মথি 17

যীশুনি মুস্রি সৗলাইনায়

(মার্ক 9:2–13; লূক 9:28–36)

1ছয় দিননি উনাও যীশুআ পিতর, যাকোব আরৗ যাকোবনি ফংবায় যোহনখৌ লৗগৗয়াও লানানৈ ঠৗঙৈ মৗনছে গৗজৌ হ্বাজৗয়াও গাওছৗরজৗং গাওছৗর গাখৗলাংবায়। 2জেরও বিছৗর বান দৗংমৗন, আরৗ বি জায়গাওনৗ বিছৗরনি সিগাঙাওনৗ বিনি মুস্রিয়া সৗলাইদৗং, যীশুনি মৗখাংআ সান বাদি জৗংব্লাওদৗং, আরৗ গাননায় সি'ফ্রা বাতিনি সমান গুফুৎ জাদৗং। 3আরৗ বে সমাও বিছৗরনি সিগাঙাও মোশি আরৗ এলিয়খৌ যীশুজৗং রাইজ্লাইনায় নুবায়। 4অব্লা পিতরা যীশুখৌ হৗনবায়, “ও ফৗরবু, জৗংনি থাখৈ বেহা থানাগৌয়া মৗজাং জানায়! থৗ জৗঙৗ গংথাম ডেরা লুনি, নৗংনৗ গংছে, মোশিনৗ গংছে আরৗ এলিয়নৗ গংছে।”

5জেব্লা বিয়ৗ খৗথা বুংগাছেন দংমৗন, বে সমাও স্রাং জৗমৈ দাখাছে নুজাফৈনানৈ বিছৗরখৌ খৗবফৈদৗং, আরৗ জৗমৈনিফ্রায় বেবাদি রাও অৗংখাৎদৗং, 1“বিনৗ আংনি অনজাগ্রা বিসা হৌয়া বিজৗংনৗ আঙৗ খুশি জায়ৗ। বিনি খৗথাখৌ খৗনাছং।”

6জেব্লা ছেলাফ্রা বে রাওখৌ খৗনায়ৗ, অব্লা বিছৗরৗ গিখ্রংদৗং আরৗ হায়াও খগ্লুবনানৈ থাদৗং।

7অব্লা যীশুআ ফৈনানৈ বিছৗরখৌ দাংনানৈ হৗনদৗং, “ছিখাং।” বিয়ৗ বুংবায়, “গিনৗ নাঙা।” 8জেব্লা বিছৗরৗ নাইগদাওয়ৗ, অব্লা বিছৗরৗ যীশুখৌ ছাড়া রাওখৌবৗ নুয়াখৈছৈ।

9বিছৗর হাজৗনিফ্রায় অৗংখাৎবৗনায় সমাও যীশুআ বিছৗরখৌ আদেশ হৗদৗং, “মানসিনি বিসাহৌয়াআ থৈনায়নিফ্রায় ঠাংখাংফিনগৌমানি নৗংছৗর জেখৌ নুবায়, বেখৌ রাওনৗবৗ দাখৗথা।” 10আরৗ ছেলাফ্রা যীশুনিয়াও সৗংবায়, “এলিয়আ ফৈগ্রৗথারনাংনায় হৗন্নানৈ আইন গুরুফ্রা অব্লা মানৗ হৗন্নৗ?” 11যীশুআ বুংফিনবায়, “নৗংছৗরনি বুংনাইয়া নৗংগৌ, এলিয়আ ফৈনায় আরৗ গাছেনখৌবৗ ফৗসাবফিননায়। 12আঙৗ নৗংছৗরনৗ রাইঠিয়ৗ, এলিয়আ ফৈখাবায় আরৗ বিছৗরৗ বিখৌ ছিনাইয়াখৗছৈ, নাথায় বিছৗরৗ গাওছৗরনি গৗসৗ বাদি বিনি ছায়াও গাছেনখৌ খৗলামবায়। বিবাদিনৗ মানসিনি বিসাহৌয়াবৗ বিছৗরনি আখাইয়াও সৈনাংনায়ছৈ।”

13অব্লা ছেলাফ্রা বুজিবায় যে বিয়ৗ যোহন বাপ্তিস্টনি বিষয়ৈ বিছৗরখৌ বুংবায় থাদৗংমৗন।

ভূত হমজানায় গথ'খৌ ছৗখানায়

(মার্ক 9:14–29; লূক 9:37–43)

14জেব্লা বিছৗরৗ ভিড়নিয়াও ছফৈয়ৗ, অব্লা সাছে মানসিয়া যীশুনি খাঠিয়াও ফৈনানৈ বিনি মৗখাঙাও হান্ঠু খরায়ফৈয়ৗ। 15আরৗ বিয়ৗ বুংবায়, “ফৗরবু, আংনি বিসাজ্লানি ছায়াও অনখাংদৗ, বিনে মৃগী রগ দং আরৗ বিয়ৗ বিরাঠ সৈছৗনাংদৗং, আরৗ বিয়ৗ গলে গলে অয়াৎ আরৗ দৈয়াও গৗগ্লৈয়ৗ। 16আং বিখৌ নৗংনি ছেলাফৗরনিয়াও লাবৗদৗংমৗন, নাথায় বিছৗরৗ বিখৌ ছৗখানৗ হায়াখৈছৈ।”

