Mech
1 থিষলনীকীয় 5:16
Verse 16 is marked below, with the whole chapter around it. Read from the start
ফৗরবুনি ফৈফিন্নায় দিননি থাখৈ ঠাম ঠিম জানায়
দা, ও বিদা-ফংবায়ফৗর আরৗ বিবো-বিনানাওফৗর, সম আরৗ তারিখনি সৗমৗন্দৈ নৗংছৗরনৗ লিৎনৗ গৗনাংথি গৈয়া। মানৗনা নৗংছৗরৗ মৗজাঙৈ মিথিগৌ, হরাও জেরৈ বাদি সিখাওআ ফৈয়ৗ, ফৗরবুনি ফৈনায় দিননাবৗ বিবাদিনৗ ছফৈনায়। জেব্লা মানসিফ্রা হৗন্নায়, “শান্তি আরৗ জেবৗ গিনাংগৌ গৈয়া” বি মুগায়াওনৗ বিয়ৗ ফৈনায়, সাছে হিন্জাওহা গথ' সারিনৗ ছাখাংনায় বাদি, মিথিস্লাবমাজাছে খৈফৗদনা বিছৗরনি ছায়াও ছফৈনায়! আরৗ বিছৗরৗ এরাইনৗ হানায় অৗঙা। নাথায় ও বিদা-ফংবায়ফৗর আরৗ বিবৌ-বিনানাওফৗর, নৗংছৗরৗ খৗমসিয়াও গৈয়া, যে বি দিননা সিখাও বাদি আচমখায়ৈ নৗংছৗরনি ছায়াও ছৗফৈনায়। নৗংছৗর বয়বৗ স্রাংনি বিসা আরৗ দিননি বিসা। জৗঙৗ হরনি এবা খৗমসিনি মানসিফৗর অৗঙা। বিনিখাইনৗ ফৈ, জৗং গুবুনফৗর, জাইফ্রা উন্ডুনানৈ দং বিছৗরবাদি থায়ালাবানৗ সিরি মৗন্নানৈ আরৗ গাওখৌ হমথানানৈ জৗঙৗ থানি। মানৗনা জাইফ্রা উন্ডুয়ৗ, বিছৗরৗ হরনি সমাও উন্ডুয়ৗ আরৗ জৌ ফেগ্রাফ্রা হরনি সমাও ফেয়ৗ। নাথায় জৗং দিননি মানসিফৗরখায় ফৈ, জৗঙৗ গাওখৌ হমথাদৗনি, ফৗথাইনায় আরৗ অন্নায়খৌ বিখা ফাংথেগ্রা খসাবখৌ গাননায় বাদি গাননি, আরৗ জৗংনি উদ্ধারনি আশা খর'আও সৗরনি টুপি হৗমনায় বাদি হমনি। মানৗনা ঈশ্বৗরা গাওনি রাগ'আও খৗখ্লৈনৗ থাখৈ জৗংখৌ সাইখয়াখৈ, নাথায় ফৗরবু যীশু খ্রীষ্টনি গেজেরজৗং উদ্ধারখৌ নাজাওনৗ থাখৈছৗ সাইখদৗং। বিয়ৗ জৗংনি থাখৈ থৈবায়, বিনিখাইনৗ বি সমাও জৗঙৗ সিরি মৗন্নানৈ ঠাংনান দংব্লাবৗ আরৗ থৈব্লাবৗ, জৗঙৗ বিজৗং লৗগৗছে ঠাংনান থানায়।1 বিনিখাইনৗ দা নৗংছৗরৗ জৗরৈ খৗলামদৗং বিবাদিনৗ সাফ্রৗমবৗ গাওজৗং গাও গৗসৗয়াও থুলুংগা হৗজ্লাই আরৗ সাছেয়া গুবুন সাছেখৌ গৗজৌআও বৗখাংজ্লাই।
জৗবনাইনি ফৗরৗংনায়
