নুজাহৗজানায় 18

1বেনি উনাও আঙৗ স্বৗর্গৗনিফ্রায় গুবুন সাছে আরফ'খৌ অৗংখাৎবৗনায় নুবায়। বিনি গেদেৎ একথিয়ার দংমৗন, আরৗ সংসারা বিনি মহিমায়াও জৗংব্লাওদৗংমৗন। 2মৗনছে বৗলৗগ্রা রাওয়াও বিয়ৗ হজ্রিনান বুংবায়, “গৗগ্লাইবায়! গৗগ্লাইবায় গেদেৎ বাবিল, বিয়ৗ ভূতফৗরনি আরৗ মৗনফ্রৗমবৗ বাদুয়া জিউফৗরনি থাগ্রা জায়গা, মৗনফ্রৗমবৗ বাদুয়া দাওছেন, মৗনফ্রৗমবৗ বাদুয়া আরৗ মুগৈথাও জিবজুনারফৗরনি থাগ্রা জায়গা জাবায়। 3মানৗনা গাছেন জাতিফ্রা বিনি জিনাহারিয়াও পাগলা জাহৗগ্রা জৌখৌ লৗংবায়। সংসারনি রাজাফ্রা বিজৗং জিনাহারি খৗলামদৗং মৗন আরৗ সংসারনি বণিকফ্রা বিনি গৗবাং বিলাসিতা নিফ্রায় ধৗনৗয়ান জাদৗংমৗন।”

বাবিলনি বিচারনিফ্রায় খাৎগৌনৗ সর্তকবাণী

4উনাও আঙৗ স্বৗর্গৗনিফ্রায় গুবুন রাও বুংনায় খৗনাবায়, “ও আংনি মানসিফৗর, বিনি ফ্রায় অৗংখাৎনানৈ ফৈ,” জাহাথে নৗংছৗরৗ বিনি পাপনি ভাগৗ জায়া, জাহাথে নৗংছৗরৗ বিনি মহামারিজৗং জেবৗ সাজা মৗননি বাদি; 5মানৗনা বিনি পাপমা স্বৗর্গৗসিম নাংহৈবায়, আরৗ ঈশ্বৗরা বিনি দায়খৌ গৗসৗখাংবায়। 6বিয়ৗ জেরৈ হৗবায় বিবাদিনৗ হৗফিন, বিয়ৗ যে খৗলামবায় বিনি থাখৈ ফাননৈ হৗফিনদৗ। বিনৗ বিনি গাওনি কাপনিফ্রায়নৗ ফাননৈ ভাগ লুনানৈ হৗদৗ। 7বিখৌ বেছেবাং মহিমা আরৗ বিলাসিতা বিয়ৗ গাওনৗ হৗদৗংমৗন এছেবাং সাজা আরৗ দুঃখ হৗ। গৗসৗ সিঙাও বিয়ৗ ডুগা খৗলামৗ, আঙৗ রাণী জানানৈ সিংহাসনাও জিরাইনান দং, আঙৗ রান্ডি অৗঙা, আরৗ মাব্লাবাবৗ দুঃখ খৗলামলে। 8বিনিখাইনৗ সানছেয়াওনৗ বিনি মহামারিয়া বিখৌ গ্রাস খৗলামনায়: থৈনায়, দুঃখু, আংখাল। বিয়ৗ অয়াৎনাও খামজৗবনায়, মানৗনা ফৗরবু ঈশ্বৗরা বৗলৗগ্রাসিন জাইয়া বিনি বিচার খৗলামনায়।

বাবিলনি পতননা বিছৗরনি থাখৈ তিনগুন জায়ৗ

9জেব্লা সংসারনি রাজাফ্রা জাইফ্রা বিজৗং জিনাহারি খৗলামদৗং মৗন আরৗ বিনি বিলাসিতাখৌ ভাগ খৗলামদৗং মৗন বিছৗরৗ জেব্লা বিনি খামনায়নি আখুন্দৈখৌ নুনৗ মৗননায়, অব্লা বিছৗরৗ বিনি থাখৈ গাবনায় আরৗ দুঃখু খৗলামনায়। 10বিনি সাজায়াও গিখ্রংনানৈ বিছৗরৗ গৗজানাও গছংনানৈ গাবনায়, ধিক্কার, ধিক্কার নৗঙৗ গেদেৎ নৗগৗর, নৗঙৗ বৗলৗগ্রা বাবিল নৗগৗর! ঘণ্টা মৗনছেয়াওনৗ নৗংনে ধ্বংসনি বিচার ফৈবায়! 11সংসারনি বণিকফ্রা বিনি থাখৈ গাবনায় আরৗ দুঃখু খৗলামনায় মানৗনা রাওবৗ বিছৗরনি জিনিসপত্রখৌ আরৗ বাইনায় অৗংলে, 12সোনা, রুপা, দাম গৗছা অন্ঠাই আরৗ মুক্তাফৗর; মিহি লিনিন, ফান্ঠাও রং, সিল্ক আরৗ গৗজা সি'; গৗদৈ মৗদৗমফ্রু ডংফাং, আরৗ মৈদেৎনি হাথায়জৗং দানায় বাইদিরকমনি জিনিসফৗর, দাম গৗছা ডংফাং, ব্রোজ্ঞ, লোহা আরৗ মারবেল; 13দালচিনি আরৗ মশলা, ধূপ ধূনা, গন্ধরস, মৗদৗমনায় থাও, জৌ, জলপাই থাও, মিহি ময়দা আরৗ গম; মৗসৌ মৗসা আরৗ মেন্ডা; গরাইফৗর আরৗ মৗঙা বৗগ্রা গাড়ি; আরৗ মানসিখৌ গলাম হিসাবমৗয় ফাননৗমৗন। 14বিছৗরৗ বুংনায়, নৗংছৗরৗ যে বিথাইখৌ লুবৈদৗংমৗন, বেয়ৗ নৗংনিফ্রায় থাংবায়। নৗংনি গাছেন বিলাসিতা আরৗ জাঁকজমকয়া গৗমৗৎজৗববায়, আরৗ বেখৌ মাব্লাবাবৗ মৗনফিননায় অৗংলে। 15যে বনিকফ্রা বি জিনিসফৗরখৌ ফানদৗংমৗন আরৗ বিনি ফ্রায় বিছৗরনি সম্পত্তি খামায় দৗংমৗন বিছৗরৗ বিনি সাজাখৌ গিনানৈ গৗজানাও গছংনানৈ থানায়। বিছৗরৗ গাবনায় আরৗ দুঃখু জানায়, 16আরৗ গাবখ্রাওনায়, ধিক্কার! ধিক্কার! নৗঙৗ গেদেৎ নৗগৗর, মৗজাং মিহি লিনিন, ফান্ঠাও রং, গৗজা রংনি পোশাক গান্নায় আরৗ সোনা, দাম গৗছা অন্ঠাই আরৗ মুক্তাজৗং জৗংব্লাওনায়! 17ঘন্টা মৗনছেয়াও এছে গেদেৎ সম্পত্তি ধ্বংস খৗলামা জাবায়!

