পৌল আরৗ তীমথিয়, যীশু খ্রীষ্টনি দাস,
যীশু খ্রীষ্টনিয়াও ফিলিপীয়াও থানায় গাছেন ঈশ্বৗরনি মানসিফৗর, দৈদেনগিরিফৗর আরৗ ডিকনফৗর1।
জৗংনি বিফা ঈশ্বৗর আরৗ ফৗরবু যীশু খ্রীষ্টনি অনুগ্রহ আরৗ শান্তি নৗংছৗরনৗ হৗথৗং।
পৌলনি ধন্যবাদ আরৗ প্রার্থনা
গাছৈ সমফ্রাও নৗংছৗরখৌ গৗসৗখাঙৗ, আঙৗ আংনি ঈশ্বৗরখৌ ধন্যবাদ হৗয়ৗ। আংনি গাছেন প্রার্থনায়া নৗংছৗর বয়নিবৗ থাখৈ, আঙৗ জেব্লাইবৗ রংজানায়জৗং প্রার্থনা খৗলামৗ। মানৗনা প্রথম দিননিফ্রায় দাসিমবৗ নৗংছৗরৗ মৗজাং খবরখৌ ফৗসাওনাইয়াও আংখৌ সহভাগিতা হৗবৗদৗং। আঙৗ ফুরা ফৗথাইয়ৗ, জাই ঈশ্বৗরা মৗজাং খামানিখৌ নৗংছৗরনি গেজেরাও মাওদৗং, বিনৗ মাওনানৈ যীশু খ্রীষ্টনি ফৈনায় দিনসিম ফুরা খৗলামনায়।
নৗংছৗর বয়নিবৗ বিষয়ৈ আংনে বেবাদি সাননাইয়া ঠিক, মানৗনা আঙৗ নৗংছৗরখৌ আংনি গৗসৗয়াও দৗন্নৗ, আরৗ আঙৗ জৗবথেসালিয়াও দং সমাও আরৗ মৗজাং খবরখৌ রক্ষা আরৗ নিশ্চিত খৗলামনাইনি সমাওবৗ নৗংছৗর বয়বৗ আংজৗং লৗগৗছে ঈশ্বৗরনি অনুগ্রহনি ভাগি জাবায়। ঈশ্বৗরা আংনি সাক্ষী যীশু খ্রীষ্টনি অন্নায়াও আং নৗংছৗর বয়নিবৗ থাখৈ বেছেবাং জৗথৗন লাখিয়ৗ। আরৗ আংনি বে প্রার্থনা খৗলামনায়া, নৗংছৗরনি অন্নায়া জাহাথে বাংসিননিফ্রায় বাংসিন জ্ঞানাও আরৗ গৗথৌ নৗজৗরাও দেৎলাংদৗ। বিনিখাইনৗ নৗংছৗরৗ সাবসিনখৌ সাইখনৗ হানায়; আরৗ খ্রীষ্টনি ফৈনায় সমাও নৗংছৗরৗ গৗগৗ আরৗ দাই গৗয়ি জানায়। ধৗরৗমিয়া বিথাইজৗং পূণ্য জা, বি যীশু খ্রীষ্টনি গেজেরজৗং ফৈয়ৗ, বেবাদিনৗ জাহাথে ঈশ্বৗরা বাখ্নাই জায়ৗ।
দা ও আংনি বিদা-ফংবায় আরৗ বিবো-বিনানাওফৗর আঙৗ নৗংছৗরখৌ মিথিহৗনৗ লুবৈয়ৗ, যে আংনিয়াও মৗনফ্রৗমবৗ জানাইয়া, বরং মৗজাং খবরখৌ ফৗসাওনৗ থাখৈ হেফাজাব হৗবায়। বেবাদি মাওনায়নি বিথাই, রাজমহল নেগ্রা গাছৈবৗ আরৗ গুবুনফ্রা আং খ্রীষ্টনি থাখৈ জৗবথেসালিয়াও জৗবজাদৗং হৗন্নানৈ মিথিবায়। আরৗ মানৗনা আংনি জৗবজানায়াও বাংসিন বিদাফংবায় আরৗ বিবো-বিনানাওফৗরখৌ বৈগৗমাখৌ গিয়াজাছে জেব্লাইবৗ ঈশ্বৗরনি বৗচৗনখৌ প্রচার খৗলামনৗ গৗহৗ মৗনবায়।
বে নংথারগৌ, ছৗরবা ছৗরবায়া হিংসা খৗলামৗ আরৗ বাদিজ্লায়ৗ খ্রীষ্টখৌ প্রচার খৗলামৗ অব্লা খাইছেফ্রা গৗসৗনি মৗজাং গৗসৗনি বাইরাও। বিছৗরৗ প্রচার খৗলামৗ মানৗনা বিছৗরৗ আংখৌ অন্নৗ, আরৗ বিছৗরৗ মিথিগৌ যে মৗজাং খবরখৌ রক্ষা আরৗ নিশ্চিত খৗলামনৗ আংনৗ বিবান হৗনায়জাদৗং। নাথায় গুবুনফ্রা স্বার্থপর মতলবনি থাখৈ খ্রীষ্টখৌ প্রচার খৗলামৗ, গৗসৗ মৗজাংথারৈ খৗলামা বরং