Skip to content
BibleKenya

Mech

মথি 23

আইন গুরু আরৗ ফরীশাইফৗরখৌ সাবধান হৗনায়।

(মার্ক 12:38–39; লূক 11:43–46; 20:45–46)

যীশুআ হান্জাখৌ আরৗ গাওনি ছেলাফৗরখৌ হৗনবায়, “আইন গুরু আরৗ ফরীশীফ্রা মোশিনি আসননাও জিরাইবায়। বিনিখাইনৗ নৗংছৗরৗ, বিছৗরনৗ রাইঠিনায় গাছেনখৌবৗ মাওথার নাংনায়, নাথায় বিছৗরনি মাওনাইফৗরখৌ দাছৗলৗং, মানৗনা বিছৗরৗ জেরেই ফৗরৗঙৗ, বেবাদি গাওছৗরনৗ মাওয়া। বিছৗরৗ দিখাংনৗ হায়ি গিলিৎ বিবানখৌ গুবুননৗ বানহৗয়ৗ, নাথায় বিছৗরৗ গাওছৗরনি আসি থাইছেবৗ ছৗমাওনৗ গৗসৗ জায়া। বিছৗর গাছেন মাওনাইমানিয়ানৗ মানসিফৗরনৗ দিন্ঠিনৗ থাখৈ বান। গাওছৗরখৌ ধার্মিক দিন্ঠিনৗ শাস্ত্রনি খৗথাফৗরখৌ লিৎখাংনানৈ খাফালাও আরৗ আখান্থিআও গান্নৗ আরৗ দিন্ঠিনৗ গৗলাও গৗলাও খুন্ডুংনি ফিতা খাদেৎনান লায়ৗমৗন। 1 বিছৗরৗ ভোজফৗরাও মান গৗনাং জায়গাফৗরখৌ সাইখয়ৗ; আরৗ সিবিগ্রা ন্ব'ফৗরাও আসনফৗরখৌ মৗজাংমৗনৗ। বিছৗরৗ হাঠায়সালিফৗরাও গৗজৗন্নায় লাজানৗ মৗজাংমৗনৗ; আরৗ মানসিফৗরজৗং ‘গুরু’ হৗন্নানৈ লিংজানায়খৌ মৗজাংমৗনৗ। নৗংছৗরৗ ‘গুরু’ হৗনজানৗনাংলে, মানৗনা নৗংছৗরহা সাছে বান ফৗরৗংগ্রা দং, নৗংছৗর গাছেনবৗ বিদা ফংবায়ফৗর। আরৗ নৗংছৗরৗ সংসারাও রাওখৌবৗ ধৗরৗম বিফা হৗন্নানৈ লিংনৗ নাংলে, মানৗনা স্বৗর্গৗয়াও জাইয়া দং, বিবান নৗংছৗরনি ধৗরৗম বিফা। এবা নৗংছৗরৗ ফৗরৗংগ্রা বুংখৌজানৗ নাংলে, মানৗনা নৗংছৗরহা সাছে বান ফৗরৗংগ্রা দং, বিয়ৗ মসিহ। নৗংছৗরনি গেজেরাও জাইয়া দেৎসিনথার, বিয়ৗ নৗংছৗরনি দাস জাথারনাংনায়। মানৗনা জাইফ্রা গাওছৗরখৌ বাখ্নাইনানৈ লায়ৗ, বিছৗরৗ ফাহায়জানায়, আরৗ জাইফ্রা গাওছৗরখৌ ফাহায়নানৈ লায়ৗ বিছৗরৗ বাখানাইজানায়।

আইন গুরু আরৗ ফরীশীফৗরনি ধিক্কার

(মার্ক 12:40; লূক 11:39–42,44,52; 20:47)

