Mech
1 যোহন 5
সংসারখৌ ফেজেন্নায়
সাফ্রৗমবৗ জাইয়া ফৗথায়ৗ যে যীশুআনৗ মসিহ হৗন্নানৈ ঈশ্বৗরনি বিসা, আরৗ সাফ্রৗমবৗ জাইয়া বিফাখৌ অন্নৗ, বিয়ৗ বিনি বিসাখৌবৗ অন্নৗ। বেবাদিনৗ জৗঙৗ মাব্রৈ মিথিগৌ যে জৗঙৗ ঈশ্বৗরনি বিসাফৗরখৌ অন্নৗ, ঈশ্বৗরখৌ অন্নৗ আরৗ বিনি আদেশফৗরখৌ ফালিয়ৗ। মানৗনা ঈশ্বৗরনি আদেশখৌ ফালিনায়ানৗ ঈশ্বৗরখৌ অন্নৗ থাখৈ। আরৗ বিনি আদেশফ্রা জৗংনি থাখৈ গৗব্রাব অৗঙা, সাফ্রৗমবৗ জাইয়া ঈশ্বৗরনি বিসা বিয়ৗ সংসারখৌ জয় খৗলামৗ। জৗংনি ফৗথাইনায়া বে জয়খৌ হৗয়ৗ। জাইয়া সংসারখৌ জয় খৗলামৗ? বিবান ফৗথাইয়ৗ যে যীশুআ ঈশ্বৗরনি বিসা হৌয়া।
যীশু খ্রীষ্টখৌ সাক্ষী হৗনায়
যীশু খ্রীষ্টআ বিনৗ, জাইয়া দৈ আরৗ থৈজৗং ফৈদৗংমৗন। বিয়ৗ দৈজৗং বান অৗঙা, নাথায় দৈ আরৗ থৈনি মাধ্যমজৗং ফৈদৗংমৗন। আরৗ বে নংথারগৌ হৗন্নানৈ জিউয়া গাওনৗ সাক্ষী হৗদৗং, মানৗনা জিউয়ানৗ বে নৗংগৌয়া। মানৗনা বিহা সাথামা সাক্ষ্য হৗয়ৗ, জিউ, দৈ আরৗ থৈ, বে সাথামনি সাক্ষ্যয়া মৗনছেয়ানৗ। জৗঙৗ মানসিনি সাক্ষ্য হৗনায়খৌ ফৗথায়ৗ, নাথায় ঈশ্বৗরনি সাক্ষ্যয়া গেদেৎসিন মানৗনা ঈশ্বৗরা গাওনৗ গাওনি বিসাহৌয়ানি সমন্দৈ সাক্ষ্য হৗদৗং। ঈশ্বৗরনি বিসাজ্লাখৌ জাইয়ানৗ ফৗথায়ৗ, বিছৗরৗ বে সাক্ষ্যনি নংগৌয়াও থায়ৗ। নাথায় জাইয়া ঈশ্বৗরখৌ ফৗথাইয়া, বিয়ৗ ঈশ্বৗরখৌ ঠগায়সুলা খৗলামৗ, মানৗনা ঈশ্বৗরা গাওনি বিসাজ্লানি খৗথা বুংনায়খৌ বিয়ৗ ফৗথাইয়াখৗছৈ। আরৗ সাক্ষ্যয়া বেনৗ, ঈশ্বৗরা জৗংনৗ জৗবনৗ গৈয়ি গৗঠাংখৌ হৗবায়, বে জীবনখৌ বিয়ৗ গাওনি বিসাজ্লানি গেজেরজৗং জৗংনৗ হৗদৗং। ঈশ্বৗরনি বিসা হৌয়াখৌ জাইয়া মৗনবায়, বিয়ৗ গৗঠাংখৌবৗ মৗনবায়, নাথায় ঈশ্বৗরনি বিসা হৌয়াখৌ জাইয়া মৗনাখৈ, বিয়ৗ গৗঠাংখৌবৗ মৗনাখৈ।
জৗবনৗ গৈয়ি গৗঠাং
আঙৗ নৗংছৗরনৗ বেফৗরখৌ লিৎছৈ জাইফ্রা ঈশ্বৗরনি বিসাজ্লানি মুংখৌ ফৗথায়ৗ, জাহাথে নৗংছৗরৗ মিথিনৗ হায়ৗ যে নৗংছৗরৗ জৗবনৗ গৈয়ি গৗঠাংখৌ মৗনবায়। আরৗ ঈশ্বৗরনিয়াও জৗংনি ফুরা ফৗথাইনায়া বেনৗ, জৗঙৗ যদি গৗসৗ বাদি নাগিৎনৗ, বিয়ৗ জৗংখৌ খৗনাছঙৗ। আরৗ যদি জৗঙৗ মিথিগৌ যে বিয়ৗ জৗংনি বিনায়খৌ খৗনাছঙৗ-জৗঙৗ জায়খিয়া বি জৗঙৗ মিথিগৌ যে জৗঙৗ জেখৌ বিনিয়াও বিবায় বেখৌ মৗনবায়। যদি নৗঙৗ ছৗরবা ফংবায় কিন্বা বিনানাওখৌ পাপ মাওনায় নুয়ৗ যে থৈনায়াও দৈদেনলাঙা, অব্লা নৗঙৗ বিনি থাখৈ প্রার্থনা খৗলাম নাংগৌ আরৗ ঈশ্বৗরা বিছৗরনৗ গৗঠাংখৌ হৗনায়। আঙৗ বিছৗরনি খৗথা বুঙৗ জাইফ্রা পাপনি থাখৈ থৈয়া। বিহা মৗনছে পাপ দং জেয়া থৈনায়াজৗং লাঙৗ। আঙৗ বুঙা যে নৗংনে বে বিষয়ৈ প্রার্থনা খৗলামথারনাংগৌ। গৗরৗন্থি মাওনায় মানিয়ানৗ পাপ, নাথায় পাপ মৗনফ্রৗমবৗ থৈনায়াও দৈদেনলাঙৗ, বে অৗঙা। জৗঙৗ মিথিগৌ, ঈশ্বৗরনি বিসাফ্রা পাপখৌ মাওবায় থায়া, মানৗনা ঈশ্বৗরনি বিসাজ্লায়া বিখৌ বাছাইনানৈ লাখিয়ৗ, আরৗ শয়তানা বিখৌ দাংনৗ হায়া। জৗঙৗ মিথিগৌ যে, জৗঙৗ ঈশ্বৗরনি বিসাফৗর, আরৗ গাছেনবৗ সংসারনি শয়তানা হমথাদৗংব্লাবৗ। জৗঙৗ মিথিগৌ, ঈশ্বৗরনি বিসাজ্লায়া ফৈনানৈ জৗংনৗ মিথিনৗ হানায় হৗবায়, জেন জৗঙৗ নংগৌ ঈশ্বৗরনিয়াও মিথিয়ৗ আরৗ জৗঙৗ বিনিয়াও জাইয়া নংগৌ। জৗং বিনিয়াও জাইয়া বিনি বিসাজ্লা যীশু খ্রীষ্টনিফ্রায় নংগৌয়া, বিনৗ নংগৌ ঈশ্বৗরা আরৗ জৗবনৗ গৈয়ি গৗঠাঙা। আংনি আংগৗ বিসাফৗর, নৗংছৗরৗ গাও গাওখৌ মূর্তিফৗরনিফ্রায় গৗজানাও দৗন।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.