Mech
ইফিষীয় 3
গুবুনহারিফৗরনি থাখৈ পৌলনি মাওনায়
বিনিখাইনৗ, আং, পৌলআ, নৗংছৗর গুবুনহারিফৗরনি থাখৈ যীশু খ্রীষ্টনিয়াও জৗবজানায়, নংথারগৌয়ৈ নৗংছৗরৗ খৗনাবায়, নৗংছৗরনি মৗজাংনি থাখৈ ঈশ্বৗরনি অনুগ্রহজৗং আংনৗ বে শাসনখৌ হৗবায়। ঈশ্বৗরা গাওনি সানখৗমানায়খৌ আংনৗ নুজাহৗজানায়জৗং মিথিহৗবায়1, জৗরৈ আঙৗ সিগাঙাও গুছুঙৈ লিৎদৗং। বেখৌ ফরাইনানৈ, অব্লা নৗংছৗরৗ খ্রীষ্টনি আংনি সিংনি সানখৗমানায় বাথ্রাখৌ বুজিনৗ হানায়। বিনি সিগাং বে সানখৗমানায়খৌ মানসিনৗ মিথিহৗনায় জায়াখৈ মৗন, নাথায় দা বেখৌ ঈশ্বৗরা গৗথার জিউজৗং গাওনি প্রেরিতফৗরনৗ আরৗ নবিফৗরনৗ নুজাহৗবায়। বে সানখৗমানায়খৌ বেনৗ মৗজাং খবরজৗং গুবুনহারিফ্রাবৗ খ্রীষ্টনিয়াও ওয়ারিশ জানানৈ ঈশ্বৗরনি বৗরখৌ যিহূদীয়ারিফৗরজৗং আওগ্রিফানৗ হানায়; বিছৗরৗ মৗনছে দেহানিনৗ অঙ্গফৗর জানানৈ আরৗ যীশু খ্রীষ্টজৗং ঈশ্বৗরনি জবান হৗখানায়খৌ ভাগৗ মৗননায়।
ঈশ্বৗরনি অনুগ্রহনি দানজৗং আরৗ বিনি বৗলৗনি খামানি মাওনায়নি গেজেরজৗং আঙৗ বে মৗজাং খবর খৗথাবায়নায়নি দাস জাবায়। গাছৈ ঈশ্বৗরনি মানসিফৗরনি গেজেরাও আঙৗ অনদায়িসিনথারি, অব্লাবৗ খ্রীষ্টনি সানছহায়ি ধৗননি মৗজাং খবরখৌ গুবুনহারিফৗরনৗ খৗথাবায়নৗ ঈশ্বৗরা বে অনুগ্রহখৌ আংনৗ হৗবায়। আরৗ সাফ্রৗমনৗবৗ বুজিনৗ হেফাজাব হৗনৗ ঈশ্বৗরনি সানখৗমানায়খৌ নুজাহৗনায়নি শাসনখৌ আংনৗ হৗবায়। গাছেনবৗ সৗর্জিগিরি ঈশ্বৗরা থাংনায় বৗথৗরফৗরাও গাওনি বে বাথ্রাখৌ দৗনখমাদৗং মৗন। বিনি উদ্দেশ্যয়া জাদৗং, খ্রীষ্ট মন্ডলীজৗং নখ্রাংনি গাছৈ শাসনগিরিফৗর আরৗ একথিয়ার গৗনাংফৗর বাইদিসিনায়ৈ ঈশ্বৗরনি জ্ঞানখৌ মিথিহৗদৗং। জৗবনৗ গৗয়ি উদ্দেশ্য অনুয়ায়ি যে জৗংনি যীশু খ্রীষ্ট ফৗরবুনি গেজেরজৗং ফৗজৗববায়। খ্রীষ্টজৗং খৌছে জানায়াও আরৗ বিখৌ ফৗথাইনায়জৗং জৗংহা ঈশ্বৗরনি সিগাঙাও থাংনৗ স্বাধীন আরৗ ফুরা ফৗথাইনায় দং। বিনিখাইনৗ আঙৗ খাওলায়ৗ, নৗংছৗরৗ উৎসাহ গৈয়ি দাজা, মানৗনা নৗংছৗরনি মৗজাংনি থাখৈ আং সৈনাংদৗং, জাইয়া নৗংছৗরনি মহিমা।
খ্রীষ্টনি অন্নায়
বিনিখাইনৗ, আঙৗ বিফানি সিগাঙাও হান্ঠুখরাইয়ৗ, সাফ্রৗমবৗ স্বৗর্গৗ আরৗ বুহুমাও থানায় বিছৗরৗ বিনিফ্রায় জীবনখৌ মৗন্নৗ। আংনি প্রার্থনা খৗলামনায়া বিনি জিউজৗং নৗংছৗরনি গৗসৗ সিঙাও বৗলৗগ্রা আরৗ বিনি মহিমা গৗনাং ধৗননিফ্রায় জাথৗং; বিনিখাইনৗ নৗংছৗরনি ফৗথাইনায়জৗং খ্রীষ্টআ নৗংছৗরনি গৗসৗফৗরাও থাথৗং। আরৗ আং আরবাও প্রার্থনা খৗলামৗ, নৗংছৗরৗ অন্নায়াও গৗম গৗম আরৗ গায়সনজাথৗং, অব্লা গাছেন ঈশ্বৗরনি মানসিফৗরজৗং লৗগৗছে খ্রীষ্টনি অন্নায়া নৗংছৗরনি ছায়াও বেখৌ বুজিনৗ হানায় বৗলৗ থাথৗং, বেছে গুয়ার, বেছে গৗলাও, বেছে গৗজৌ, আরৗ বেছে গৗথৌ, নংগৌ, নৗংছৗরৗ বিনি অন্নায়খৌ ঠাল্লায়ৈ মাব্লাবাবৗ মিথিজৗবনৗ হাথারাব্লাবৗ, নৗংছৗরৗ খ্রীষ্টনি অন্নায়খৌ বুজিনৗ হাথৗং, আরৗ নৗংছৗরৗ ঈশ্বৗরনি বুংফাওনাইয়াও ছুফুংজাবায়।
দা বিনিয়াও জাইয়া গাওনি বৗলৗজৗং জৗং বিনায় কিন্বা সান্নায়নি খুরৈ বাংসিন মাওনৗ হায়ৗ, বিনি বৗলৗ অনুজায়ৈ জৗংনি গেজেরাও খামানি মাওয়ৗ, মন্ডলীয়াও আরৗ যীশু খ্রীষ্টনিয়াও গাছেন জৗলৈনি থাখৈ জেব্লাইবৗনি বি ঈশ্বৗরনিনৗ মহিমা জাথৗং! আমেন।
Source notes (1)
- Cross-reference কলসীয় 1:26–27
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.