Skip to content
BibleKenya

Mech

প্রেরিত 21

যিরূশালেমাও থাংনায়

ইফিষীয় মন্ডলীনিফ্রায় বিদায় লানানৈ জৗংখৌ জাহাজজৗং ঠৗংজৗং কস দ্বীপমাও থাংদৗং বিনি নখা নায়ৈ রোদঃ দ্বীপমাও, আরৗ পাতারায়াও নৗগৗরাও ছহৈদৗং। বিহা জৗঙৗ ফৈনীকিয়াও থাংনায় গংছে জাহাজয়াও জৗঙৗ গাখৗলাংদৗং। বিনি উনাও সাইপ্রাস দ্বীপখৌ নুহৎনানৈ বিনি খৗলা ঠিঙৈ গিদিংনানৈ সিরিয়ায়াও থাংনানৈ সোর নৗগৗরাও অৗংখাৎহৈদৗং। মানৗনা বিয়াওনৗ জাহাজনি মৗঙাফৗরখৌ বয়ননাইনি খৗথা মৗন। বিয়াওনৗ খাইছে ছেলাফৗরখৌ নাগিৎনান মৗন্নানৈ বিছৗরজৗং জৗঙৗ সাত দিন থাদৗং। বিছৗরৗ গৗথার জিউনি দৈদেনায়জৗং পৌলখৌ যিরূশালেমাও থাংনৗ নাঙা হৗন্নানৈ খাওলাইদৗং। জেব্লা সাত দিন থানায়নি উননাও বিছৗরজৗং জেছে দিন থানৗ সম মৗন্দৗং, জৗঙৗ বিছৗরনিফ্রায় অৗংখাৎলাঙৗ অব্লা গাছেন ছেলাফ্রা গাওছৗরনি হিন্জাওফৗর আরৗ গথ'ফৗরখৌ লানানৈ জৗংখৌ নৗগৗর বাদগজাছে দৗনলাংদৗং, আরৗ লৈথৗ জিঙাও জৗঙৗ হান্ঠুখরাইনানৈ ঈশ্বৗরনেও প্রার্থনা খৗলামদৗং। বিনি উনাও বিদায় লাজ্লাইনানৈ জৗঙৗ জাহাজয়াও গাখৗহৈদৗং, আরৗ বিছৗরৗ গাওছৗরনি ন্ব'য়াও থাংফিনদৗং। জৗঙৗ সোরনিফ্রায় তলিমায়া নৗগৗরাও ছহৈনানৈ, বিয়াওনি বিশ্বাসিফৗরখৌ খুলুমনায় হৗনানৈ বিছৗরনেও সানছে থাদৗং। বিনি নখা নায়ৈ জৗঙৗ অৗংখাৎলাংনানৈ কৈসরিয়া নৗগৗরাও ছহৈদৗং। বিয়াও জৗঙৗ মৗজাং খবর খৗথাবায়গ্রা ফিলিপনিয়াও থাদৗং। বিয়ৗ যিরূশালেমাও সাইখজানায় সাত জন হেফাজাব হৗগ্রাফৗরনি সাছে মৗন।1 বিহা সাব্রৈ সিখ্লা আইঠা বিসাজৗফৗর দংমৗন। বিছৗরৗ মানসিফৗরনৗ ঈশ্বৗরনি ভাববাণী খৗথাবাইয়ৗ মৗন।

বিনি উনাও জৗঙৗ ইছে গৗবাং দিন থানায়নি উনাও আগাবাস মুংনি সাছে নবি যিহূদিয়ানিফ্রায় ছফৈদৗং। বিয়ৗ জৗংনিয়াও ফৈনানৈ পৌলনি জান্জিয়াও খানায় সি'খৌ লানানৈ আগাবাসনি আখাই আরৗ আঠেংখৌ খানানৈ হৗন্দৗং, “গৗথার জিউনি বুংনায়া বেনৗ: ‘বে জান্জি সিনি বৈগৗমাখৌ যিরূশালেমনি যিহূদীয়ারিফ্রা বেবাদিনৗ খানানৈ গুবুনহারিফৗরনৗ গথাইনায়।’”

বে বুংনায়খৌ খৗনানানৈ জৗঙৗ পৌলখৌ খাওলাইনানৈ হৗন্দৗং, “নৗঙৗ যিরূশালেমাও দাথাংছৈ।” নাথায় পৌলআ বুংফিন্দৗং, “নৗংছৗরৗ মা খৗলামদৗং, বেবাদি গাবফ্রুনানৈ মানৗ আংনি গৗসৗখৌ বায়হৗদৗং? ফৗরবু যীশুনি মুঙৈ আং যিরূশালেমাও খাজানৗ বান অৗঙা থৈনৗবৗ ঠাম ঠিম।” জৗঙৗ রাজি খৗলামনৗ হায়িখায় সিরি থানানৈ জৗবনায়াও হৗন্দৗং, “ফৗরবুনি গৗসৗ বাদি জাথৗংছৈ।”