“দিন্ঠিফ্লাগ্রা আইন গুরুফৗর আরৗ ফরীশীফৗর, নৗংছৗরহা বেছে ধিক্কার! মানসিফৗরনি থাখৈ নৗছৗরহা স্বৗর্গৗ রাইজৗনি দুয়ারখৌ ফাংথেয়ৗ, আরৗ নৗংছৗর গাওছৗরবৗ হাবমা, আরৗ গুবুনফৗর হাবনৗ হাস্থাইনায় ফৗরখৌবৗ হাবহৗয়া, আইগুরুফৗর আরৗ ফরীশীফৗর, ধিক্কার নৗংছৗরহা, নৗংছৗরৗ দিন্ঠিফ্লাগ্রাফৗর, নৗংছৗরৗ রান্ডি হিন্জাওফৗরনি ধৗন সম্পত্তিখৌ বৗখ্রেবনানৈ জায়ৗ আরৗ দিন্ঠিফ্লানৗ থাখৈ গৗলাও গৗলাও প্রার্থনা খৗলামৗ। বিনিখাইনৗ নৗংছৗরনি ছায়াও গৗব্রাবসিনথার বিচার জানায়।2 দিন্ঠিফ্লাগ্রা আইন গুরুফৗর আরৗ ফরীশীফৗর, নৗছৗরহা ধিক্কার, নৗছৗরৗ সাছে মানসিখৌ গৗসৗ সৗলাইহৗনৗ থাখৈনৗ লৈথৗআও আরৗ হাদৎমানিফৗরাও গিদিংবাইয়ৗ, নাথায় জেব্লা মৗনৗ, অব্লা নৗংছৗরৗ বিছৗরখৌ নৗংছৗরনি খুরৈ দুই গুণা বাংসিন নরকনি বিসা খৗলামৗ। ধিক্কার নৗংছৗরহা, খানা দৈদেনগিরিফৗর! নৗংছৗরৗ বেবাদি ফৗরৗঙৗ, ‘ছৗরবায়া মন্দিরনি সমায় লাব্লা, বিহা জেবৗ অৗঙা, নাথায় ছৗরবায়া মন্দিরনি সনানি নামমৈ সময় লাব্লা, বিয়ৗ গাওনি সময়লানাইখৌ লাখিথারনাংনায়।’ ও মূর্খ আরৗ খানাফৗর, ববেয়া দেৎসিন, সনায়া না, সোনাখৌ ফৗথারগ্রা মন্দিরা? নৗংছৗরবৗ বুঙৗ, ‘ছৗরবায়া বিন্দৗনি নামমৈ সময় লাব্লা, বেহা জেবৗ অৗঙা, নাথায় ছৗরবায়া বিন্দৗয়াও বাওনায় মৗঙাফৗরনি নামমৈ সমায় লাব্লা বিয়ৗ বেখৌ হৗথারনাংনায়।’ খানাফৗর! ববেয়া গৗনাংসিনথার, বাওনায় মৗঙায়া না বাওনায় মৗঙাখৌ গৗথার খৗলামগ্রা বিন্দৗয়া। বিনিখাইনৗ, জাইয়া বিন্দৗনি নামমৈ সমায় লায়ৗ, বিয়ৗ বিন্দৗনি আরৗ বিনি ছায়াও নাজাওনায় গাছেন মৗঙাফৗরনি নামমৈ সমায় লায়ৗ। আরৗ জাইয়া মন্দিরনি নামমৈ সমায় লায়ৗ, বিয়ৗ মন্দিরনি আরৗ বিয়াও থাগ্রা ঈশ্বৗরনি নামমৈ সমায় লায়ৗ। আরৗ ছৗরবায়া স্বৗর্গৗনি নামমৈ সময় লাব্লা, বিয়ৗ ঈশ্বৗরনি সিংহাসন আরৗ বে সিংহাসনাও জাইয়া জিরাইয়ৗ, বিনি নামমৈ সমায় লায়ৗ। নৗংছৗর দিন্ঠিফ্লাগ্রা, আইন গুরুফৗর আরৗ ফরীশীফৗর, ধিক্কার নৗংছৗরহা! নৗংছৗরৗ ফদিনা, মৌরি আরৗ জিরা বে মসলানিফ্রায় দশভাগনি এক ভাগ দান হৗয়ৗ, নাথায় নৗংছৗরৗ গৗনাংথার আইনি ফৗরৗংনাইফৗরখৌ বাংসিন বাদহৗদৗং, বে জাবায়, নিয়াই, দয়া আরৗ ফৗথাইজাথাওথাও। নৗংছৗরৗ সিগাংনিখৌ জেরৈ ফালিদৗং, বেবাদিনৗ উননিখৌবৗ ফালিনাংথারগৌমৗন। দৈদেনগিরি খানাফৗর! নৗংছৗরৗ থামফৈখৌ সগরনানৈ গারৗ নাথায় উঠখৌ মলঙৗ!। ধিক্কার দিন্ঠিফ্লাগ্রা আইন গুরুফৗর আরৗ ফরীশীফৗর, নৗছৗরৗ গাওছৗরনি খুরৈ আরৗ থুরসিফৗরখৌ ছায়াও মানজিয়ৗ, নাথায় সিঙাও বিছৗরৗ লোভজৗং আরৗ সেনৗ হাস্থাইনায়জৗং বুংফৗবনানৈ থায়ৗ। ও খানা ফরীশী, খুরৈনি সিঙাওনি খুরৈ থুরসিখৌ ছুস্রাংগ্রৗ, অব্লা ছায়াওনিবৗ ফুসোব জানায়। ধিক্কার নৗংছৗরহা, আইন গুরুফৗর আরৗ ফরীশীফৗর, দিন্ঠিফ্লাগ্রাফৗর, নৗংছৗরৗ ছুনৈ ফুন্নায় গৗথৈ হাখর বাদি, ছায়াও সমাইনা, নাথায় সিঙাও গৗথৈনি বেগেংফৗর আরৗ মৗংফ্রৗমবৗ মৈলা। বেবাদিনৗ নৗংছৗরৗ বাইরাও মানসিফৗরনি সিগাঙাও ধৗরৗমিয়া নুজায়ৗ নাথায় সিঙাও দিন্ঠিফ্লাগ্রা আরৗ পাপফৗরজৗং বুংফাওনায়।