মৗনফ্রৗমবৗ সাগৗরনি গেদেৎ অফিসার আরৗ জাইফ্রা জাহাজজৗং গিদিংবাবায়ৗ, নাবিকফ্রা আরৗ জাইফ্রা সাগৗরনিফ্রায় বিছৗরনি ঠাংনান থানায়নি নাংগৌখৌ খামায়ৗ বিছৗরৗ গাছেনবৗ গৗজানাও গছংনান থানায়। 18জেব্লা বিছৗরৗ বিনি খামনায়নি আখুন্দৈ নুনায়, অব্লা বিছৗরৗ হজ্রিনানৈ বুংনায়, বে গেদেৎ নৗগৗর বাদি গুবুন নৗগৗর কি মাব্লাবা দংবাওমৗন না? 19বিছৗরৗ বিছৗরনি খরয়াও হাদুরৈ সাৎনায় আরৗ গাবনায় আরৗ দুঃখুজৗং লৗগৗছে হজ্রিনান গাবখ্রাওনায়, ‘ধিক্কার, ধিক্কার, নৗঙৗ গেদেৎ নৗগৗর, জেরৌ সাগৗরাও জাহাজ দংমৗন বিছৗরৗ গাছেনবৗ সম্পত্তিনি গেজেরজৗং দৗনয়ান জাদৗংমৗন! ঘন্টা মৗনছেনি গেজেরাও বিখৌ ধ্বংস খৗলামা জাদৗং।’

20“ও স্বৗর্গৗ, বিনি থাখৈ রংজা, রংজাদৗ, নৗঙৗ ঈশ্বৗরনি মানসি আরৗ প্রেরিত আরৗ নবি! বিয়ৗ নৗংজৗং যে ব্যাবহার খৗলামদৗং বিনি থাখৈ ঈশ্বৗরা বিচার খৗলামদৗং।”

বাবিলনি ধ্বংসনি জৗবথানায় বিচার

21উনাও সাছে বৗলৗগ্রা আরফ'আ মৗনছে গেদেৎ অন্ঠাই দিখাংনান সাগৗরাও গারহৎবায় আরৗ বুংবায়: “বেবাদি গেদেৎ বাবিল নৗগৗররা ধ্বংস জানানৈ গারহৎজানায়, আর মাব্লাবাবৗ নাগিৎনানৈ মৗন্নায় অৗঙা। 22সারেংগি দামগ্রা আরৗ দামগ্রা ডেগ্রাফৗর, সিফুং ছুগ্রাফৗর আরৗ ফেমফা ছুগ্রাফৗরনি দামনায় ডেনায়ফৗরখৌ মাব্লাবাবৗ নৗংছৗরনি গেজেরাও খৗনাবাওনায় অৗংলে। ব্যাফারি মাওগ্রা রাওখৌবৗ নৗংছৗরনি গেজেরাও আর মৗননায় অৗংলে। নৗংছৗরনি গেজেরাও আর মাব্লাবাবৗ জাথা অন্ঠাইনি সৗদৗব খৗনানৗ মৗননায় অৗংলে। 23বাতিনি স্রাংয়া আর মাব্লাবাবৗ নৗংছৗরনি গেজেরাও জৗংনায় অৗংলে। হৌয়া গৗদান আরৗ হিন্জাও গৗদাননি রাও নৗংছৗরনি গেজেরাও আর মাব্লাবাবৗ খৗনানায় অৗংলে। নৗংনি বনিকফ্রা সংসারনি গৗনাং মানসিফৗর মৗন, নৗংনি জাদুবিদ্যাজৗং গাছেনবৗ জাতিফ্রা গাজ্রি লামায়াও দৈদেনজাদৗংমৗন। 24বিনিয়াও নবিফৗরনি আরৗ ঈশ্বৗরনি মানসিফৗরনি থৈখৌ মৗনদৗং, জাইফ্রা সংসারাও সিথাৎ জাদৗংমৗন।”