Mech
1 থিষলনীকীয় 2
থিষলনীকীয়া নৗগৗরাও পৌলনি মাওনায়
ও জৗংনি বিদা-ফংবায়ফৗর আরৗ বিবো-বিনানাওফৗর, নৗংছৗরৗ মিথিখাগৌ, নৗংছৗরনিয়াও জৗংনি থাংনাইয়া ফেলেং জায়াখৈ। নৗংছৗরৗ মিথিগৌ, থিষলনীকীয়াও নৗছৗরনিয়াও ফৈনায়নি সিগাং ফিলিপী 1নৗগৗরাও জৗঙৗ বেছেবাং দুঃখ কষ্ট জাদৗং আরৗ নিন্দিজাদৗং নাথায় গৗবাংথার হেংঠাফৗর দংমৗনব্লাবৗ ঈশ্বৗরনি হেফাজাবজৗং গৗহৗ খৗলামনানৈ জৗঙৗ বিনি মৗজাং খবরখৌ নৗছৗরনিয়াও প্রচার খৗলামদৗং। মানৗনা জৗংনি খাওলাইনাইয়া, রাওখৌবৗ আন্দাই হৗনায়াও দৈদেনলাংনায়নি থাখৈ অৗঙা, এবা অসৎ মতলব লানানৈ অৗঙা, এবা জৗঙৗ রাওখৌবৗ ঠগায়নৗ হাস্থাইয়াখৈ। নাথায় ঈশ্বৗরা জেরৈ বাদি জৗংখৌ গনায়ঠিহৗনানৈ, জৗংনি ছায়াও মৗজাং খবর খৗথাবাইনায়নি বিবানখৌ হৗবায়, বিবাদিনৗ খৗথা বুঙৗ। মানসিখৌ খুশি খৗলামনৗ থাখৈ অৗঙা নাথায় ঈশ্বৗরখৌছৗ, জাইয়া জৗংনি গৗসৗখৌ আনজাৎ লায়ৗ, বিখৌ খুশি খৗলামনৗ থাখৈছৗ জৗঙৗ বুঙৗ। মানৗনা নৗংছৗরৗ মৗজাঙৈ মিথিগৌ, জৗঙৗ মাব্লাবাবৗ গৗদৈ, খুশি জাহৗনায় খৗথাখৌ বুঙাখৈ কিন্বা জৗং বাংসিন মৗননৗ লুবৈনায়নি লোভনি খৗথাফৗরখৌ বুঙাখৈ, ঈশ্বৗরানৗ বেনি সাক্ষী। জৗঙৗ নৗংছৗরনিফ্রাই এবা রাওনিফ্রাইবৗ বাখ্নায়নাইখৌ মৗননৗ হাস্থাইয়াখৈ, খ্রীষ্টনি প্রেরিতফৗর জানায়খায় যদিও জৗংহা বেফৗরখৌ মৗন্নৗ একথিয়ার দংমৗন। জৗঙৗ খ্রীষ্টনি থৗনহৎজানায়ফৗর জানায়খায়, নাথায় বেফৗরবাদি জায়ালাবানৗ নৗংছৗরনি গেজেরাও জৗঙৗ নৗরৗমৈ বিমাজৗং জৗথৗনৈ খাংজানায় গৗলৈ গথ'ফৗর বাদি নম্রয়ৈ থাদৗংমৗন (দংমৗন)। নৗছৗরখৌ জৗঙৗ গৗসৗ সিংনিফ্রায় অন্নায়খায়, জৗঙৗ নৗংছৗরনৗ ঈশ্বৗরনি মৗজাং খবরখৌবান হৗনৗ অৗঙা, নাথায় জৗংনি জিউখৌবৗ নৗংছৗরনি থাখৈ হৗনৗ ঠাম ঠিম, মানৗনা নৗংছৗরৗ জৗংনি অন্জাগ্রাথার। বিদা-ফংবায়ফৗর আরৗ বিবো-বিনানাওফৗর, জৗংনি মাওনায় আরৗ হাজাছে সৈনাংনায়ফৗরখৌ নংথারগৌয়ৈ নৗংছৗরহা গৗসৗয়াও দং, নৗছৗরনিয়াও ঈশ্বৗরনি মৗজাং খবরখৌ খৗথাবাইনায় সমাও জৗংনি বিবানখৌ নৗংছৗর বাননাঙি বাদি জৗঙৗ গাওনৗ হর-সান মাওদৗং।
নৗংছৗর জাইফ্রা বিশ্বাসীফৗর, নৗংছৗরনি সিগাঙাও জৗঙৗ বেছে গৗগৗ, ধার্মিক আরৗ নির্দোষৈ থাবায়দৗং, বিনি থাখৈ নৗংছৗর গাওছৗরনৗ জৗংনি সাক্ষী আরৗ বিবাদিনৗ ঈশ্বৗরাবৗ। মানৗনা নৗংছৗরৗ মিথিগৌ, বিফাআ জৗরৈ গাওনি বিসাফৗরখৌ বাহাইয়ৗ, বিবাদিনৗ জৗংবৗ নৗংছৗর সাফ্রৗমজৗংবৗ বাহাইবৗদৗং। জৗঙৗ নৗংছৗরনৗ গৗহৗ হৗবায়, নৗংছৗরখৌ গৗজৗন হৗবায়, আরৗ ঈশ্বৗরনিয়াও নাজাও জাথাও জীবন থানৗ, জাইয়া নৗছৗরখৌ গাওনি রাইজৗয়াও মহিমাখৌ আওগ্রিফানৗ হাংখ্রাইদৗং।