বিনি উনাও, জৗঙৗ ঠাম ঠিম জানানৈ যিরূশালেময়াও অৗংখাৎলাংবায়। কৈসরিয়ানিফ্রায় খাইছে ছেলাফ্রাবৗ জৗংজৗং থাংফাদৗং বিছৗরৗ জৗংখৌ ম্নাসোন মুংনি সাইপ্রাস-দ্বীপনি সাছে মানসিনি ন্ব'য়াও লাংদৗং। বিয়ৗ সিগাংনি ছেলাফৗরনি সাছে মৗন।

পৌলআ যিরূশালেমাও

জেব্লা জৗঙৗ যিরূশালেমাও ছহৈয়ৗ, অব্লা বিশ্বাসিফ্রা জৗংখৌ গৗসৗ গুদুঙৈ নাজাওদৗং। নখা নায়ৈ পৌলআ জৗংজৗং লৗগৗছে যাকোবখৌ নাইনৗ থাংদৗং; আরৗ মন্ডলীনি প্রাচীনফ্রা গাছেনবৗ নুজাহৈদৗং। পৌলআ বিছৗরনৗ গৗজৗন্নায় হৗনানৈ বিনি খামানিনি গেজেরজৗং ঈশ্বৗরা গুবুনহারিফৗরনি গেজেরাও মা মা মাওদৗং, বেখৌ ফিৎ ফিৎ খৗথাদৗং। বিনি খৗথাখৌ খৗনানৈ প্রাচীনফ্রা ঈশ্বৗরখৌ বাখ্নাইদৗং। আরৗ বিছৗরৗ পৌলখৌ হৗন্দৗং, “ও ফংবায়, নৗঙৗ নুদৗং, হাজার হাজার যিহূদীয়ারিফ্রা খ্রীষ্টখৌ ফৗথায়দৗং, আরৗ বিছৗরৗ আইনখৌ ফালিনায়াও বেছে গৗসৗ গুদুং। বিছৗরৗ বেবাদি খৗনাদৗং, গুবুনহারিফৗরনি গেজেরাও মাওহৈনায় যিহূদীয়াফৗরখৌ নৗঙৗ ফৗরৗঙৈ ফৗরৗঙৈ মোশিনি আইনখৌ ফালিনৗ, গথ'ফৗরখৌ ত্বকছেদ খৗলামহৗনৗ আরৗ জৗংনি হারিনি নিয়মফৗরখৌ মানিনৗ থৗনদৗং। জৗঙৗ দা মা খৗলামনৗ? নৗংখৌ বিয়াও ফৈদৗং হৗন্নানৈ বিছৗরৗ খৗনাথারনায়। বিনিখাই জৗংনি থৗন্নায় বাদি নৗঙৗ মাওদৗ। বিয়াও ঈশ্বৗরনি সিগাঙাও সমান লাখানায় সাব্রৈ মানসিফৗর দং। নৗঙৗ বে মানসিফৗরখৌ লৗগৗয়াও মন্দিরাও লানানৈ থাংদৗ আরৗ নৗংবৗ বিছৗরজৗং ফৗথারজাফাদৗ আরৗ বিছৗরনি খর'নি হজানৗ 2নাংগৌ খরচখৌ বিছৗরনৗ হৗ। অব্লা বয়বৗ মিথিনায় নৗংনি বিষয়ৈ বুংনায় আরৗ খৗনানায় গাছেনবৗ নংখাই, নাথায় নৗং গাওনৗ মোশিনি আইনখৌ ফালিয়ৗ। নাথায় গুবুনহারিফৗরনি বিশ্বাসীফ্রা, বিছৗরনৗ জৗঙৗ সিদ্ধান্তফৗরখৌ লিৎনানৈ হৎবায়, মূর্তিফৗরনৗ বাওনায় মৗঙাফৗরনিফ্রায় গৗজানাও থা, গৗদৗনা সিথমনানৈ সিথাৎনায় জুন্তুফৗরনি থৈ, বিদৎনিফ্রায় গৗজানাও থা, আরৗ জিনাহারিনিফ্রায়।” নখা নায়ৈ পৌলআ বি সাব্রৈ মানসিফৗরখৌ লাংনানৈ বিছৗরজৗং লৗগৗছে ফৗথারজাদৗং, আরৗ বিনি উনাও ফৗথারজানায়নি দিনা মাব্লা জৗবনায়, আরৗ সাফ্রৗমবৗনি থাখৈ মাব্লা জীব জুনারফৗরখৌ বাওনায়, বিখৌ মিথিহৗনৗ মন্দিরাও থাংদৗং।

