Mech
2 করিন্থীয় 4
জেন্নায় আরৗ দেহানায়
বিনিখাইনৗ, ঈশ্বৗরা অন্নানৈ জৗংনৗ বে সেবাখৌ মাওনৗ হৗবায়, জৗঙৗ গৗসৗ খৗমানৗ নাঙা। গাছেন মাওখ্মানায় আরৗ লাজিনৗ গৗনাং হাবাফৗরখৌ জৗঙৗ নাগারৗ; জৗঙৗ ছৗলৈনায়াও থাবায়া, না জৗং ঈশ্বৗরনি খৗথাখৌ নংখাই খৗলামৗ। নাথায় ঈশ্বৗরনি সিগাঙাও সত্যখৌ নুজাহৗনানৈ মানসিনি বিবেকআ গাওখৌ গাও মৗজাং দিন্ঠিনৗ সাননৗ। আরৗ দাবৗ জৗংনি খৗথানায় মৗজাং খবরা দৗনখ্মাজাব্লাবৗ, জাইফ্রা বৗফাইনায় বিছৗরনি থাখৈ দৗনখ্মাজানায়। বিছৗরৗ ফৗথাইয়া, মানৗনা বিছৗরনি গৗসৗফ্রা বে সংসারনি শয়তানজৗং খানা খৗছামনান দৗনজাবায়, বিছৗরৗ বি স্রাংখৌ নুনৗ হায়া জেয়া ঈশ্বৗরনি বাদি জৗংনি মহিমা গৗনাং, খ্রীষ্টনি মৗজাং খবরখৌ। মানৗনা মা জৗঙৗ গাওখৌ গাও প্রচার খৗছামাখৈ, নাথায় যীশু খ্রীষ্টয়ানৗ ফৗরবু হৗন্নানৈ আরৗ যীশুনি থাখৈ জৗঙৗ নৗংছৗরনি দাসফৗর হৗন্নানৈ প্রচার খৗলামদৗং। মানৗনা ঈশ্বৗরা হৗন্দৗং, “খৗমসিনিফ্রায় স্রাঙা জাথৗং।” ঈশ্বৗরনি মহিমা যীশু খ্রীষ্টনিয়াও নুজায়ৗ যে বেখৌ জৗংনৗ দিন্ঠিনৗ থাখৈ জৗংনি গৗসৗফ্রাও বিনি স্রাঙা জৗংয়ৗ।
হানি দৈহুয়াও ঈশ্বৗরনি ধন
নাথায় জৗংনি গৗসৗয়াও বে ধৗন দং, জৗংবৗ হানি দৈহু বাদি বান, বেজৗং গেদেৎ বৗলৗয়া জৗংনিফ্রায় অৗঙা, ঈশ্বৗরনি ফ্রায়সৗ হৗন্নানৈ দিন্ঠিয়ৗ। গাছেন ঠিঙৈনিফ্রায়বৗ জৗঙৗ ছেখঠাবজায়ৗ, নাথায় গেরেবমাখৈ; সম সম জৗঙৗ গৗনৗ গৗথৗ জায়ৗ, নাথায় জৗঙৗ আশাখৌ খৗমায়া, জৗঙৗ মানসিফৗরজৗং নাছয়জায়ৗ, নাথায় মাব্লাবাবৗ ঈশ্বৗরা জৗংখৌ নাগারা; জৗঙৗ বুখ্লাইজায়ৗ, নাথায় থৈয়া। যীশুনি গৗঠাঙাবৗ জৗংনি মৗদৗমাও নুজানায় বাদি যীশুআ জেরৈ সিথাৎজাদৗং, বেবাদি সিথাৎজাথাও মৗদৗমখৌ জেব্লাইবৗ জৗং নুজাহৗদৗং। মানৗনা জৗংনি থৈসুলা মৗদৗমাও বিনি গৗঠাঙা নুজানায় বাদি, জৗঙৗ জাইয়া ঠাংনানৈ দং জেব্লাইবৗ যীশুনি থাখৈ থৈনায়খৌ দিন্ঠিজায়ৗ। বেনিখাই, জৗংনি গেজেরাও থৈনাইয়া খামানি মাওয়ৗ, নাথায় বেজৗংনৗ নৗংছৗরনিয়াও গৗঠাঙা খামানি মাওয়ৗ। শাস্ত্রয়াও লিৎনায় দং: “আঙৗ ফৗথাইদৗং মৗন; বিনিখাইনৗ আং বুংদৗংমৗন।” বে ফৗথাইনায়নি জিউজৗংনৗ জৗং বুঙৗ, মানৗনা জৗং ফৗথাইয়ৗ, মানৗনা জৗঙৗ মিথিগৌ জাই ঈশ্বৗরা ফৗরবু যীশুখৌ ফৗঠাংফিন্দৗং বিনৗ জৗংখৌবৗ যীশুজৗং লৗগৗছে বৗখাংনায় আরৗ নৗংছৗরজৗং লৗগৗছে জৗংখৌবৗ গাওনি সিগাঙাও ফছংনায়। বে গাছেনবৗ নৗংছৗরনি লাভনি থাখৈ জাবায়, ঈশ্বৗরনি অনুগ্রহয়া বাংসিননি ফ্রায় বাংসিন মানসিফৗরনিয়াও ছহৈনানৈ গৗবাঙানৗ ঈশ্বৗরখৌ ধন্যবাদ হৗন্নানৈ বিনি মহিমাখৌ এরলাংহৗদৗং।
ফৗথাইনায়জৗং ঠাংনানৈ থানায়
বিনিখাইনৗ জৗঙৗ মাব্লাবাবৗ গৗসৗ খৗমানৗ নাঙা। জৗংনি ছায়াওনি মৗদৗমা জামলাংদৗংব্লাবৗ, জৗংনি জিউনি মৗদৗমা সানফ্রৗমবৗ গৗদান জালাংদৗং। নাথায় জৗংনি দান্দৈছেনি থাখৈ ইছে বান সৈনাংনাইয়া দা জৗংনি সৈনাংনায়নি খুরৈ বাংসিন বৗথিয়া নাংথাও থাও জৗবনৗ গৈয়ি মহিমাখৌ লাবৗনায়। মানৗনা জৗংনি ঠাংখিয়া মগন নুনায়খৌ অৗঙা, নুয়িখৌছৗ। নুনৗ মৗন্নায়ফ্রা দান্দৈছেনি বান, নাথায় নুনৗ মৗননিয়া জৗবনৗ গৗয়ি গৗঠাঙৈ থায়ৗ।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.