সাজা হৗনাগৌখৌ রাইঠিনায়

(লূক 11:47–51)

“আইন গুরুফৗর, আরৗ ফরীশীফৗর, নৗংছৗরৗ দিন্ঠিফ্লাগ্রা, ধিক্কার নৗংছৗরহা, নৗংছৗরৗ নবিফৗরনি থাখৈ গৗথৈ দন্দরফৗরখৌ বৗনাইয়ৗ আরৗ ধার্মিকফৗরনি থাখৈ গৗসৗখাংজানৗ খবরস্থানখৌ সমাইনা সাজাইয়ৗ নাথায় বে নবিফৗরখৌ নৗংছৗরনি আজৌ আজৈফ্রানৗ সিথাৎনামৗন। আরৗ নৗংছৗরৗ বুঙৗ, ‘জৗংনি আজৌ আজৈনি আমৗলাও জৗঙৗ দৗঙৗমৗনব্লা বিছৗর জেরৈ মাওদৗং মৗন, আরৗ নবিফৗরখৌ থৈ ফসরনান সিথাৎদৗংমৗন, বেবাদিনৗ জৗঙৗ মাওনায় আরৗ সিথাৎনায় অৗঙা মৗন।’ বিনিখাইনৗ নৗংছৗরৗ গাওছৗরনি বিরুদ্ধনাও সাক্ষ্য হৗয়ৗ যে বি সমাও নবিফৗরখৌ সিথাৎগ্রাফৗরনি জৗলৈ হৗন্নানৈ। দে, অব্লা নৗংছৗরনি আজৈ আজৌফৗর মাওজেন্নায়খৌ নৗংছৗরৗ মাওফুংজৗবদৗ। ও জিবৌফৗর, জিবৌ গাংছৗমনি বিসাফৗর, নৗংছৗরৗ নরকনি বিচার সাজানিফ্রায় মাব্রৈ খাৎগনায়? বিনিখাইনৗ আঙৗ নৗংছৗরনিয়াও নবিফৗর, গিয়ানি মানসিফৗর আরৗ আইন গুরুফৗর থৗনহৎদৗংছৈ। বিছৗরনি খাইছেখৌ নৗংছৗরৗ সিথাৎনায় আরৗ খাইছেখৌ ক্রুশয়াও দৗখৗঠাবনায়, আরৗ খাইছেখৌ গাওছৗরনি সিবিগ্রা ন্ব'য়াও ছাবুকজৗং বুনায়, আরৗ নৗগৗর নৗগৗর হৗছৗফিথিংবাইনায়। বিনিখাইনৗ বুহুমাও সৗরজিনাইনিফ্রায় জেছেবাং ধার্মিকফৗরখৌ সিথাৎবৗবায়, হেবলনিফ্রায় বরখিয়েনি বিসাজ্লা, সখরিয় জাইখৌ মন্দির আরৗ বিন্দৗনি গেজেরাও সিথাৎদৗংমৗন, বে সমসিম গাছেন দায় গৈয়ি মানসিফৗরখৌ সিথাৎনায়নি থৈনি সাজায়া নৗংছৗরনি ছায়াও 3গৗগ্লৈনায়। নংথারগৌয়ৈ আঙৗ নৗংছৗরখৌ বুঙৗ, বে সিথাৎনায়নি গাছেন সাজায়া বে ফিরিনি মানসিফৗরনি ছায়াও গৗগ্লৈনায়।