মন্দিরাও পৌলখৌ হমনায়

আরৗ ফৗথারনায়নি সাত দিন জৗবনায়ছৈয়াও এশিয়ানিফ্রায় খাইছে যিহূদীয়ারিফ্রা পৌলখৌ মন্দিরাও নুদৗং। বিছৗরৗ ভিড়খৌ আরৗ তুলুংগাহৗনানৈ পৌলখৌ হমহৗদৗং। হজ্রিনানৈ হৗন্দৗং, “ও ইস্রায়েলফৗর! জৗংখৌ হেফাজাব হৗফৈ! বে মানসিআ ইস্রায়েলফৗরনি বিরুদ্ধ, মোশিনি আইননি বিরুদ্ধ আরৗ মন্দিরনি বিরুদ্ধ জেরাওবৗ গিদিংবায়ৈ গিদিংবায়ৈ ফৗরৗংবায়ৗ। আরৗ বিয়ৗ গুবুনহারিফৗরখৌ মন্দিরাও ছৗফৈনানৈ বে গৗথার জায়গাখৌ খালাই খৗলামবায়!” (বিছৗরৗ বে বাথ্রাখৌ বুংদৗং, মানৗনা ইফিষীয়ারি ঠ্রুফিমখৌ বিছৗরৗ পৌলজৗং নৗগৗরাও নুদৗং মৗন, আরৗ পৌলআ বিখৌ মন্দির সিঙাও লাংদৗং হৗন্নানৈ বিছৗরৗ সান্দৗং।) নৗগৗরাও জেরাওবৗ দাওরাও জাবায়, আরৗ মানসিফ্রা জ' জ' হৗছৗলাংনানৈ পৌলখৌ হমনানৈ মন্দিরনিফ্রায় বুদ্রুলাংবায়, আরৗ লৗগৗ লৗগৗ মন্দিরনি দুয়ারফৗরখৌ ফাংথেবায়। মানসিফ্রা পৌলখৌ সিথাৎনৗ হাস্থায়দৗং মৗন, নাথায় গাছেন যিরূশালেমাও দাওরাও জাদৗং হৗন্নানৈ রোমীয় সান্ত্রি গাহায়নেও খবর ছহৈমাৎনৗ। সান্ত্রি গাহাইয়া আরৗ শতপতি আরৗ সান্ত্রিফৗরখৌ লৗগৗয়াও লানানৈ দাওরাও খৗলামনায়ফৗরনিসিম থাংদৗং। আরৗ মানসিফ্রা বিছৗরখৌ নুনানৈ পৌলখৌ বুনৗ নাগারদৗং। আরৗ সান্ত্রি গাহাইয়া পৌলখৌ হমনানৈ দৗংনৈ জিনজ্রিজৗং খানৗ থৗন্দৗং। আরৗ বিয়ৗ সৗংদৗং, “বি মানসিআ ছৗর, আরৗ বিয়ৗ মা মাওদৗং?” অব্লা ভিড়য়া হজ্রিখাংদৗং সাফা মুংফা, সাফা মুংফা হৗন্দৗং। দাওরাওনি বিষয়া মা, বেখৌ মৗজৗঙৈ হমনৗহায়িখায় সান্ত্রী গাহাইয়া পৌলখৌ দূর্গ সিঙাও লাংনৗ থৗন্দৗং। আরৗ মানসিফ্রা উন উন হৗছৗবাওনায়খায় সিরিয়াও ছহৈব্লাবৗ পৌলখৌ বাছাইনৗ থাখৈ সান্ত্রিফ্রা বিখৌ দিখাংনানৈ লাংদৗং। ভিড়য়া উন উন থাংনানৈ হজ্রি হজ্রি হৗন্দৗং, “বিখৌ সিথাৎ!”

মানসিফৗরনি সিগাঙাও পৌলনি খৗথা

দূর্গয়াও লাংনায়ছৈ সমাও পৌলআ সান্ত্রি গাহায়খৌ গ্রীক রাওজৗং হৗন্দৗং, “নৗংনি সিগাঙাও আং খৗথা ফংনৈছৗ বুংনৗ হাগৌ না?” বিয়ৗ বুংফিনবায়, “ও নৗঙৗ গ্রীক রাও রাইয়ৗ?” “নৗঙৗ মা কি মিশরীয় অৗঙা, বেনি ইচ্ছে সমনি সিগাং বিরুদ্ধ আগান সুরজেনামৗন খৗলামা মৗন আরৗ চার হাজার সিথাৎগ্লুংগ্রাফৗরখৌ মারু গৗরান ফৗথারবারিয়াও দৈদেনলাঙা মৗন?”

পৌলআ বুংফিনবায়, “আঙৗ কিলিকিয়ানি তার্ষাস নৗগৗরাও জৗনৗম জানায় সাছে যিহূদিয়ারি। বে নৗগৗরখৌ মিথিয়ি রাওবৗ গৈয়া। অন্নানৈ আংখৌ মানসিফৗরনি সিগাঙাও বুংনৗ হৗদৗ।”

বিনি উনাও সান্ত্রি গাহায়য়া বুংনৗ হৗবায়, আরৗ পৌলআ আখাই ফাও খৗলামনানৈ মানসিফৗরখৌ জাখ্লাও গছংনানৈ হৗনবায়। জেব্লা বিছৗরৗ সিরি থায়ৗ, অব্লা পৌলআ ইব্রীয় রাওজৗং হৗন্দৗং।

Source notes (2)
  1. Cross-reference প্রেরিত 6:1–6
  2. Cross-reference বিচন বিজাব 6:1–21

Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.