Skip to content
BibleKenya

Mech

1 করিন্থীয় 1

ঈশ্বৗরনি ইচ্ছায়াও যীশু খ্রীষ্টনি প্রেরিত জানৗ লিংহৎজানায় পৌল, আরৗ ফংবায় সোস্থিনি, করিন্থীয়াও থানায় ঈশ্বৗরনি মন্ডলী, যীশু খ্রীষ্টজৗং ফৗথারজানানৈ গাওনি গৗথার মানসিফৗর খৗলামনৗ ঈশ্বৗরজৗং হাংখ্রাইজানায়ফৗর, নৗংছৗরনৗ আরৗ গুবুন গুবুন গাছেন জায়গাফৗরাও থানায়, জাইফ্রা জৗংনি ফৗরবু যীশু খ্রীষ্টনি নামৈ ফৗরবু হৗন্নানৈ গাবজ্রিয়ৗ, বিছৗরনৗ জৗঙৗ বে লাইজামখৌ লিৎহদদৗং। বিয়ৗ বিছৗরনিবৗ ফৗরবু আরৗ জৗংনিবৗ ফৗরবু।

জৗংনি বিফা ঈশ্বৗরা আরৗ ফৗরবু যীশু খ্রীষ্টআ নৗংছৗরখৌ অনুগ্রহ খৗলামথৗং আরৗ নৗংছৗরনৗ শান্তিখৌ হৗথৗং।

খ্রীষ্টনিয়াও বৗর মৗন্নায়

আঙৗ জেব্লাইবৗ আংনি ঈশ্বৗরখৌ নৗংছৗরনি থাখৈ ধন্যবাদ হৗয়ৗ মানৗনা যীশু খ্রীষ্টআ বিয়ৗ নৗংছৗরনৗ অনুগ্রহখৌ হৗবায়। নৗংছৗরৗ খ্রীষ্টনিয়াও জ'জানানৈ গাছেন লামায়াওবৗ বৗলৗগ্রা জাবায় বুংনায়াওবৗ আরৗ জ্ঞানাওবৗ। বেবাদিনৗ খ্রীষ্টনি বিষয়ৈ জৗংনি সাক্ষ্যয়া নৗংছৗরনি গেজেরাও গৗগৗমৈনৗ দং।

বিনিখাইনৗ নৗংছৗরৗ আত্মিক দাননাওবৗ অভাব জায়া, জৗংনি ফৗরবু যীশু খ্রীষ্টনি ফৈফিননায়খৌ গৗসৗ হৗনানৈ নেনান থাদৗং। বিয়ৗ নৗংছৗরখৌ জৗবনায় সমসিম গৗগৗমৈ দৗন্নায় আরৗ জৗংনি ফৗরবু যীশু খ্রীষ্টনি ফৈনায় দিনাও নৗংছৗরৗ দায় গৗয়ি জানায়। ঈশ্বৗরা ফৗথাইজাগ্রা, গাওনি বিসাজ্লা জৗংনি ফৗরবু যীশু খ্রীষ্টজৗং সহভাগিতাও বিনৗ নৗংছৗরখৌ লিংহৎদৗং।

মণ্ডলীনি গাওজ্লাইনায়

ও বিদা-ফংবায়ফৗর আরৗ বিবো-বিনানাওফৗর, জৗংনি ফৗরবু যীশু খ্রীষ্টনি নামৈ আঙৗ নৗংছৗরখৌ খাওলায়ৗ, জাহাথে নৗংছৗরনি গেজেরাও দলাদলি দাজাথৗং, নৗংছৗরৗ সাছেয়া সাছেনি খৗথা মানিজ্লাই, নৗংছৗরৗ গৗসৗয়াও আরৗ সান্নায়াও ঠাংখিয়াও ঠাল্লায়ৈ জ' জা। ও আংনি বিদা-ফংবায় আরৗ বিবো-বিনানাওফৗর, নৗংছৗরনি গেজেরাও নাংজ্লাইনায়ফৗর দং হৗন্নানৈ ক্লোয়ীনি ন্ব'খরনিফ্রায় খাইছে মানসিফ্রা আংনৗ খৗথাবায়। আঙৗ নৗংছৗরনি সিগাঙাও বুঙৗ, নৗংছৗরনি খাইছেয়া হৗন্নৗ, “আঙৗ পৌল,” খাইছেয়া হৗন্নৗ, “আঙৗ আপল্লোনি,” খাইছেয়া হৗন্নৗ, “আঙৗ কৈফানি,1” খাইছেয়া হৗন্নৗ, “আঙৗ খ্রীষ্টনি।” খ্রীষ্টআ রানজাবায় নামা? পৌলআ নৗংছৗরনি থাখৈ ক্রুশাও ডৗখ্ঠাবজাদৗং মৗন নামা? নৗংছৗরৗ পৌলনি মুঙৈ বাপ্তিস্মা হৗজাদৗংমৗন না? আঙৗ ঈশ্বৗরখৌ ধন্যবাদ হৗয়ৗ, মানৗনা ক্রীষ্প আরৗ গায়সখৌ নাগারনানৈ আঙৗ নৗংছৗরনি সাছেখৌবৗ বাপ্তিস্মা হৗয়াখৈ,2 জাহাথে নৗংছৗরখৌ রাওবৗ আংনি নামৈ বাপ্তিস্মা হৗজাদৗং বুংনৗ হায়া। (আঙৗ স্তিফাননি ন্ব'খরনি মানসিফৗরখৌ বাপ্তিস্মা হৗদৗং, বিছৗরখৌ নাগারনান গুবুন ছৗরখৌবা বাপ্তিস্মা হৗবায়ব্লা, আং গৗসৗখাংনৗ 3হায়াখৗছৈ।) বাপ্তিস্মা হৗনৗ খ্রীষ্টআ আংখৌ থৗনহৎনাখৈ, মৗজাং খবরখৌ খৗথাবাইনৗছৗ থৗনহৎদৗং। জাহাথে খ্রীষ্টনি ক্রুশাও থৈনায়া বৗলৗ গৈয়ি জায়ি বাদি, বিয়ৗ আংখৌ মানসিনি জ্ঞাননি খৗথা খৗথানৗ থৗনহৎনাখৈ।

