Mech
ইফিষীয় 1
আং পৌল,
ঈশ্বৗরনি গৗসৗ বাদি যীশু খ্রীষ্টনি প্রেরিত, ইফিষীয়াও1 থানায় ঈশ্বৗরনি মানসিফৗর, জাইফ্রা যীশু খ্রীষ্টনি উনাও থাবায়গ্রা ফৗথায়সুলাফৗর।
জৗংনি বিফা ঈশ্বৗর আরৗ ফৗরবু যীশু খ্রীষ্টআ নৗংছৗরনৗ অনুগ্রহ আরৗ শান্তিখৌ হৗথৗং।
খ্রীষ্ট যীশুনিয়াও বৗর মৗন্নায়
জৗংনি ফৗরবু যীশু খ্রীষ্টনি বিফা ঈশ্বৗরা বাখ্নাইজাথৗং, মানৗনা জৗঙৗ খ্রীষ্টজৗং খৌছে জানায়খায়, বিয়ৗ স্বৗর্গৗনি মৗনফ্রৗমবৗ জিউনি বৗরখৌ জৗংনৗ হৗবায়। গাওনি মৗখাঙাও গৗথার আরৗ দায় গৈয়ি জানায় বাদি ঈশ্বৗরা সংসারখৌ সৗরজিনায়নি সিগাং খ্রীষ্টজৗং জৗংখৌ গাওনি খৗলামনানৈ লানৗ সাইখদৗং। গাও অন্নায়নি থাখৈনৗ ঈশ্বৗরা খুশি জানানৈ গাওনি গৗসৗ বাদি যীশু খ্রীষ্টনি গেজেরজৗং জৗংখৌ গাওনি খাংনায় বিসাফৗর খৗলামনানৈ লানৗ সিগাঙাও ঠিক খৗলামদৗং। ঈশ্বৗরনি মহিমা গৗনাং অনুগ্রহনি থাখৈ জৗঙৗ বিখৌ বাখ্নাইনি, মানৗনা গাও গাওনৗ অনজাগ্রা বিসাজ্লানিয়াও বিয়ৗ জৗংনৗ অনুগ্রহখৌ গৗসৗবাদিয়ৈ হৗবায়। খ্রীষ্টনি থৈনি গেজেরজৗং জৗঙৗ বাইখজাবায়, বে জাবায়, জৗংনি পাপফ্রা ক্ষমা হৗজাবায়। ঈশ্বৗরনি অনুগ্রহয়া বেছে ধৗনি2, বেখৌ বিয়ৗ বয়নৗবৗ জ্ঞানাও আরৗ বুদ্ধিয়াও জৗংনি ছায়াও আগ্লাই বিগ্লাই হৗবায়। বিয়ৗ গাওনি সানখৗমানায়খৌ জৗংখৌ মিথিহৗবায়। খ্রীষ্টনি গেজেরজৗং বেখৗনৗন বিয়ৗ মাওনৗ লুবৈদৗংমৗন। বিনি সম ছব্লা স্বৗর্গৗ আরৗ বুহুমাও থানায় মানিখৌ জাফুংহৗনৗ, গাছেন জিনিস খ্রীষ্টনি সিঙাও খৌছে খৗলামনৗ ঈশ্বৗররা ঠাংখি লাখাদৗং।
জৗংবৗ বিজৗং সাইখজাদৗং ঈশ্বৗরা গাওনি ঠাংখি আরৗ সিগাঙাও ঠিক খৗলামনায় বাদি গাছৈখৌবৗ মাওফুংনৗ; জাজেন্নায়াও গাও সিগাঙাও ঠিক খৗলামনায় বাদি, আরৗ ঈশ্বৗররা গাওনি উদ্দেশ্যখৌ গাওনি পরিকল্পনাবাদি গাছেনখৌবৗ মাওফুংনৗ। বিয়ৗ বে খামানিখৌ মাওদৗং মৗন, জাহাথে জৗং জাইয়া খ্রীষ্টখৌ সিগাঙাও আশা খৗলামদৗং মৗন, বিনি মহিমাখৌ বাখ্নাইনৗ হাগৌ। নংথারগৌ মৗজাং খবরখৌ নৗংছৗরৗ খৗনানানৈ বাছাইজাবায়, আরৗ ঈশ্বৗরনি মানসিফৗরনিবৗ অংশ জাবায়, জেব্লা নৗংছৗরৗ খ্রীষ্টখৌ ফৗথাইদৗং