Mech
1 পিতর 4
ফৗথাইগ্রাফ্রা মা বাদি জানাংগৌ
বেবাদিনৗ খ্রীষ্টআ জেরৈ মৗদৗমাও সৈদৗং, নৗংছৗরবৗ সৈনৗ ঠাম ঠিম জা, মানৗনা মৗদামাও সৈছৗগ্রায়া পাপখৌ ফৗজৗবমৗ। যেন সংসারনি গাজ্রি মানসিফৗর লুবৈনায় বাদি অৗঙা, নাথায় বরংছৗ ঈশ্বৗরনি গৗসৗ বাদি জীবন যাপন খৗলাম। ঈশ্বৗরখৌ মিথিয়ৈ গুবুনহারিফ্রা জেরৈ মাওদৗং, বেবাদিনৗ নৗংছৗরৗ সিগাঙাও লাজিথাও খামানিফৗরখৌ মাওনৗসাইখদৗংমৗন। বি সমাও নৗংছৗরৗ অধৗরৗম, গাজ্রি লুবৈনায়, ফেগ্লুংনায়, রঙ্গরস, লৗংগ্লুংনায় আরৗ মুগৈজাথাওথাও মূর্তিফৗরখৌ খুলুমনানৈ গাওছৗরনি সমফৗরখৌ ফৗজৗববায়। নৗংছৗরৗ দা বিছৗরবাদি জেরৈ গাজ্রি আখল আখু গৈয়ি লামাও বৗহৈলাঙাখৗছৈখায়, বিছৗরৗ বৗথিয়া নাঙৗ, আরৗ বিনি থাখৈনৗ নৗংছৗরখৌ নিন্দিয়ৗ। নাথায় জাইয়া গৗঠাং আরৗ গৗথৈফৗরখৌ বিচার খৗলামনৗ ঠাম ঠিম, বে ঈশ্বৗরনি সিগাঙাও বিছৗরৗ গাওছৗরনি মাওনায়ফৗরখৌ হিসাব হৗনাংনায়। বেনি থাখৈনৗ থৈলাংনায়ফৗরনৗবৗ মৗজাং খবরখৌ খৗথানায় জাদৗংমৗন জাহাথে বিছৗরৗ মানসিফৗর বাদি মৗদৗমাও বিচার খৗলামজানায়, নাথায় ঈশ্বৗর বাদি জিউয়াও গৗঠাঙৈ থানৗ হানায় বাদি।
ঈশ্বৗরনি বৗরখৌ বাহায়নায়
গাছেন জিনিসনি জৗবনায়া খাঠৈছৈ। বিনিখাইনৗ সাবধান জা আরৗ দদ্র গৗসৗয়াও নৗংছৗরৗ প্রার্থনা খৗলামনৗ হানায় বাদি থা। বয়নিখুরৈ গৗনাংসিন, নৗংছৗরৗ সাছৈয়া সাছেজৗং গৗসৗ সিংনিফ্রায় অনজ্লাই, মানৗনা অন্নায়া গৗবাং পাপফৗরখৌ খৗবমৗ হিতোপদেশ 10:121। নাংজ্লাইয়া মাৎনিন সাছৈয়া সাছেখৌ আলাসি সেবা খৗলাম। জাইয়া জেরৈ দান মৗন্দৗং, বেবাদিনৗ বিছৗরৗ ঈশ্বৗরনি বে গুবুন গুবুন দানফৗরখৌ ফৗথায়সুলা নায়ফিথিংগ্রা মানসিফৗর বাদি ঈশ্বৗরনি অনুগ্রহয়াও গুবুনফৗরনি থাখৈ সেবা খৗলামনাংনায়। ছৗরবায়া খৗথাবুংব্লা, বিয়ৗ ঈশ্বৗরনি খবরখৌ খৗথাবাইথৗং; ছৗরবায়া গুবুনফৗরখৌ হেফাজাব হৗয়ৗব্লা, ঈশ্বৗরা বিনৗ বে খামানিনি থাখৈ হৗনায় বৗলৗজৗং হেফাজাব হৗথারথৗং; বেবাদি মাওব্লা গাছৈয়াওবৗ যীশু খ্রীষ্টজৗং ঈশ্বৗরনি মহিমা জায়ৗ। গাছেন মহিমা আরৗ বৗলৗয়া জেব্লাইবৗ ঈশ্বৗরনি জাথৗং। আমেন।
