Mech
1 তীমথিয় 4
নংখায় ফৗরৗংগ্রাফৗরনি সৗমৗন্দৈ সাবধান বাথ্রা
দা, গৗথার জিউয়া রৗখায়ৈ বুঙৗ, জৗবনায় বৗথৗরাও খাইছে মানসিফ্রা সৈথৗ ফৗথাইনায়নিফ্রায় উনফিন্নায়, বিছৗরৗ আন্দাইহৗগ্রা জিউফৗরখৌ মানিনায়, আরৗ বাদুয়া জিউফৗরনি ফৗরৗংনায়খৌ লানায়। বেফৗরবাদি ফৗরৗংনায়ফ্রা ঠগায়সুলা ভন্ডামিফৗরনিফ্রায় ফৈনায়, জাইফৗরনি বিবেকফ্রা গুদুং সৗরজৗং সাওজানায় বাদি গৗথৈ। বিছৗরৗ হাবা খৗলামনৗ বাদা হৗয়ৗ আরৗ খাইছে খাইছে মৗঙাফৗরখৌ জানৗ হামমা হৗন্নানৈ বিছৗরৗ রাইফৗথায়ৗ, জাইখৌ ঈশ্বৗরা স্বৗর্জিদৗং জাহাথে জাইফ্রা ঈশ্বৗরখৌ ফৗথাইয়ৗ আরৗ নংগৌখৌ মিথিয়ৗ বিছৗরৗ ঈশ্বৗরখৌ হামবায় হৗন্নানৈ বেফৗরখৌ জানৗ হায়ৗ। মানৗনা ঈশ্বৗরনি স্বৗর্জিনাইমানিয়ানৗ মৗজাং, আরৗ মৗঙা মৗনছেয়াবৗ গারজাথাও-থাও অৗঙা, ঈশ্বৗরখৌ হামবায় হৗন্নানৈ জানৗ হায়ৗব্লা। মানৗনা ঈশ্বৗরনি বাক্য আরৗ প্রার্থনানি গেজেরজৗং গাছেনবৗ গৗথারৈ নাজাওজায়ৗ।
যীশু খ্রীষ্টনি সাছে মৗজাং দাস
তীমথিয়, নৗঙৗ ফৗথাইনায়নি নংথারগৌ বাথ্রাজৗং গাওখৌ জৗরৈ ফেদেৎবৗদৗং আরৗ বি মৗজাং ফৗরৗংবৗনায়খৌ ফালিবৗদৗং, বেফৗরখৌ নৗঙৗ মন্ডলীনি বিদা-ফংবায় আরৗ বিবো-বিনানাওফৗরখৌনৗ বেখেওনানৈ হৗনৗহায়ৗব্লা নৗঙৗ যীশু খ্রীষ্টনি সাছে মৗজাং দাস জানায়। আরৗ মানসিনি বানাইনায় গৗডৗনি নাস্তিক সলকফৗরনিফ্রায় নৗং গৗজানাও থা, বরং ঈশ্বৗর ভক্ত জানানৈ থানৗ থাখৈ নৗঙৗ গাওখৌ ফৗরৗং। ব্যায়াম খৗলামনাইয়া দেহানি থাখৈ ইছে মৗজাং, নাথায় ঈশ্বৗর ভক্ত জানাইয়া গাছেন বিষয়াওবৗ মুলাম্ফা দং, মানৗনা দানি আরৗ উননি জীবনখৌ মৗন্নৗ বেয়াওনৗ প্রতিজ্ঞা দং। বে খৗথায়া ফৗথায়সুলা আরৗ সাফ্রৗমবৗ বেখৌ নাজাওথারনাংনায় আরৗ ফুরা নাজাও জাথাও, বিনিখাইনৗ জৗঙৗ হাজাছে মাওখ্রুবমৗ আরৗ জুজিয়িন দং, মানৗনা জৗঙৗ গৗঠাং ঈশ্বৗরনি ছায়াও জৗংনি আশাখৌ দৗন্নৗ, জাইয়া গাছেন মানসিফৗরনি বাছাইগিরি, আরৗ বিশেষ খৗলামনানৈ জাইফ্রা বিনি ছায়াও ফৗথাইয়ৗ। নৗঙৗ বিছৗরনৗ বেফৗরখৌ আদেশ হৗদৗ আরৗ ফৗরৗংদৗ। নৗঙৗ জৗহৗলাও জানাইখায় রাওজৗংবৗ দানেওছিজা। খৗথা-বাথ্রায়াও, মাওনায়-দাংনায়াও, অন্নায়াও, ফৗথাইনায়াও আরৗ গৗগৗ আখুয়ৈ বিশ্বাসিফৗরনি দৈখৗন্থি জাদৗ। আং জেব্লাসিম ফৈয়া, নৗঙৗ শাস্ত্রখৌ ফোরাইনানৈ মন্ডলীখৌ খৗনাছংহৗনায়াও, প্রচার খৗলামনায়াও আরৗ বিশ্বাসিফৗরখৌ ফৗরৗংনাইয়াও গৗসৗ হৗহাবদৗ। নৗংনৗ হৗজাখানায় আত্মিক বৗরখৌ নৗঙৗ আলা-খালা দাখৗলাম, জাইখৌ ভাববাণীনি গেজেরজৗং মন্ডলীনি প্রাচীনফ্রা নৗংনি ছায়াও আখাই দৗন্নানৈ হৗনায়জাদৗং। বেফৗর খামানিনি থাখৈ নৗং গাওনি গাছেন গৗসৗখৌ গথাইদৗ, জাহাথে সাফ্রৗমবৗ মানসিফ্রা নৗংনি দাওগানায়খৌ নুনৗ মৗন্নৗ। নৗঙৗ গাওবৗ আরৗ নৗংনি ফৗরৗংনায়াওবৗ সাবধান জাদৗ, মানৗনা বে বাদিয়ৈ নংগৌয়াও নাংঠাবনান থায়ৗব্লা বেজৗং নৗঙৗ গাওখৌ আরৗ নৗংনি খৗথা খৗনাছংগ্রাফৗরখৌ বাছাইনৗ হানায়।1
Source notes (1)
- Cross-reference প্রেরিত 20:28; রোমীয় 11:14
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.