Mech
তীত 1
আং পৌল, ঈশ্বৗরনি দাস আরৗ যীশু খ্রীষ্টনি সাছে প্রেরিত, ঈশ্বৗরজৗং সাইখজানায় মানসিফৗরখৌ ফৗথাইনায়াও বৗলৗ হৗনৗ আরৗ বিছৗরখৌ যীশু খ্রীষ্টনি বিষয়ৈ নংথারগৌখৌ ফৗরৗংনাইয়াও দৈদেননৗ থাখৈ আংখৌ থৗনহৎনায় জাবায়, জাহাথে বিছৗরৗ ঈশ্বৗর ভক্ত জীবন জানানৈ থায়ৗ। আরৗ বিছৗরনে জৗবনৗ গৈয়ি গৗঠাংনি আশা দং, জেখৌ গৗবাও সমনি সিগাঙাও ঈশ্বৗরা জবান হৗখাদৗং, ঈশ্বৗরা মাব্লাবাবৗ ছৗলৈয়া।1 আরৗ ঈশ্বৗরা গাওনি বৗচৗনখৌ ঠিক সমায়াও নুজাহৗবায়, জৗংনি বাছাইগিরি ঈশ্বৗরনি আদেশ বাদি, বেখৌ প্রচার খৗলামবাইনায় বিবানখৌ বিয়ৗ আংনৗ হৗবায়। আঙৗ বে লাইজামখৌ তীতনৗ লিৎদৗং, মানৗনা জৗং ফৗথাইনায়াও বাহাগৗলানায়জৗং আংনি বিসাজ্লা গুবৈ বাদি। জৗংনি বিফা ঈশ্বৗর আরৗ বাছাইগিরি খ্রীষ্ট যীশুআ নৗংছৗরনৗ অনুগ্রহ আরৗ শান্তি হৗথৗং।
ক্রীট দ্বীপমাও তীতনি খামানি
নৗংখৌ ক্রীট মুংখনায় দ্বীপমাও গারবৗনায়নি কারননা জাবায় জাহাথে নৗঙৗ ফৗজৗবমি খামানিফৗেরখৌ মাওনৗ হানায়, আরৗ আং নৗংখৌ থৗন্নায়বাদি নৗঙৗ মৗনফ্রৗমবৗ নৗগৗরনি মণ্ডলীফৗরাও প্রাচীনফৗর ফছংনৗ হানায়। মন্ডলীনি সাছে প্রাচীননা দায় গৈয়ি জাথার নাংনায় আরৗ গাওনি সাছে বান হিন্জাওজৗং বিশ্বাসগৗনাং জানাংনায়। বিনি বিসাফ্রা ঈশ্বৗরখৌ ফৗথাইগ্রা জানাংনায় আরৗ বিছৗরৗ জাহাথে গাওনি গৗসৗ বাদি চলিগ্রা এবা অবাধ্যতাও চলিগ্রা হৗন্নানৈ দামিথিজাথৗং। মণ্ডলীনি দৈদেনগ্রায়া ঈশ্বৗরনি খামানিনি বিবানখৌ মৗননাইখায় দায় গৈয়ি জাথারনাংনায়। বিয়ৗ একগুয়ে জানৗ নাংথারা, বিয়ৗ গৗখ্রৈ রাগ দা জৗং, বিয়ৗ ফেগ্রা জানৗ নাংথারা, বিয়ৗ বুজ্লাইগ্রা এবা ছৗরবা সাছেবাদি জাইয়া টাকা-পয়সা মৗন্নৗ থাখৈ লাজ্জিগৗনাং খামানিখৌ মাওনৗ নাংথারা।2 নাথায় বিয়ৗ আলাসি সৗংগ্রা, আরৗ মৗজাংখৌ হামজাগ্রা জাথারনাংনায়, বিয়ৗ সাছে নিয়মখান্থি, ধার্মিক, গৗথার আরৗ গাওখৌ হমথানৗ হাগ্রা জাথারনাংনায়। বিয়ৗ জৗং ফৗরৗংনায় বাদি ঈশ্বৗরনি গাহাম বাথ্রাখৌ গৗগৗমৈ ফৗথাইনান হমথানান লাখিথারনাংনায়। আরৗ নংগৌ ফৗরৗংনায়জৗং গুবুনফৗরখৌ গৗসৗ দুংখাংহৗনৗ হানায়, আরৗ জাইফ্রা বিরুদ্ধ জিখাঙৗ বিছৗরনি গৗরৗন্ঠিখৌ দিন্ঠিনানৈ হৗনৗ হানায় জানাংনায়। মানৗনা গৗবাং বিরুদ্ধনাও জিখাংগ্রা মানসিফৗর দং, বিছৗরৗ নংবাং জাবাং খৗথাফৗরজৗং গুবুনফৗরখৌ ছৗলৈয়ৗ। বিশেষ খৗলামনানৈ আঙৗ খাইছে যিহূদীয়ারিফৗরনি খৗথা বুংদৗং জাইফ্রা খ্রীষ্টান জাদৗং আরৗ দা ফৗরৗঙৗ যে অযিহূদীয়ারিফৗরনে উদ্ধার মৗন্নৗ থাখৈ ত্বকছেদ খৗলাম নাংগৌ। বিনিখাইনৗ বিছৗরৗ সিরি থাথারনাংগৌ দং, মানৗনা অন্যায়ৈ টাকা-পয়সা খামায়নৗ থাখৈ বিছৗরৗ নংখাই ফৗরৗংনায়জৗং গৗবাংয়িন বিশ্বাসিনি নখরফৗরখৌ নংগৌনিফ্রায় উনফিনহৗয়ৗ। এমন কি বিছৗরনি গেজেরাও সাছে নবিআ বে খৗথাখৌ বুংদৗং, “ক্রীট দ্বীপনি মানসিফ্রা অরাইবৗ ঠগায়সুলা হৗন্নানৈ মিথিজায়ৗ, বিছৗরৗ হাগ্রানি গাজ্রি জীব-জুনার বাদি আরৗ আলসিয়া জাসুলাফৗর।” নবি বুংনায় বে সাক্ষ্যয়া নংথারগৌ, বিনিখাইনৗ বিছৗরৗ ফৗথাইনায়াও বৗলৗগ্রা জানায়বাদি নৗঙৗ গৗরায়ৈ ছৗংখারিদৗ, বিছৗরৗ যিহূদীয়ারিফৗরনি গৗডৗনি সলকফৗরাও খৗমা দাহৗথৗং আরৗ নংথারগৌখৌ এৎগারনায় মানসিফৗরনি আদেশফৗরাও গৗসৗ দাহৗথৗং। জাইফৗরনি গৗসৗয়া ঈশ্বৗরনি সিগাঙাও গৗজৗং বিছৗরনি থাখৈ গাছেনবৗ গৗজৗং, নাথায় জাইফৗরনি গৗসৗয়া গাজ্রি, আরৗ জাইফ্রা যীশুখৌ ফৗথায়াখৈ, বিছৗরনি থাখৈ মৗংবৗয়ানৗ গৗজৗং অৗঙা, মানৗনা বিছৗরনি গৗসৗ আরৗ বিবেকফ্রা গাজ্রি জাবায়।3 বিছৗরৗ ঈশ্বৗরখৌ মিথিয়ৗ হৗন্নানৈ বুঙৗ, নাথায় বিছৗরনি খামানিফ্রা দিন্ঠিয়ৗ যে বিছৗরৗ বিখৌ মিথিয়া। বিছৗরৗ মুগৈজাথাওথাও আরৗ বৗচৗন লায়িফৗর, বিছৗরৗ মৗজাং খামানি জেবৗ মাওনৗ অনদাইয়া।
Source notes (3)
- Cross-reference ইব্রীয় 6:18; তীত 3:7
- Cross-reference 1 করিন্থীয় 4:1; 1 পিতর 5:2; 2 তীমথিয় 2:24
- Cross-reference মথি 15:11; লূক 11:41; রোমীয় 14:14–23; 1 তীমথিয় 4:4
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.