আং জৗবথেসালিয়াও থানায় সমাও আংখৌ রাসিন কষ্ট হৗনৗ থাখৈছৗ বিছৗরৗ হাস্থাইয়ৗ। নাথায় বে মা বাথ্রা জাখৗ? বে গৗনাংথার বিষয়া জাবায় জেখিয়া জায়ামানৗ, মৗননৈনি গেজেরাও মৗনছে দিন্ঠিফ্লানাইনিফ্রায়নৗ কিন্বা সত্যনিফ্রায়নৗ, খ্রীষ্টআ প্রচার খৗলামজাবায়। আরৗ বেনিখাইনৗ আং রংজায়ৗ, নৗংগৌ, আঙৗ রংজাবায় থানায়, মানৗনা আঙৗ মিথিগৌ যে নৗংছৗরনি প্রার্থনা আরৗ যীশু খ্রীষ্টনি জিউনি হেফাজাবনি গেজেরজৗং আংজৗং জানাইয়া আংনি মুক্তিনি থাখৈ জানায়। আঙৗ গেদেৎ আগ্রহজৗং লামা নায়ৗ আরৗ আশা খৗলামৗ যে, জায়খিজায়া আঙৗ লাজি নাঙি বাদি, নাথায় যথেষ্ট সাহস থানায়জৗং জাহাথে দা জেব্লাইবৗ খ্রীষ্টআ আংনি মৗদৗমমাও বাখ্নায়জানায়, মৗনৈনি গেজেরাও মৗনছে গৗঠাং থানায়জৗং কিন্বা থৈনায়জৗং। মানৗনা খ্রীষ্টনিয়াও থানায়া আংনি থাখৈ গৗঠাং, আরৗ থৈনায়াও লাভ দং। নাথায় মৗদৗমাও গৗঠাঙৈ থায়ৗব্লা, বেনি মানেয়া আংনি থাখৈ খামানি মাওনায়নি বিথাই। দাসিমবৗ আং মাখৌ সাইখনায়? আঙৗ মিথিয়া! আঙৗ দা ফাৎনৈনি গেজেরাও গৗগ্লৈবায়, আংনি ইচ্ছায়া থাংনৗ আরৗ খ্রীষ্টজৗং থানৗ ইচ্ছা দং, বে বেছে সাবসিন গৗজানৈ থাফাহৈনায়া; নাথায় মৗদৗমাও থানায়া, নৗংছৗরনি থাখৈ বেছে নাংগৌসিন। বিনিখাইনৗ আঙৗ মিথিগৌ যে আঙৗ গৗঠাঙৈ থানায়, আরৗ ফৗথায়নাইয়াও নৗংছৗরনি উন্নতি আরৗ রংজানায়নি থাখৈ আঙৗ নৗংছৗর বয়জৗংবৗ থানায়। জাহাথে আঙৗ নৗংছৗরনিয়াও ফৈফিনব্লা, যীশু খ্রীষ্টনিয়াও নৗংছৗরৗ আংনি থাখৈ রাসিন রংজানায়।
জীবননা মৗজাং খবরনি যোগ্য
জাইখিয়া জায়ামানৗ, নৗংছৗরনি আখল আখুয়া খ্রীষ্টনি মৗজাং খবর বাদি যোগ্য জানাংনায়। অব্লা, আঙৗ ফৈব্লা আরৗ নৗংখৌ নুয়ৗব্লা কিন্বা আং গৈয়িয়াও নৗংনি বিষয়ৈ বান খৗনাব্লা, আঙৗ মিথিনায় যে নৗংছৗরৗ মৗনছে জিউয়াও গৗমগৗমৈ গছদৗং, মৗজাং খবরখৌ ফৗথাইনায়নি থাখৈ লৗগৗছে দাওহা নাংনায়। জৗরৈব্লাবৗ দাগি জাইফ্রা নৗংছৗরখৌ হেংঠা হৗয়ৗ। বে বিছৗরনি থাখৈ বিনাশনি চিহ্ন, নাথায় নৗংছৗরৗ যে বাছাইজানায় আরৗ বিয়ৗ ঈশ্বৗরজৗং। বিনিখাইনৗ নৗংছৗরনি গনায়থি খ্রীষ্টনি থাখৈ ফৗথায়নায়খৌ হৗজানায় বান অৗঙা, বিখৌ ফৗথায়, নাথায় বিনি থাখৈ আরবাও ভুগিনাংনায়, বৈ সমনিফ্রায় নৗংছৗরৗ বিবাদিনৗ জুজিনানৈ, আংখৌ নুদৗং, আরৗ খৗনাদৗং আঙৗ দাসিমবৗ বিবাদিনৗ মাওয়ৗ2।
Source notes (2)
- Cross-reference প্রেরিত 16:12
- Cross-reference প্রেরিত 16:19–40
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.