Skip to content
BibleKenya

BUU

1TH - BUU 1

Wa hu Izhi ri Tasalonika

Mbe riwa wa Bulus, ri Sila nga Timoti wa ngan no wa hu Izhi ri Tasalonika, riwa a he wa A ti mbu Izhi nga Bachi Yeso Kristo:

Ame Bulus me bre Izhi no dindi ti nga sisron no he ri yi.

Ide ri Ngɨri ri Kpanyɨme Riwa wa nji Tasalonikawa

Bla vi ki ngɨri ri Izhi ritu mbi wawu, ki yo nde mbi bla vi rimi ibre mbu. Ki kuki ki ri tika mbi nde Bachi nga A ti mbu ri ndu riwa kpanyɨme mbi, ndu mbi a de nyɨme, ri vu sron a he rimi yosron rimi Yeso Kristo. Imiri vayi, ki to ri Izhi nyɨme yi ran chu yi no yi he wa ma. Ritu ki ngɨzhi tre dindi ye ri yi, a ran he tre ri nyu nkankshe ran, ama ri gbengbren nga Yuu Tsitsri ri nyɨme ri jaji wan. Bi to bibi son dindi riwa ki kii wayi. Bi hu bibi ti mbu nga bibi ti riwa Izhi; ka hu ri bibi yaa riwa bi so, bi kpa tre Izhi ri kinklan sron riwa Iyu Tsitsri no yi. Ritu kya riwa bi ti, wa nji Makidoniya ri wa nji Akaya wa hu bibi ti mbi. Aran ri meme Makidoniya nga Akaya nye riwa itre Izhi riwa bi de a kri ri nkankshe ran, ama wa to tre kpanyɨme mbi bla bubu. Ritu ngamba ki ran ri tre kya ritu wan ngaran. Ritu wa nji Makidoniya ri Akaya wa de tre ritu bibi hi mbu riwa ki hi ri yi. Ngha bibi riwa bi ka hu zhi riwa bi ran to-u ran chuwo bi ri kɨma ye ri Izhi ri vri nga ri kpunji, biyi bi gben ye vren Izhi ri shu, riwa a ta shɨme ri kuu, wawu Yeso riwa a kpa ta chuwo ri fu Izhi riwa ari ye.

BUU. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.