গৗথার অন্ঠাই আরৗ গৗথার জৗলৈ
বিনিখাইনৗ, গাছেন রৗখৗমনি গাজ্রি খৗলামনায়, ঠগাইনায়, দিন্ঠিফ্লানায়, মগন ছানায়, আরৗ মৗনফ্রৗম রৗখৗমনি নিন্দিজ্লাইনায় খৗথাফৗরখৌ নাগারদৗ। সারিজাগদান গথ'ফৗর বাদি খাট্টি আত্মিক গাইখেরখৌ ছৗবনৗ জেব্লাইবৗ লুবৈ, বেবাদিয়ৈ জাহাথে নৗংছৗরবৗ উদ্ধারনি থাখৈ দেৎলাংনৗ হায়ৗ। দা নৗংছৗরৗ পরীক্ষা খৗলামনান মৗনখাবায় যে ফৗরবুআ মৗজাং1। জৗরৈ নৗছৗরৗ বিনিয়াও ফৈয়ৗ, গৗঠাং অন্ঠাইয়া মানসিজৗং এৎগারজাদৗং, নাথায় ঈশ্বৗরজৗং সাইখজায়ৗ আরৗ বিনিয়াও দাম গৗছা। নৗংছৗরবৗ, গৗঠাং অন্ঠাইফৗর বাদি, আরৗ গৗঠাং অন্ঠাই জানানৈ আত্মিক ন্ব' লুজা, বিয়াও নৗঙৗ গৗথার যাজক জানানৈ ঈশ্বৗরনিয়াও, যীশু খ্রীষ্টনি গেজেরজৗং নাজাও জাথাওথাও আত্মিক বুলি হৗনৗ হানায়। মানৗনা শাস্ত্রয়াও বুঙৗ, “নাই, আঙৗ সিয়োননাও থাইছে অন্ঠাই দৗনবায়, সাইখবায় আরৗ কোণানি দাম গৗছা অন্ঠাই খৗলামবায়, আরৗ জাইয়া বিখৌ ফৗথায়ৗ,2 বিয়ৗ মাব্লাবাবৗ লাজিনায় অৗঙা।” বিনিখাইনৗ নৗংছৗর ফৗথাইগ্রাফৗরনি থাখৈ বে অন্ঠাইয়া গেদেৎ দাম গৗছা। নাথায় জাইফ্রা ফৗথাইয়া বিছৗরনি থাখৈ, “ন্ব' লুগ্রাফৗরজৗং এৎগারজানায় অন্ঠাইয়া3 বয়নিখুরৈ কোণানি অন্ঠাই জাবায়।” আরৗ, “অৗরৈ বাদি অন্ঠাই জাবায়, মানসিফ্রা বিয়াও ছৌখুঠুনায়, আরৗ বে অন্ঠাইয়া বিছৗরখৌ খৗখ্লৈনায়।” মানসিফ্রা ঈশ্বৗরনি খৗথাখৌ ফৗথায়িখায় ছৌখুঠুনায়; আরৗ বে বিছৗরনি থাখৈ ঈশ্বৗরনিনৗ4 ফছংখানায়। নাথায় নৗংছৗরৗ সাইখজানায় মানসিফৗর, রাজানি যাজকফৗর, গৗথার জাতি, আরৗ মানসিফৗর জাইফ্রা ঈশ্বৗরনি, খৗমসিনিফ্রায় জাইয়া নৗংছৗরখৌ গাওনি বৗথিয়া গৗনাং স্রাংয়াও লিংনানৈ লাবৗবায়, যেন নৗংছৗরৗ বিনি বৗথিয়া গৗনাং হাবাফৗরখৌ খৗথাবাইয়ৗ আরৗ বাখ্নাইয়ৗ।5। সিগাঙাও নৗংছৗরৗ ঈশ্বৗরনি মানসিফৗর অৗঙা মৗন, নাথায় দা বিনি মানসিফৗর জাবায়, সিগাঙাও নৗংছৗরৗ ঈশ্বৗরনি দয়াখৌ খনছেবৗ মৗন্নাখৈ মৗন, নাথায় দা নৗংছৗরৗ বিনি দয়াখৌ মৗনবায়6।
ঈশ্বৗরনি গলামফৗর
আংগৗ লৗগৗফৗর, আঙৗ নৗংছৗরখৌ খাওলায়ৗ, বে সংসারাও নৗংছৗরৗ গুবুন হাদৎনি মানসি আরৗ হাদৎনিফ্রায় হৗখাৎ হৎজানায়ফৗরখৌ বাদি, নৗংছৗরৗ মৗদৗমনি লুবৈনায়ফৗরাও গৗজানাও থা, মানৗনা বেফৗরৗ জেব্লাইবৗ নৗংছৗরনি জিউমানি বিরুদ্ধ জায়ৗ। ঈশ্বৗরখৌ মিথিয়ি গুবুনহারিফৗরনি গেজেরাও নৗংছৗরনি আখল আখুয়া অৗরৈ বাদি মৗজাং জানাংনায়, থেওবৗ বিছৗরৗ নৗংছৗরখৌ অন্যায় মাওগ্রাফৗর হৗন্নানৈ নিন্দিব্লাবৗ নৗংছৗরনি মৗজাং মাওনায়ফৗরখৌ নুনানৈ ঈশ্বৗরনি ফৈনায় দিনাও বিছৗরৗ ঈশ্বৗরখৌ বাখ্নাইনায়। নৗংছৗরৗ ফৗরবুনি থাখৈ একথিয়ার গৗনাং সাফ্রৗমবৗ সুবুংনি সিঙাও থা, দেৎসিন একথিয়ার গৗনাং রাজানি সিঙাও থা, কিন্বা অন্যায় মাওগ্রাফৗরখৌ শাস্তি হৗনৗ আরৗ ঠিক মাওগ্রাফৗরখৌ বাখ্নাইনৗ থাখৈ ফছংজানায় শাসনগিরিফৗরনি সিগাঙাওবৗ থা। মানৗনা ঈশ্বৗরনি ইচ্ছায়া বেনৗ, নৗংছৗরনি মৗজাং মাওনায়জৗং জামবাফৗরনি গিয়ান গৈয়ি রাইজ্লায়নায়খৌ সিরি থাহৗনৗ। স্বাধীন মানসিফৗর বাদি ঠাংনান থা, নাথায় নৗংছৗরনি অন্যায় মাওনায়ফৗরখৌ খৗবনৗ থাখৈ নৗংছৗরৗ গাওনি স্বাধীন জানায়খৌ দাবাহায়, ঈশ্বৗরনি গলামফৗর বাদি ঠাংনান থা। বয়খৌবৗ মান হৗ, ন্ব'খরনি বিশ্বাসিফৗরখৌ অন, ঈশ্বৗরখৌ গি, আরৗ রাজাখৌ মান হৗ।
সৈনায়নি বিষয়
দাসফৗর, নৗংছৗরৗ ঈশ্বৗরখৌ সিবিনায় গিনায়জৗং লৗগৗছে গাও গাওনি বৈগৗমাখৌ জেব্লাইবৗ মান হৗ আরৗ গাওছৗরখৌ গথায়, মৗজাং আরৗ অনগ্রা বৈগৗমানি সিঙাও বান অৗঙা, নাথায় অন্নায় গৈয়ি বৈগৗমাফৗরনি সিগাঙাওবৗ থা। মানৗনা বেয়ৗ বাখ্নায়জাথাও যদি ছৗরবা অন্যায়য়ৈ কষ্টহৗজাব্লা সৈছৗয়ৗ, মানৗনা বিছৗরৗ ঈশ্বৗরজৗং অনজায়ৗ। নাথায় অন্যায় মাওনানৈ নৗংছৗরৗ বুজাব্লা, বিয়াও নৗংছৗরহা মা বাখ্নাইনায় দং? নাথায় নৗংছৗরৗ মৗজাং মাওনানৈবৗ কষ্টমৗনদৗংব্লা আরৗ সৈনাংদৗংব্লা, বিহা ঈশ্বৗরা নৗংছৗরজৗং গৗজৗননায়। বিনি জুনৈনৗ ঈশ্বৗরা নৗংছৗরখৌ লিংহৎদৗং, মানৗনা খ্রীষ্টআ নৗংছৗরনি থাখৈ সৈনাংদৗং, নৗংছৗরনি থাখৈ উদাহরণ গালাংবায়, যেন নৗছৗরৗ বিনি আগান উন উন থাবায় নাংথারনায়। “বিয়ৗ পাপ মাওয়াখৈ, বিনি খৌগানিফ্রায় ছৗলৈনায় মৗন্নাখৈ।” বিয়ৗ মানসিফৗরজৗং অপমান খৗলামজাদৗং মৗনব্লাবৗ, রাওখৌবৗ অপমান খৗলামফিনাখৈ, জেব্লা সৈনাংদৗং, রাওনিবৗ ছায়াও ফাল্টা লায়াখৈ; নাথায় বিনি বিবানখৌ ন্যায় বিচার খৗলামগ্রা ঈশ্বৗরনিয়াওছৗ7 গথায়নান হৗদৗংমৗন। “বিয়ৗ জৗংনি পাপনি” বিবানখৌ গাওনি মৗদৗমাও লানানৈ ক্রুশনি ছায়াও বানগারবায়, বিনিখাইনৗ জৗঙৗ পাপনি থাখৈ থৈয়ৗ আরৗ ধৗরৗমিয়ানি থাখৈ জৗংখৌ গৗঠাং খৗলামৗ; “বিনি গারাইজৗংনৗ জৗঙৗ ছৗখাজাবায়8।” মানৗনা “নৗংছৗরৗ মেন্ডা বাদি গুবুন লামাজৗং থাদৗংমৗন,” নাথায় নৗংছৗরৗ নেগ্রা জিউমাফৗরনি লাওখারনিয়াও নৗংছৗরৗ 9গিদিংফিনবায়।
Source notes (9)
- Cross-reference গীতফৗর 34:8
- Cross-reference যিশাইয় 28:16
- Cross-reference গীতফৗর 118:22
- Cross-reference যিশাইয় 8:14–15
- Cross-reference অৗংখাৎলাংনায় 19:5–6; যিশাইয় 43:20
- Cross-reference হোশেয়া 2:23; যিশাইয় 53:9
- Cross-reference যিশাইয় 53:7
- Cross-reference যিশাইয় 53:5
- Cross-reference যিশাইয় 53:6
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.