Mech
1 করিন্থীয় 3
ঈশ্বৗরনি দাসফৗর
ও বিদা-ফংবায় আরৗ বিবো-বিনানাওফৗর, নৗংছৗরখৌ গৗথার জিউনি দৈদেনজানান থানায় মানসিফৗর বাদি আঙৗ বুংনৗ হায়াখৈ, নাথায় জাইয়া দাবৗনৗ সংসারিক বাদি বান, খ্রীষ্টনিয়াও গথ'ফৗর বাদি। আঙৗ নৗংছৗরখৌ গাইখের লৗংহৗদৗং, গৗরা জাগ্রা মৗঙাফৗর জানৗ হৗয়াখৈ, দাবৗনৗ নৗংছৗরনিয়াও গৗরা জাগ্রা মৗঙাফৗর থিয়ারি গৈয়া। মানৗনা সংসারনি মানসিফ্রা জেরৈ থায়ৗ, দাবৗ নৗংছৗরৗ বিবাদিনৗ দং। নৗংছৗরনি গেজেরাও মগন ছাজ্লাইনায় আরৗ নাংজ্লাইনায় দং, অব্লা নৗংছৗরনি বেফৗর আখললা নৗংছৗরখৌ সংসারনি বাদি হৗন্নানৈ প্রমাণ হৗয়া না? নৗংছৗরনি গেজেরাও সাছেয়া হৗনৗব্লা, “আঙৗ পৌলনি,” আরৗ গুবুন হৗনৗব্লা, “আঙৗ আপল্লোসনি” নৗংছৗরনি বেফৗরবাদি বুংনায়া সংসারিফৗরনি বাদি জায়াখৈ না? আপল্লোআ ছৗর? আরৗ পৌলআ ছৗর? জৗং ঈশ্বৗরনি দাসফৗর বান, জাইফৗরজৗং নৗংছৗরৗ ফৗথাইনায়খৌ মৗন্দৗং। ফৗরবুআ জাইনৗ জেখৌ মাওনৗ হৗদৗং, বেখৌছৗ জৗঙৗ সাফ্রৗমবৗ মাওদৗং। আঙৗ বিগৎখৌ গায়বায়, আপল্লোসআ বিংফাঙাও দৈ লুবায়, নাথায় বিংফাঙখৌ ফেদেৎগ্রায়া ঈশ্বৗরছৗ। বিনিখাইনৗ গায়গ্রায়াবৗ আরৗ দৈ লুগ্রায়াবৗ জেবৗ অৗঙা, নাথায় জাইয়া ফেদেৎগ্রা, বি ঈশ্বৗরাছৗ গাছেনবৗ। বিগৎ গায়গ্রায়া আরৗ দৈ লুগ্রা, বিছৗরনি গেজেরাও মৗনছে বান উদ্দেশ্য, সাফ্রৗমনৗবৗ গাও গাওনি মাওনায় বাদিছৗ ঈশ্বৗরা মৗন্নাংগৌখৌ হৗনায়। মানৗনা জৗঙৗ ঈশ্বৗরনি খামানি মাওজ্লাইগ্রাফৗর; নৗংছৗরৗ ঈশ্বৗরনি হু, আরৗ ঈশ্বৗরনি ন্ব'বৗ।
ঈশ্বৗরা আংনৗ যে অনুগ্রহখৌ হৗদৗংমৗন, বিজৗংনৗ আঙৗ সাছে ন্ব'লুনৗ গৗরৗং বাদি মৗনছে ভিঠাখৌ ফছংবায়, আরৗ বিনি ছায়াও গুবুনা লুগাছেনদং। নাথায় সাফ্রৗমবৗ জৗথৗনজৗং লৗগৗছে লুথার নাংনায়। ঈশ্বৗর ফছংনায় ভিঠাখৌ নাগারনানৈ গুবুন ভিঠা রাওবৗ ফছংবাওনৗ হায়া। বে ভিঠায়া যীশু খ্রীষ্টআনৗ। খাইছেয়া বে ভিঠানি ছায়াও সোনা, রুপা, আরৗ দাম গৗছা অন্ঠাইফৗরজৗং লুনায়, খাইছেয়া ডংফাং, আরৗ জিগাব আরৗ থুরিজৗং লুনায়, নাথায় ছৗর মা বাদি মাওদৗং, বেখৌ খ্রীষ্টনি দিননাওছৗ নুনৗ মৗননায়। মানৗনা বি দিনাও সাফ্রৗমনিবৗ মাওনায়া অৎজৗংনৗ নুজাহৗজানায়। সাফ্রৗমনিবৗ মাওনায়খৌ অৎনা আনজাদ নাইনানৈ বিনি গুনখৌ বিছৗ দিন্ঠিনায়। যে ভিঠানি ছায়াও লুগ্রানি লুনায় খামানিয়া থায়ৗ, অব্লাছৗ লুগ্রায়া বে লুনায়নি মুজুরিখৌ মৗন্নৗ। নাথায় ছৗরনিবা খামানিয়া অৎছালায়াও খামজাব্লা, বিয়ৗ বিখৌ খৗমানায়। অব্লাবৗ বিয়ৗ গাও বাছাইজানায়, নাথায় বিয়ৗ অৎনিফ্রায় খাৎগৌনায় মানসি বাদি জানায়। নৗংছৗরৗ মা কি মিথিয়া যে, নৗংছৗরৗ ঈশ্বৗরনি মন্দির আরৗ ঈশ্বৗরনি গৗথার জিউয়া নৗংছৗরনি গৗসৗয়াও থায়ৗ? যদি ছৗরবায়া ঈশ্বৗরনি মন্দিরখৌ সংহার খৗলামৗ, ঈশ্বৗরা বিখৌ সংহার খৗলামনায়, মানৗনা ঈশ্বৗরনি মন্দিরা গৗথার, আরৗ বি মন্দিরা নৗংছৗরনৗ। নৗংছৗর গাও গাওখৌ দাছৗলৈ। নৗংছৗরনি গেজেরাও ছৗরবায়া বে সংসারনি মান অনুজায়ৈ জ্ঞানী সানৗব্লা, বিয়ৗ “মূর্খ” জাথৗং অব্লাছৗ বিয়ৗ জ্ঞানী জানায়। মানৗনা বে সংসারনি জ্ঞাননা ঈশ্বৗরনি সিগাঙাও মূর্খতাছৗ। শাস্ত্রয়াও লিৎনায় দং: “জ্ঞানিফৗরখৌ বিছৗরনি ছৗলৗগৗনাংজৗংনৗ ঈশ্বৗরা 1হমমৗ”; আরবাও লিৎনায় দং, “ফৗরবুআ জ্ঞানিফৗরনি সান্নায়খৌ মিথিগৌ,2 বেফৗরৗ নংখাই বাখাইছৗ।” বিনিখাইনৗ মানসিয়া গাওনি মাওনৗ হানায়খৌ লানানৈ ডুগা জানৗ নাঙা। মানৗনা গাছেনবৗ নৗংছৗরনিনৗ। পৌল, আপল্লোস, কৈফাস3, সংসার, এবা গৗঠাং, গৗথৈ, দা আরৗ উনাও বেফৗর গাছেনবৗ নৗংছৗরনি, আরৗ নৗংছৗরৗ খ্রীষ্টনি আরৗ খ্রীষ্টআ ঈশ্বৗরনি।
Source notes (3)
- Cross-reference ইয়োব 5:13
- Cross-reference গীতফৗর 94:11
- Footnote বে পিতর
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.