যিরূশালেমনি থাখৈ দাহা

(লূক 13:34–35)

“ও যিরূশালেম, যিরূশালেম নৗঙৗ নবিফৗরখৌ সিথাৎনৗ আরৗ জাইফৗরখৌ নৗংছৗরনিয়াও থৗনহৎনৗ বিছৗরখৌ অন্ঠাই খুবৈয়ৗ, দাওফ্রা জেরই দাওবিসাফৗরখৌ গাংখং সিঙাও জ' গজবনানৈ লায়ৗ, আংবৗ বিবাদিনৗ নৗংছৗরখৌ গজবনানৈ লানৗ জেব্লাইবৗ লুবৈদৗংমৗন, নাথায় নৗংছৗরৗ গজবজানৗ গৗসৗ জায়াখৈ। নাই, নৗংছৗরনি ন্ব'য়া নৗংছৗরনি খাঠিয়াও সুনসান জানানৈ গৗগ্লায়নান থানায়। আং নৗছৗরখৌ বুঙৗ, জেব্লাসিম নৗংছৗরৗ বুংনায় অৗঙা, অব্লাসিম নৗংছৗরৗ আংখৌ নুনায় অৗঙা। ‘ধন্য বিয়ৗ জাইয়া ফৗরবুনি নামমৈ ফৈগৌ।’”

Source notes (3)
  1. Footnote ইহুদি হৌয়াসাফ্রা বিগুরনি বাক্সফ্রায়াও সি'নি তাবিজ বানাইনানৈ গৗলৈ টুকরা খাদেৎনান গান্নৗমৗন। জেখৌ জৗং অৗংখাৎলাংনায় 13:1–6 হূদা বিজাব 6:4–9; 11:13–21 নুনৗ মৗনৗ। ফৗরবুনি আদেশ মানিনাইয়াও বেফৗরবাদি গৗলৈ বাক্সখৌ বিছৗরৗ কাপালাও আরৗ আখছি আখাইনি আখান্ঠি গৗজৌয়াও জেয়া গৗর্বৗ খাঠিয়াও ( অৗংখাৎলাংনায় 13:9,16; হূদা বিজাব 6:8; 1:18)। নাথায় ফরীশীফ্রা মানসিফৗরখৌ দিন্ঠিনৗ গুবুন মানসিফৗরনিফ্রায়বৗ দেৎসিন বাক্স বানাইয়ৗমৗন। ইহুদি হৌয়াসাফ্রা গাওছৗরখৌ ঈশ্বৗরনি ফৗথায়গ্রা দিন্ঠিনৗ গাওছৗরনি খসাবফৗরাও খুন্ডুংনি ফিতা খাদেৎনান লায়ৗমৗন, জেরৈ বাদি লিৎনায় দং। নাথায় ফরীশীফ্রা দিন্ঠিনৗ গৗলাও গৗলাও খুন্ডুংনি ফিতা খাদেৎনান লায়ৗমৗন।
  2. Footnote খাইছে মেনাস্ক্রিপ্ঠাও বে পদনা লাফাদেৎজাখৈ
  3. Footnote হেবলআ জাবায় আদম আরৗ হবানি বিসাজ্লা আরৗ বিয়ৗ বাইবেলাও বৈনিখুরৈ সিগাং সিথাৎজানায় মানসি, জাগাইজেন্নায় 4:8। সখরিয়আ বাইবেলনি বুংনায়বাদি ইব্রীয় বিজাবনি বুংনায়বাদি সখরিয়আ জাবায় মানসি সিথাৎজানায়ফৗরনি জৗবথানায় সাছে মানসি। 2 ইতিহাস 24:20–22 (2 ইতিহাস বিজাবমা জাবায় ইব্রীয় বিজাবনি জৗবথানায় বিজাব)

Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.