Skip to content
BibleKenya

BUU

HEB - BUU 1

Itre Izhi riwa a zhu ri vren wan

Ri sen Izhi a tre ri wati wa nji Yahuda rimi nkon nkankan kan nga ri vi nkankankan dzu ri nyu wa la tre Izhi. Ama ri vi ri krenkpen wan nyi a tre ri ta dzu ri vren wan. Dzu riwo vren-a nye Izhi ti kongye wawu nye wa chu ritu no kongye no he wa ma. Ivren wan nye he kpan ri mkpen riwa Izhi kpunji bibi riwa Izhi he wa tsra mba Izhi a ngizhi ko ngye ritu tre riwa a he ri gbengbren kugon riwa a tsri ta zho rimi meme ti mbu ran son ri kuwori wan riwa a he ri mkpen wawu.

Ivren Izhi han wa miri ko Izhi

Ri ngamba nye a fe rinkon riwa a han wa miri ko Izhi bibi nde riwa wa no a han iwawu. Ritu wa miri ko Izhi ri ran he riwa Izhi ya-u zari ri,<<Wu he vren won nye riwa me he ti wen>>

Ko ka njo riwa wa tre ri wu ri,<<Me he ti wan wawu ri he vren won.>>

Ama riwa a hi ran ti vren wan ri gbuchi rimi mgbumgblume a tre ri,<<No wa miri ko Izhi wawu no wa no mkpen.>>

Ingye kya riwa Izhi a tre ritu miri ko ri,<<Izhi ri ye ka kɨma wa miri ko wan ti ka nyunguu, nga wa ndu wan wa he ka irɨme wulu.>>

Ama Izhi a tre ritu vren wan ri,

<<Kpanchi son wen a wu Izhi a ran kre ran!

Dindi ti nye he kpala ri wa wu son ri kpanchi wen ri wu.

Indu ndindi nye wu wa meme ti wu kawen riwu iwawu!

Ritu ngamba Izhi wan riwa a gban wu ri nye ri kinklan sron nga a no-u mkpen han wa kpan wen.>>

A tre ri:

<<Zhu ri mimɨlan wan A wu Bachi a wu nye wu dzi nchi gbungblume nga ishu wa he wo ndu wen nye.

Wa kre ama a wu wu he wa ku nchon ka itsro Wu nye wa ka ŋɨma tsro wa sran wa bibi riwa wa sran tsro ri llo ama a wu wuran ri sran ran wa se wen wa ran kre ran.>>

Izhi a ran tre ri miri ko wan dzari ri,

<<Kuson ri bubu mkpen kuwori won no wen me no wa kpan fu

wen dzi ri ndodza wen wuri chan wa ri dza ran.>>

Kpunji wan wa miri ko Izhi wawu wa hu wu wa ndu nye Izhi ri ye ti wa ndu no wa dzon wawa wa fe kpa chuwo riwa Izhi.

BUU. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.