বিদা-ফংবায়ফৗর আরৗ বিবো-বিনানাওফৗর, জৗঙৗ নৗংছৗরখৌ খাওলায়ৗ, জাইফ্রা নৗংছৗরনি গেজেরাও গৗসৗ হৗনানৈ খামানি মাওয়ৗ, আরৗ জাইফ্রা ফৗরবুনিয়াও নৗংছৗরখৌ দৈদেননৗ, আরৗ গুরেয়ৈ রাইয়ৗ বিছৗরখৌ মান হৗ।2 আরৗ বিছৗরনি খামানি মাওনায়ফৗরনি থাখৈ বিছৗরখৌ গৗসৗমানিজৗং মান হৗ আরৗ অন। গাওজৗং গাও শান্তিয়াও থাজ্লায়। বিদা-ফংবায়ফৗর আরৗ বিবো-বিনানাওফৗর, জৗঙৗ গৗসৗ সিংনিফ্রায় নৗংছৗরখৌ খাওলায়ৗ, নৗংছৗরৗ আলসিয়াফৗরখৌ ছৗংখারিদৗ, গিখফৗরখৌ সাহস হৗদৗ, বৗলৗগৈয়িফৗরখৌ হেফাজাব হৗদৗ, আরৗ সাফ্রৗমজৗংবৗ সহায়নৗহাগ্রা জাদৗ। নাই, জাহাথে রাওবৗ গাজ্রি মাওগ্রানি বিরুদ্ধনাও গাজ্রি দামাওফিনথৗং, নাথায় গাওজৗং গাও আরৗ সাফ্রৗমজৗংবৗ জেব্লাইবৗ মৗজাং জানৗ হাস্থায়দৗ। জেব্লাইবৗ রংজালু জা, জেব্লাইবৗ প্রার্থনা খৗলামফ্লাই, গাছেন অবস্থায়াও ঈশ্বৗরখৌ ধন্যবাদ হৗ, মানৗনা যীশু খ্রীষ্টনিয়াও বেনৗ নৗংছৗরনি থাখৈ ঈশ্বৗরনি ইচ্ছায়া। গৗথার জিউনি অৎখৌ দাখৗমৗৎ। ভাববাণী খৗলামনায়খৌ তুচ্ছ দাখৗলাম। নাথায় গাছেনখৌবৗ আনজাৎ খৗলামনানৈ নায় আরৗ জেয়া মৗজাং বিখৌ হমনানৈ লাখি, আরৗ মৗনফ্রৗমবৗ রৗখৗমনি গাজ্রিনিফ্রায় গৗজানাও থা। শান্তিনি ঈশ্বৗরা নৗংছৗরখৌ ফুরায়ৈ গৗথার খৗলামথৗং, নৗংছৗরনি জিউ, গৗসৗ আরৗ দেহা গাছেনখৌবৗ জৗংনি ফৗরবু যীশু খ্রীষ্টনি ফৈফিননায় সমসিম দায় গৈয়িজাছে রৈখা খৗলামথৗং। জাইয়া নৗংছৗরখৌ হাংখ্রাইয়ৗ, বিয়ৗ ফৗথাই জাথাও, আরৗ বিয়ৗ বেখৌ মাওনায়। ও বিদা-ফংবায়ফৗর আরৗ বিবো-বিনানাওফৗর, জৗংনি থাখৈ প্রার্থনা খৗলাম। অনজ্লাইনায়জৗং গাছেন বিদা-ফংবায়ফৗর আরৗ বিবো-বিনানাওফৗরজৗং গৗজৗন্নায় লাজ্লাইদৗ। ফৗরবুনি মুঙৈ আঙৗ নৗংছৗরখৌ থৗন্নৗ, গাছেন বিদা-ফংবায়ফৗর আরৗ বিবো-বিনানাওফৗরনি সিগাঙাও জাহাথে বে লাইজামা ফরাইনানৈ খৗনাছংহৗজানায়। জৗংনি ফৗরবু যীশু খ্রীষ্টনি অনুগ্রহআ নৗংছৗরজৗং থাথৗং।
Source notes (2)
- Cross-reference রোমীয় 14:8–9; 2 তীমথিয় 2:11
- Cross-reference 1 করিন্থীয় 16:16–18; ফিলিপীয় 2:29; 1 তীমথিয় 5:17
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.