17যীশুআ বুংফিনবায়, “ও ফৗথায়নাইগৈয়ি আরৗ গাজ্রিমাওগ্রা ফিরিনি মানসিফৗর, বেছে গৗবাও আং নৗংছৗরজৗং লৗগৗআও থাবাওনৗ আরৗ নৗংছৗরখৌ সহায়বাওনৗ? নৗংনি বিসাজ্লাখৌ বেহা আংনিয়াও লাবৗ।” 18যীশুআ বি ভূতখৌ হৗদাওনানৈ হৗয়নদৗং, আরৗ ভূতনা হৌয়াসা গথ'নিফ্রায় অৗংখাৎলাংদৗং, আরৗ বি সমাওনৗ গথ'আ ছৗখাজাদৗং।

19উনাও ছেলাফ্রা যীশুনিয়াও ফৈনানৈ সৗংখৗমাদৗং, “জৗঙৗ বিখৌ মানৗ হৗখাৎনৗ হায়াখৈছৈ?” 20ফৗরবুআ বুংফিনবায়, “মানৗনা নৗংছৗরহা গৗলৈ বান ফৗথানায় দং। নংথারগৌয়ৈ আঙৗ নৗংছৗরখৌ বুঙৗ, নৗংছৗরহা গৗলৈ বিসর বিগৎ গৎছেনি সমান ফৗথাইনায় থায়ৗব্লা নৗংছৗরৗ বে হাজৗখৌবৗ বেবাদি হৗন্নৗ হানায়, ‘বেনিফ্রায় বিহা দৗরৗদলাং,’ আরৗ হাজৗআ দৗরৗদলাংনায়। আরৗ নৗংছৗরৗ জেবৗ খৗলামনৗ হায়ি জানায় অৗঙা। 21নাথায় প্রার্থনা আরৗ উপবাস ছাড়া বেফৗরবাদি ভূতফৗরখৌ হৗখাৎনৗ হায়া2।”

যীশুআ থৈনায়খৌ খেবনৈ মিথিহৗবাওবায়

(মার্ক 9:30–32; লূক 9:43–45)

22জেব্লা বিছৗরৗ লৗগৗছেয়ৈ গালীলয়াও জ'ফৈয়ৗ অব্লা যীশুআ বিছৗরখৌ হৗন্দৗং, “মানসিনি বিসাহৌয়াআ মানসিফৗরনি আখাইয়াও হমনানৈ হৗনায়। 23বিছৗরৗ বিখৌ সিথাৎনায়, আরৗ সানথামনি দিনাও জিউয়াও ঠাংখাংফিন্নায়।” আরৗ ছেলাফ্রা দাহা নাংদৗং।

মন্দিরনি খাজনানি বাথ্রা

24যীশু আরৗ বিনি ছেলাফ্রা জেব্লা কফরনাহুমাও ছফৈয়ৗ, অব্লা মন্দিরনি খাজনা খাংগ্রায়া পিতরনিয়াও ফৈনানৈ সৗংদৗং, “মা নৗংছৗরনি গুরুআ মন্দিরনি খাজনা হৗয়া নামা?” 25বিয়ৗ বুংফিনবায়, “অৗ, হৗয়ৗ।”

জেব্লা পিতরা ন্ব'য়াও ছফৈয়ৗ, অব্লা যীশুআনৗ সিগাং বুংনাইয়া, “শিমোন, নৗং মা সান্নৗ?” বিয়ৗ সৗংবায়, “সংসারনি রাজাফ্রা ছৗরনিফ্রায় খাজনা খাঙৗ? গাওছৗরনি হাদৎনি মানসিফৗরনিফ্রায় কিন্বা গুবুনহারিফৗরনিফ্রায়?”

26পিতরা উত্তর হৗবায়, “গুবুনহারিফৗরনিফ্রায়।” যীশুআ বিখৌ বুংফিনবায়, “অব্লাহায় বিনি মানসিফ্রা হৗনাঙা। 27নাথায় জৗঙৗ অপরাদনি কারণ জায়িবাদি, থাং, লৈথৗয়াও বৗরসি বৗনহৈ, আরৗ সিগাং না' হমনায় না'নি খগাখৌ খেও, আরৗ বিয়াও নৗংছৗরৗ থাইছে টাকা মৗননায়, বে টাকাখৌ লানানৈ আংনি আরৗ নৗংনি থাখৈ খাজনাখৌ বিছৗরনৗ হৈ।”