Mech
1 করিন্থীয় 14
গৗথার জিউনি বৗরনি থাবায়নায় খৗথাফৗর
নৗংছৗরৗ অন্নায়াও থাবায় আরৗ গৗথার জিউনি দানফৗরখৌবৗ ঈশ্বৗরনি লুবৈনায় বাদি ঈশ্বৗরনিফ্রায় ভাববাণী বুংনৗ বিশেষ হাস্থায়। জাইয়া রাওফৗর রাইয়ৗ, বিয়ৗ মানসিফৗরনৗ বুঙা, নাথায় ঈশ্বৗর হৗনায় দাননি বাথ্রা বুঙৗ, মানৗনা বিনি বুংনায়খৌ রাওবৗ বুজিয়া। বিয়ৗ গৗথার জিউনি বৗলৗজৗং থাখমানায় নংগৌখৌ বুঙৗ। নাথায় জাইয়া ঈশ্বৗরনিফ্রায় ভাববাণী বুঙৗ, বিয়ৗ মানসিফৗরনি থাখৈ বুঙৗ আরৗ বিছৗরখৌ বৗলৗ হৗনৗ, গৗসৗয়াও উৎসাহ আরৗ গৗজৗন হৗয়ৗ। জাইয়া রাওজৗং বুঙৗ, বিয়ৗ গাওনি বান বৗলৗগ্রা খৗলামৗ, নাথায় জাইয়া ঈশ্বৗরনিফ্রায় ভাববাণী বুঙৗ, বিয়ৗ গাছেন মন্ডলীখৌ বৗলৗগ্রা খৗলামৗ। নৗংছৗরৗ বয়বৗ গুবুন গুবুন রাওফৗরজৗং খৗথা বুংনায়খৌ আঙৗ হামজায়ৗ, নাথায় বরং আঙৗ নৗছৗরখৌ ঈশ্বৗরনিফ্রায় ভাববাণী বুংনৗ লুবৈয়ৗ। জাইয়া ঈশ্বৗরনিফ্রায় ভাববাণী বুঙৗ বিয়ৗ রাওফৗর বুংগ্রানিফ্রায় দেৎসিন, মানৗনা ছৗরবা সাছে অৗংথি বেখেওনান হৗয়াব্লা, মন্ডলীনি হেফাজাবয়াও ফৈয়া, বিনিখ্রুই ভাববাণীয়া সাবসিন। দা, ও বিদা-ফংবায়ফৗর আরৗ বিবৌ-বিনানাওফৗর, জেব্লা আঙৗ নৗংছৗরনাও থাংনায়, অব্লা আঙৗ গুবুন রাওফৗরজৗং বুঙৗব্লা, আঙৗ নংথারগৌখৌ নুজাহৗয়াব্লা, এবা জ্ঞান এবা ঈশ্বৗরনিফ্রায় মৗনছে বাথ্রা, এবা মৗজাং খবর ফৗরৗঙাব্লা, অব্লা আংনিফ্রায় নৗংছৗরনে মা উপকার জানায়? বেবাদিনৗ জিউ গৈয়ি দামগ্রাফৗর সিফুং এবা বীণাখৌ সুর হনানৈ রৗখা রৗখায়ৈ দামাব্লা, সিফুং এবা বীণাখৌ মা দামদৗং, বেখৌ ছৗর মাবৗরৈ হমনৗ হানায়? আরবাও, যুদ্ধনি বিগুল রৗখা রৗখা ছুনানৈ শব্দ হৗয়াব্লা, ছৗর যুদ্ধনি থাখৈ ঠাম ঠিম জানৗ? বেবাদিনৗ মিথিয়ি খৗথাজৗং নৗংছৗরৗ বুঙৗব্লা, নৗংছৗরনি বুংনায়খৌ ছৗর মিথিনৗ? নৗংছৗরৗ বারাওছৗ বুংগারনায় জানায়। সংসারাও গৗবাংথার গুবুন গুবুন রাওফৗর দং, আরৗ বিছৗর গাছেননিবৗ অৗংথি দং। নাথায় ছৗরনিবা বুংনায় রাওখৌ আঙৗ বুজিনৗ বৗলৗ গৈয়াব্লা, বে রাও রাইনায় মানসিয়া আংনি থাখৈ, আরৗ আংবৗ বিনি থাখৈ গুবুন হাদৎনি মানসিফৗর বাদি জানায়। নৗংছৗরনি থাখৈ বেবাদিনৗ। নৗংছৗর গৗথার জিউনি দানফৗরখৌ মৗন্নৗ উদ্যোগী জায়ৗব্লা, মন্ডলীখৌ সাবসিন লুখাংনৗ হাস্থায় নাংনায়। বিনিখাইনৗ জাইয়া গুবুন রাওজৗং বুঙৗ বিয়ৗ প্রার্থনা খৗলামথৗং, যেন বিছৗরৗ বিজিৎনানৈ হৗনৗ হানায়। মানৗনা আঙৗ রাওজৗং প্রার্থনা খৗলামৗব্লা, আংনি জিউয়া প্রার্থনা খৗলামৗ, নাথায় আং মা বুংদৗং, বেখৌ আংনি গৗসৗয়াও মিথিয়া। অব্লা আঙৗ মা খৗলাম নাংগৌ? আঙৗ জিউয়াও প্রার্থনা খৗলামনায়, নাথায় আঙৗ বুজিনায়জৗং বৗ প্রার্থনা খৗলামনায়, আঙৗ আংনি জিউজৗং মৗথাই খননায়, নাথায় আঙৗ বুজিনায়জৗং বৗ মৗথাই খননায়। গুবুন রৗখৗমৈ জেব্লা নৗঙৗ জিউজৗং বান ধন্যবাদ হৗব্লা, বে গুবুন রাওখৌ সৗংগ্রাফৗর দংব্লা, নৗংনি প্রার্থনানি জৗবনায়াও বিছৗরৗ মাবৗরৈ, “আমেন” হৗনফানৗ, মানৗনা নৗংনি বুংনায়খৌ বিছৗরৗ মিথিনৗ হায়া? নৗংনি ঈশ্বৗরখৌ ধন্যবাদ হৗনায়য়া মৗজাংথারব্লাবৗ, নাথায় গুবুনা বিজৗং হেফাজাব মৗন্না।
আঙৗ ঈশ্বৗরখৌ ধন্যবাদ হৗছৈ মানৗনা আঙৗ নৗংছৗর বয়নিখুরৈ রাসিন রাওফৗর বুঙৗ। নাথায় মন্ডলীয়াও খুলুমনৗ জ' জানায়াও আং বয়নিবৗ সিগাঙাও গুবুন রাওফৗরজৗং দশ হাজার সৗদৗবফৗর বুংনায়নিখুরৈ গুবুনখৌ ফৗরৗংনৗ থাখৈ মানসিফৗর বুজিনৗ হানায় ফংবা বুংনায় রাওয়া মৗজাংসিন।
ও বিদা-ফংবায় আরৗ বিবো-বিনানাওফৗর নৗংছৗরৗ সান্নায়াও গথ'ফৗর বাদি দাজা, গাজ্রি মাওনায় খৗথায়াও নৗংছৗরৗ গাজ্রি লামাও গৗল্লৈফৗর বাদি জা, নাথায় নৗংছৗরনি সান্নায়াও গৗরৗং গেদেৎ জা। আইননাও লিৎনায় দং,
“গুবুন রাওজৗং রাইগ্রা
আরৗ গুবুন হাদৎনি মানসিফৗরজৗং,
আঙৗ আংনি মানসিফৗরখৌ বুংনায়,
নাথায় বিছৗরৗ আংনি বুংনায়খৌ
অব্লাবৗ বিছৗরৗ আংখৌ খৗনাছংনায় অৗঙা, ফৗরবুআ বুঙৗ।”
অব্লা রাওফৗরজৗং বুংনায়া ফৗথায়িফৗরনি থাখৈ মৗনছে চিহ্ন বাদি, ফৗথাইগ্রাফৗরনি থাখৈ অৗঙা, জিখি জায়ামানৗ, ঈশ্বৗরনিফ্রায় মৗনছে বাথ্রা খৗথানাইয়া, ফৗথায়িফৗরনি থাখৈ অৗঙা নাথায় ফৗথাইগ্রাফৗরনি থাখৈ। মণ্ডলীনি মানসিফ্রা জ' জানায়াও আরৗ সাফ্রৗমবৗ গুবুন গুবুন রাওফৗর বুঙৗব্লা, আরৗ বে সমাও সৗংগ্রাফৗর এবা ফৗথাইয়িফৗর মন্ডলীয়াও ফৈব্লা, বিছৗরৗ নৗংছৗরখৌ পাগলাছৗ হৗন্নানৈ বুংনায় অৗঙা নামা? নাথায় সাফ্রৗমবৗ ঈশ্বৗরনিফ্রায় ভাববাণী বুঙৗ, আরৗ বে সমাও ছৗরবা ফৗথাইয়ি আরৗ সৗংগ্রাফৗর হাবফৈব্লা, খৗনানানৈ বিছৗরৗ গাওছৗরখৌ পাপী হৗন্নানৈ ফৗথায়নানৈ বিচারিত জানায়, জৗরৈ বিছৗরৗ খৗনায়ৗ, বিছৗরনি গৗসৗফৗরাও থাখমানায়া খুলিজানায়। বিনিখাইনৗ, বিছৗরৗ খগ্লুবনানৈ ঈশ্বৗরখৌ খুলুমনানৈ বুংনায়, “নংথারগৌয়ৈ ঈশ্বৗরা নৗংছৗরনি গেজেরাও দং!”