মৗন, ঈশ্বৗরা দিন্ঠিয়ামৗন যে গৗথার জিউখৌ থৗনহৎনায়জৗং বিনিয়াও জৗরৈ বিয়ৗ মাওনৗ জবানখৌ হৗয়ামৗন। মানৗনা জৗংহা ঈশ্বৗরনি জিউ থাখানায়খায় গাওনি মানসিফৗরনি থাখৈ বিনি জবান হৗখানায়খৌ মৗনথারনায়; আরৗ বিজৗংনৗ ঈশ্বৗরা গাওনি মানসিফৗরখৌ বাইখনায়, বেখৌ জৗংনৗ মিথিহৗখাবায়। দে, বেফৗরনি থাখৈ জৗঙৗ মহিমা গৗনাং ঈশ্বৗরখৌ বাখ্নাইনি।
পৌলনি প্রার্থনা
নৗংছৗরনি ফৗথাইনায় ফৗরবু যীশু খ্রীষ্টনিয়াও আরৗ ঈশ্বৗরনি মানসিফৗরনি ছায়াও নৗংছৗরনি অন্নায়খৌ আং খৗনানায়সমনিফ্রাইনৗ, আঙৗ আংনি প্রার্থনাফৗরাও নৗংছৗরখৌ গৗসৗখাঙৗ, নৗংছৗরনি থাখৈ ঈশ্বৗরখৌ ধন্যবাদ হৗনাইয়াও আং মেঙাখৈ। আংনি প্রার্থনায়া বেনৗ, জৗংনি ফৗরবু যীশু খ্রীষ্টনি ঈশ্বৗর, মহিমা গৗনাং বিফাআ নৗংছৗরনৗ জিউ হৗথৗং, আরৗ বি জিউয়া নৗংছৗরখৌ জ্ঞানী খৗলামনায় আরৗ ঈশ্বৗরখৌ সাবসিন মিথিনৗ হেফাজাব হৗথৗং। জাহাথে নৗংছৗরনি গৗসৗফ্রা গেওনায়, জাহাথে নৗংছৗরৗ মিথিনৗ হায়ৗ, বিয়ৗ নৗংছৗরখৌ যে আশায়ৈ লিংহৎবায়, যে ঈশ্বৗরনি মানসিফৗরনি গেজেরাও বিনি উত্তরাধিকারনি মহিমা গৗনাং ধৗন্না মা বাদি, আরৗ জাইয়া ফৗথায়ৗ জৗংনি থাখৈ বিনি রজুথাওয়ৈ গেদেৎ বৗলৗয়া। বি বৗলৗয়া গৗহৗগৗনাংনি সমান, আরৗ যে বৗলৗজৗং থৈনায়নিফ্রায় খ্রীষ্টখৌ ঠাংখাংফিনহৗদৗং আরৗ স্বৗর্গৗয়াও গাওনি আগ্ডাঠিং ফজদৗং, বিয়ৗ বে মৗনছে বৗলৗয়ানৗ3। স্বৗর্গৗনি শাসনগিরিফৗর, একথিয়ার গৗনাংফৗর, বৗলৗ আরৗ দৈদেনগিরিফৗর আরৗ মৗনফ্রৗমবৗ মুংনি ছায়াও খ্রীষ্টআ শাসন খৗলামদৗং; দানি কিন্বা উননি বৗথৗরফৗরাওনৗ জাথৗং, বিয়ৗ গাছৈনিখুরৈ দেৎসিন। ঈশ্বৗরা গাছৈখৌবৗ খ্রীষ্টনি আঠেং সিঙাও দৗনবায়, আরৗ গাছৈ একথিয়ারখৌ হৗনানৈ বিখৌ মন্ডলীনি খর' ফছংবায়4। মণ্ডলীয়া খ্রীষ্টনি মৗদৗম, আরৗ খ্রীষ্টজৗংনৗ ছুফুংজাবায়, জাইয়া গাছেনখৌ ফুরায়ৈ ছুফুঙৗ।
Source notes (4)
- Cross-reference প্রেরিত 18:19–21; 19:1
- Cross-reference কলসীয় 1:14
- Cross-reference গীতফৗর 110:1
- Cross-reference গীতফৗর 8:6
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.