2 করিন্থীয় 10

গাও মাওনায়খৌ পৌলনি রাইঠিনায়

1আং পৌল, খ্রীষ্টনিয়াও গুরৈ আরৗ মাহি বিনিখাইনৗ নৗছৗরখৌ খাওলাইয়ৗ নৗংছৗরনি ছৗরবা ছৗরবায়া হৗন্নৗ, নৗংছৗনিয়াও থানায় সমাও আং গুরৈ আরৗ গিখয়ৈ থায়ৗ, নাথায় নৗংছৗরনিফ্রায় গৗজানাও থাব্লা “সাহসি” জায়ৗ! 2আঙৗ নৗংছৗরনাও খাওলাইয়ৗ যে জেব্লা আং নৗংছৗরনি গেজেরাও থায়ৗ, বি সমাও আংহা গৗরা জানৗ নাঙা, জৗরৈ আং খাইছে মানসিফৗরনি প্রতি থানায় হৗন্নানৈ আশা খৗলামৗ, জাইফ্রা সান্নৗ সংসারনি মান অনুজায়ৈ থায়ৗ। 3যদিও জৗঙৗ সংসারাও থায়ৗ, নাথায় জৗঙৗ সংসারনি মানসিফৗর বাদি জানানৈ দাওহা নাঙা। 4জৗংনি দাওহা নাংনায়াও বাহায়নায় অস্ত্রফ্রা বে সংসারনি অৗঙা, নাথায় ঈশ্বৗরনি বৗলৗগ্রা অস্ত্রফৗরজৗংসৗ জৗঙৗ শয়তাননি বৗলৗখৌ সংহার খৗলামৗ। 5ঈশ্বৗরনি জ্ঞাননি বিরুদ্ধ জিখাংনায় মানিখৌ জৗঙৗ বৗখ্লাইয়ৗ, জৗঙৗ মৗনফ্রৗমবৗ বিরুদ্ধ সান্নায়খৌ বন্ধ খৗলামনানৈ খ্রীষ্টনিয়াও গংহৗয়ৗ। 6আরৗ নৗংছৗরনি ঠাল্লায়ৈ মানিনাইয়া নুজাব্লা, জৗঙৗ মানিয়িখৌ শাস্তি হৗনৗ ঠাম ঠিম জানায়। 7নৗংছৗরৗ ছায়াওনি মহরফৗরখৌসৗ নাইদৗং। গাওখৌ খ্রীষ্টনি হৗন্নানৈ সান্নান লাগ্রা ছৗরবা দং নামা? দে অব্লা বিয়ৗ গাওখৌ সান্নানৈ নাইফিনবাওথৗং, মানৗনা বিয়ৗ জেরৈ খ্রীষ্টনি, জৗংবৗ খ্রীষ্টনি। 8ফৗরবু আংনৗ হৗনায় একথিয়ারা নৗংছৗরখৌ লুখাংনৗছৗ, বৗখ্লাইনৗ অৗঙা। বে একথিয়ারখৌ লানানৈ আঙৗ গৗগা ইছে বাংদ্রায় খৗলামনৗ লাজিয়া। 9আংনি লাইজামজৗং আঙৗ নৗংছৗরখৌ সিগিনৗ হাস্থাইদৗং হৗন্নানৈ নৗংছৗরৗ দাসান। 10খাইছে বেবাদি বুঙৗ, “পৌলনি লিৎহৎনায়ফ্রা গৗরা আরৗ বৗলৗগ্রা, নাথায় বিয়ৗ জেব্লা জৗংজৗং মৗদৗমাও থায়ৗ, অব্লা বিয়ৗ বৗলৗ গৈয়ি আরৗ বিনি খৗথাফ্রা মৗংবৗ অৗঙা।” 11বেখৌ বুংগ্রায়া বুজিথারনাংনায়, আঙৗ গৗজানাও থানায় সমাও লাইজামফৗরজৗং জেখৌ বুংনায়, জেব্লা আঙৗ নৗংছৗরজৗং লৗগৗছে, আঙৗ ঠিক একই। 12নৗংছৗরনি গেজেরাও জাইফ্রা গাওখৌ বাখ্নাইনানৈ লায়ৗ, বিছৗরজৗং জৗঙৗ গাওখৌ রুজুনৗ গৗহৗ খৗলামা, বিছৗরৗ মা ইছে সান্নৗ রৗঙি! বিছৗরৗ গাওজৗং গাও ছুয়ৗ, আরৗ গাওজৗং গাও রুজুবাওয়ৗ, বিচার খৗলামজ্লাইয়ৗ। 13জৗঙৗ জেখৌ লানানৈ গৗগা খৗলামনৗ অধিকার গৈয়া বেখৌ লানানৈ জৗং গৗগা খৗলামা, ঈশ্বৗরা জৗংনৗ খামানি মাওহৗনায়নি পরিমাণজৗংসৗ গৗগা খৗলামৗ আরৗ বে খামানিয়াও জৗং নৗংছৗরনিয়াও মাওনায়া হাবফায়ৗ। 14জৗঙৗ জৗংনি গৗগাখৌ লানানৈ গৗজাননাও বৗ থাঙাখৈ, যদি জৗঙৗ নৗংছৗরনিয়াও ফৈয়াখৈমৗনব্লা, নাথায় খ্রীষ্টনি মৗজাং খবরখৌ লানানৈ নৗংছৗরনিয়াও ফৈদৗং। 15জৗঙৗ গুবুননি খামানিখৌ লানানৈ জেছেসিম গৗগা খৗলামনৗ নাংগৌ বিনিখ্রুই বাংসিন গৗগা খৗলামনৗ নাঙা। নাথায় জৗঙৗ ভরসা খৗলামৗ, নৗংছৗরনি ফৗথাইনায়া বাংলাংনায়, আরৗ ঈশ্বৗরা জৗংনৗ নৗংছৗরনিয়াও মাওনৗ হানায়নি পরিমাণয়ৈ জৗঙৗ নৗংছৗরনি গেজেরাও বাংসিন মাওনৗ হানায়, 16জেব্লা জৗঙৗ নৗংছৗরনি হাদৎখৌ নাগারনানৈ গুবুন হাদৎফৗরাওবৗ মৗজাং খবরখৌ প্রচার খৗলামনৗ হানায়। আরৗ গুবুনফ্রা জেরেও মাওদৗং, বিছৗরনি মাওনায়নি জুনৈ জৗঙৗ গৗগা খৗলামনানৈ লানৗ হাস্থায়া। 17নাথায় শাস্ত্রয়াও লিৎনায় দং, “জাইয়া গৗগা খৗলামৗ বিয়ৗ ফৗরবুআ মা খৗলামদৗং বেখৌ লানানৈছৗ গৗগা খৗলামথৗং।” 18মানৗনা ফৗরবুআ জাইখৌ মৗজাং হৗন্নানৈ সান্নৗ, বিয়ৗ গনায়থি মৗন্নায়, নাথায় গাওখৌ মৗজাং সান্নানৈ লানায়া গনায়থি মৗন্নায় অৗঙা।