খুলুমনায়াও গলাই গুজাই জায়ি
অব্লা জৗং মা বুংনৗ, ও বিদা-ফংবায় আরৗ বিবো-বিনানাওফৗর আংনি খৗথায়া বেনৗ? জেব্লা নৗংছৗরৗ ঈশ্বৗরখৌ খুলুমনৗ জ' জায়ৗ, অব্লা নৗংছৗরনি গেজেরাও খাইছেয়া বাখ্নাইনানৈ মৗথাই খননৗ, খাইছেয়া ফৗরৗঙৗ, খাইছেয়া ঈশ্বৗরনি নংগৌখৌ নুজাহৗয়ৗ, খাইছেয়া গুবুন রাওফৗরজৗং বুঙৗ আরৗ খাইছেয়া বুংনায়ফৗরখৌ বিজিৎনানৈ হৗয়ৗ। নৗংছৗরৗ জেখিয়া মাওয়া, গাছেনবৗ মণ্ডলীনি হেফাজাবনি থাখৈ জাথৗং। ছৗরবায়া গুবুন রাওজৗং বুঙৗব্লা, সানৈ এবা বিনি বাংসিনব্লা সাথাম, বিছৗরৗ সাফা সাফায়ৈ বুংথৗং, আরৗ বিছৗরনি বুংনায়খৌ গুবুন বিজিৎনানৈ হৗথারনাংনায়। নাথায় গুবুন রাওজৗং বুংনায়খৌ বিজিৎনানৈ হৗনৗ রাওবৗ গৈয়াব্লা, বিছৗরৗ মন্ডলীয়াও সিরি থাথারথৗং, হাসিং হাসিঙৈ গাও গাওনি থাখৈ বান ঈশ্বৗরজৗং রাইজ্লায়থৗং। সানৈ অৗঙাব্লা সাথাম নবিফ্রা ঈশ্বৗরনি বাথ্রাখৌ বুংথৗং, আরৗ গুবুনফ্রা বিছৗরনি বুংনায়খৌ বিজিৎথৗং। নাথায় খৗনাছংনায়ফৗরনি গেজেরাও ছৗরনেওবা ঈশ্বৗরা নুজায়ৗব্লা, জাইয়া সিগাং খৗথাদৗং মৗন, বিয়ৗ বুংনায়খৌ বন্ধ খৗলামথৗং। মানৗনা নৗংছৗরৗ বয়বৗ সাফা সাফা ঈশ্বৗরনিফ্রায় ভাববাণী বুঙৗ হায়ৗ জাহাথে বয়বৗ ছৗলৗংনায়খৌ মৗন্নৗ আরৗ বয়বৗ থুলুংগা জায়ৗ। নবিফ্রা জিউয়াও গাওখৌ হমথানৗ নাংনায়। মানৗনা ঈশ্বৗরা গলাই গুজাইনি ঈশ্বৗর অৗঙা, নাথায় শান্তিখৌছৗ হামজায়ৗ, ঈশ্বৗরনি মানসিফৗরনি গাছেন গৗথার মন্ডলী বাদি। হিন্জাওফ্রা মন্ডলীয়াও সিরিয়ৈ থাথৗং। মানৗনা খৗথা বুংনৗ বিছৗরখৌ অনুমতি হৗয়াখৈ, যিহূদীয়ারি আইনাও জেরৈ বুংদৗং, বেবাদিনৗ বিছৗরৗ অধিননাও থাথৗং। যদি বিছৗরৗ মাবা মৗনছে মিথিনৗ লুবৈয়ৗব্লা, বিছৗরৗ ন্ব'য়াও গাও গাওনি হৌয়াফৗরনাও সৗংথৗং; মানৗনা মন্ডলীনি জথুমনায়াও খৗথা বুংনায়া হিন্জাওসাফৗরনি থাখৈ দুর্নাম।
ঈশ্বৗরনি খৗথায়া নৗংছৗরনিফ্রায়নৗ অৗংখাৎবৗদৗং নামা? এবা বে নৗংছৗরনিয়াও বান ফৈদৗং নামা?
নৗঙৗ গাওখৌ সাছে নবি হৗন্নানৈ সানৗব্লা এবা গৗথার জিউ মৗন্দৗং হৗন্নানৈ সান্নৗব্লা, আঙৗ নৗংছৗরনৗ লিৎনায় বে খৗথাখৌ ফৗরবুনি আদেশ থৗন্নায় হৗন্নানৈ লাথারনাংনায়। নাথায় ছৗরবায়া বেখৌ নেওছিয়ৗব্লা, অব্লা বিছৗরৗ গাওছৗরবৗ নেওছিজানায়।
বিনিখাইনৗ ও বিদা-ফংবায়ফৗর, নৗংছৗরৗ জাইয়া ঈশ্বৗরনিফ্রায় ভাববাণী বুঙৗ বেহা আগ্রহ জা, আরৗ গুবুন রাওফৗর রাইনায়খৌ দারাইফৗথা। গাছেনখৌবৗ মৗজাঙৈ আরৗ গ্রৗব গ্রৗবমৈ মাওনাংগৌ।
Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.