বেনি থাখৈ জৗঙৗ জেব্লাইবৗ ঈশ্বৗরখৌ বাখ্নায়ৗ, মানৗনা জেব্লা নৗংছৗরৗ ঈশ্বৗরনি বৗচৗনখৌ ফৗথায়দৗং, জাইখৌ নৗংছৗরৗ জৗংনিফ্রায় খৗনাদৗং, আরৗ বেখৌ নৗংছৗরৗ মানসিনিফ্রায় হৗন্নানৈ নাজাওয়াখৈ নাথায় বেখৌ ঈশ্বৗরনিছৗ বৗচৗন হৗন্নানৈ নাজাওদৗং, আরৗ নংথারগৌ বেনৗ ঈশ্বৗরনি বৗচৗননা আরৗ বেনৗ বিশ্বাসিফৗরনি গৗসৗয়াও খামানি মাওগাছেনৗ দং। মানৗনা ও বিদা-ফংবায়ফৗর আরৗ বিবো-বিনানাওফৗর, বিবাদিনৗ নৗংছৗরনিয়াওবৗ জাদৗং, জৗরৈ যিহূদিয়া হাদৎনাও যীশু খ্রীষ্টখৌ ফৗথাইগ্রা ঈশ্বৗরনি মন্ডলীফ্রাওবৗ জাদৗংমৗন। যিহূদীয়ারিফৗরজৗং বিছৗরৗ জৗরৈ সৈহৗজাদৗংমৗন, বিবাদিনৗ নৗংছৗরবৗ গাওনি হাদৎনি মানসিফৗরজৗং নাছয় জাবায়। যিহূদীফ্রা ফৗরবু যীশুখৌ আরৗ গৗবাং নবিফৗরখৌ সিথাৎদৗং, আরৗ জৗংখৌবৗ বাইরাও হৗয়নহৎদৗং। বিছৗরৗ ঈশ্বৗরখৌ অসন্তুষ্ট খৗলামৗ আরৗ গাছেন মানসিফৗরনি বিরুদ্ধ মাওয়ৗ।2 আরৗ বিছৗরৗ জৗংখৌ গুবুনহারিফৗরনৗ উদ্ধার মৗননায়নি খৗথাখৌ প্রচার খৗলামনৗ বিছৗরৗ জৗংখৌ বাধা হৗয়ৗ। বেবাদিয়ৈ পাপনি ছায়াও পাপ মাওগাছেনৗ দং। নাথায় জৗবনাইয়াও ঈশ্বৗরনি রাগয়া বিছৗরনি ছায়াও ছৗফৈবায়।
থিষলনীকীয়ারিফৗরনি ফৗথাইগ্রাফৗরজৗং পৌলনি লৗগৗ লানৗ লুবৈনায়
বিদা-ফংবায়ফৗর আরৗ বিবো-বিনানাওফৗর, জৗঙৗ ইছে সমনি থাখৈ মৗদৗমাও নৗংছৗরনিফ্রায় গৗজাননাও দংমৗন, নাথায় গৗসৗনিফ্রায় গৗজানাও অৗঙা মৗন। বিনিখাইনৗ দা বিরাঠ গৗসৗ জানায়খায় জৗঙৗ নৗংছৗরখৌ নাইনৗ মৗনফ্রৗমবৗ চেষ্টা খৗলামবায়। জৗঙৗ নৗংছৗরনিয়াও থাংফিনৗ লুবৈগাছেনৗ দৗংমৗন, আরৗ আং, পৌল, গাওনৗ নৗংছৗরনিয়াও থাংনৗ গলে গলে হাস্থাইদৗং, নাথায় শয়তানা জৗংনি লামাখৌ বাথেনান দৗনবায়। মানৗনা নৗংছৗরনৗ জৗংনি আশা, জৗংনি রংজানায় এবা মুকুটনা জেখৌ লানানৈ জৗঙৗ ডুগা জানায়, জৗংনি ফৗরবু যীশুনি সিগাঙাও জেব্লা বিয়ৗ ফৈফিন্নায়। নংথারগৌ নৗংছৗরখৌ লানানৈ জৗঙৗ গৗগা আরৗ নৗংছৗরনৗ জৗংনি রংজানায়।
Source notes (2)
- Cross-reference প্রেরিত 16:16–40
- Cross-reference প্রেরিত 2:23; 7:52; মথি 23:32–34
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.