খ্রীষ্ট বাদি সৈনায়
আংগৗ লৗগৗফৗর, নৗংছৗরখৌ আনজাদ লানৗ থাখৈ নৗংছৗরনি ছায়াও যে অৎখিবায়দি আনজাদছফৈবায়, বেফৗরখৌ জাফেৎনি খৗনাফেৎনি হৗন্নানৈ বৗথিয়া দানাং। নাথায় খ্রীষ্টনি মহিমায়া নুজাহৗজানায় সমাও নৗংছৗরবৗ রংজানায়জৗং সুফুংজানায় বাদি, খ্রীষ্টনি সৈনাংনায়খৌ নৗংছৗরবৗ ভাগৗ লাফাদৗং হৗন্নানৈছৗ রংজা। যদি নৗংছৗরৗ খ্রীষ্টনি মুংনি থাখৈ লাজি ফৗনাংজায়ৗ, অব্লা নৗংছৗরৗ ধন্য, মানৗনা ঈশ্বৗরনি মহিমা গৗনাং জিউয়া নৗংছৗরনি ছায়াও দং। যদি নৗংছৗরৗ সৈনাংদৗংব্লা, অব্লা বিয়ৗ সাছে খুনি, অৗঙাব্লা সিখাও, অৗঙাব্লা গুবুন জেবৗ রৗখৗমনি অপরাধি, অৗঙাব্লা এমন কি সাছে নাঙা ফাঙা মালায়নি খামানিয়াও আখাইহৗগ্রা বাদিবৗ জানৗ উচিৎ অৗঙা। জাইয়ানৗ জায়ামানৗ, খ্রীষ্টিয়ান জানায়খায় সৈনাংদৗংব্লা নৗংছৗরৗ দালাজি, নাথায় নৗংছৗরৗ ঈশ্বৗরখৌ বাখ্নাইদৗ মানৗনা নৗংছৗরৗ ঈশ্বৗরনি মুঙখৌ লাগ্রাফৗর। মানৗনা ঈশ্বৗরনি ন্ব'খরাও বিচার জাজেননায়নি সম ছফৈবায়, আরৗ ঈশ্বৗরা গাওনি মানসিফৗরখৌ সিগাং বিচার খৗলামনায়। জৗংখৌনৗ বিচার খৗলামগ্রৗয়ৗব্লা, জাইয়া ঈশ্বৗরনি মৗজাং খবরখৌ ফৗথায়াখৈ, বিছৗরনি ছায়াও বিচারা বেছে গৗব্রাব জানায়। আরৗ, “ধৗরৗমিয়াফ্রা বাছাইজানৗ গৗব্রাবব্লা, ঈশ্বৗরখৌ ফৗথাইয়ি আরৗ পাপীফ্রা মাব্রৈ2 বাছাইজানৗ?” বিনিখাইনৗ, জাইফ্রা ঈশ্বৗরনি গৗসৗ বাদি দুঃখভোগ খৗলামৗ বিছৗরৗ মৗজাংখৌ খৗলাময়িন থা বিছৗরৗ গাওছৗরনৗ গাওছৗরখৌ ফৗথায়সুলা সৃষ্টিকর্ত্তানি আখাইয়াও গথাইথৗং।
Source notes (2)
- Cross-reference বৗচৗন বিজাব 10:12
- Cross-reference বৗচৗন বিজাব 11:31
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.