,

11<<Bachi Izhi mbu! Wu he riwa wa no gbre,

ri mkpen, nga gbengbren.

Ritu wu ti ko ngye,

nga ri su wen wa he nga wari ri vri.>>