Mech
নুজাহৗজানায় 15
সাত জন আরফ'ফৗরজৗং সাতটা মহামারি
আং স্বৗর্গৗয়াও আরবাও গুবুন গেদেৎ আরৗ সৗমৗ নাংথাও থাও চিহ্ন নুদৗং মৗন, সাত জন আরফ' সাতটা জৗবথানায় মহামারিজৗং জৗবনায়, মানৗনা বিছৗরজৗং ঈশ্বৗরনি রাগয়া ফুরা জাবায়। আরৗ আং নুবায় অয়াৎনাও জৗংব্লাওনায় আইনানি সাগৗর বাদি আরৗ সাগৗরনি জিঙাও গছংনানৈ দং জাইফ্রা বি জুনার আরৗ বিনি মহর আরৗ বিনি নামনি সংখ্যানি ছায়াও দেরহায়ারি জাদৗংমৗন। বিছৗরৗ ঈশ্বৗরনি হৗনায় সারেংগীফৗরখৌ হমদৗংমৗন। আরৗ ঈশ্বৗরনি দাস মোশি আরৗ মেন্দা বিসানি গীত রৗজাবদৗংমৗন, “গেদেৎ আরৗ সৗমৗ নাংথাও থাও নৗংনি খামানি, ফৗরবু ঈশ্বৗরা বৗলৗগ্রাসিন। ঠিক আরৗ নংথারগৌ নৗংনি লামায়া, জাতিফৗরনি রাজা। ফৗরবু, ছৗর নৗংখৌ গিনায় অৗঙা, আরৗ নৗংনি মুংনি মহিমা লাবৗনায়? মানৗনা নৗঙৗ হাসিংয়ানৗ গৗথার। গাছেন জাতিয়া ফৈনায় আরৗ নৗংনি সিগাঙাও খুলুমনায়, মানৗনা নৗংনি ধৗরৗমিয়ানি খামানিয়া নুজাসাথবায়।” বেনি উনাও আঙৗ নাহৎবায়, আরৗ আং স্বৗর্গৗয়াও মন্দিরখৌ নুবায় জেয়া চুক্তিনি থাম্বু আরৗ বেয়ৗ খেওনায়নি মৗন। মন্দিরনিফ্রায় সাতটা মহামারি লানানৈ সাত জন আরফ' অৗংখাৎ ফৈবায়। বিছৗরৗ সাফা জৗংব্লাওনায় মিহি সি' গাননায় আরৗ বিছৗরনি জেরবায়াও সোনানি গৗলাও চাদর সি'জৗং খাজানায় দংমৗন। উনাও মাব্রৈ জিব জিরাতনি গেজেরাও সাছেয়া ঈশ্বৗরনি রাগ'আও সাতটা সোনানি খুরৈফৗরখৌ সাতটা আরফ'ফৗরনৗ হৗবায়, জাইয়া জেব্লাইবৗ জৗবনৗ গৗয়ি ঠাংনানৈ দং। আরৗ মন্দিরা ঈশ্বৗরনি মহিমাও আরৗ বিনি বৗলৗনি আখুন্দৈয়াও বুংজৗববায় আরৗ সাত জন আরফ'ফৗরনি সাতটা মহামারি জৗবমাগৌমানি রাওবৗ মন্দিরাও হাবনৗ হায়াখৗছৈ।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.