খ্রীষ্টআ ক্রুশাও ঈশ্বৗরনি বৗলৗ আরৗ জ্ঞানাও

জাইফ্রা জবস্রাংনায়নি লামায়াও থাঙৗ, বিছৗরনি থাখৈ যীশুনি ক্রুশাও থৈনায়নি মৗজাং খবরা মূর্খছৗ হৗন্নানৈ সানজায়ৗ, নাথায় জৗং বাছাইজানানৈ গৗঠাংনি লামায়াও থানায়ফৗরনি থাখৈ বিয়ৗ ঈশ্বৗরনি বৗলৗ। মানৗনা লিৎনায় দং:

“আঙৗ জ্ঞানিফৗরনি জ্ঞানখৌ

সংহার খৗলামনায়, বুদ্ধিমানফৗরনি

বুদ্ধিখৌ গৗনৗ গৗথৗ

খৗলামনায়।”

অব্লা জ্ঞানিয়া মহাই? আইন গুরুফ্রা মহাই? বে ফিরিনি সান্নৗ গৗরৗঙা মহাই? মা কি ঈশ্বৗরা সংসারনি জ্ঞানখৌ মূর্খ হৗন্নানৈ দিন্ঠিয়ামৗন। মানৗনা ঈশ্বৗরনি জ্ঞানাও সংসারা গাওনি জ্ঞানজৗং বিখৌ মিথিনৗ হায়াখৈছৈ, নাথায় জৗং ফৗস্রাওনায় মূর্খ হৗনজানায় খবরজৗংনৗ ঈশ্বৗরা খুশি জানানৈ ফৗথাইগ্রাফৗরখৌ বাছাইনৗ সানবায়। যিহূদিয়ারিফ্রা বৗথিয়াগৗনাং চিহ্নফৗরখৌ নায়নৗ হাস্থাইয়ৗ, আরৗ গ্রীকয়ারিফ্রা জ্ঞানখৌ নাইগিৎনৗ। নাথায় জৗঙৗ ক্রুশাও দৗখঠাবজানায় খ্রীষ্টনি মৗজাং খবরখৌ ফৗস্রাওয়ৗ, বে খবরা যিহূদিয়ারিফৗরনি থাখৈ মৗনছে ছৌখুঠুনায় রজং, আরৗ গুবুনহারিফৗরনি থাখৈ মূর্খনি খৗথাছৗ, নাথায় যিহূদি আরৗ গুবুনহারি, জাইফৗরখৌ ঈশ্বৗরা লিংহৎবায়, বিছৗরনি থাখৈ খ্রীষ্টআনৗ ঈশ্বৗরনি বৗলৗ আরৗ জ্ঞান। মানৗনা ঈশ্বৗরনি মূর্খয়া মানসিনি জ্ঞাননিফ্রায় জ্ঞানিসিন, আরৗ ঈশ্বৗরনি বৗলৗ গৗয়িয়া মানসিনি বৗলৗনিফ্রায় বৗলৗগ্রাসিন।

ও বিদা-ফংবায়ফৗর আরৗ বিবো-বিনানাওফৗর, নৗংছৗরৗ গৗসৗখাং, জেব্লা নৗংছৗরৗ ঈশ্বৗরজৗং লিংহৎজাদৗং মৗন, নৗংছৗরৗ মা বাদি মানসিফৗর মৗন, সংসারনি নুনাইয়াও নৗংছৗরনি গেজেরাও ইচ্ছে বান জ্ঞানী আরৗ বৗলৗগ্রা এবা গেদেৎ ন্ব'খরনি মানসিফৗর মৗন। নাথায় জ্ঞানিফৗরখৌ লাজি ফৗনাংনৗ সংসারনি নুনাইয়াও মূর্খখৌ আরৗ বৗলৗগ্রাফৗরখৌ লাজি ফৗনাংনৗ সংসারনি নুনাইয়াও বৗলৗ গৈয়িফৗরখৌ ঈশ্বৗরা সাইখবায়। সংসারা জেখৌ গৗনাংথার সান্নৗ বেফৗরখৌ ফৗজৗবস্রাংনৗ, সংসারাও জাইফ্রা গাহায়, আরৗ মুগৈজায়ৗ, আরৗ জাইফ্রা জেবৗ অৗঙা, বেফৗর বাদিখৌছৗ ঈশ্বৗরা সাইখবায়। যেন রাওবৗ মানসি ঈশ্বৗরনি সিগাঙাও রাওবৗ গৗগা খৗলামনৗ হায়ি বাদি। নাথায় ঈশ্বৗরা নৗংছৗরখৌ যীশু খ্রীষ্টনিয়াও খৌছে খৗলামবায়, খ্রীষ্টনি গেজেরজৗং ঈশ্বৗররা গাওনি জ্ঞানখৌ জৗংনৗ হৗবায়। বি জাবায় ঈশ্বৗর জৗংখৌ ধৗরৗমসুলা আরৗ গৗথার খৗলামবায়, বিয়ৗ জৗংখৌ বাইখবায়। বিনিখাইনৗ, শাস্ত্রয়াও লিৎনায় দং, “জাইয়া গৗগা খৗলামৗ, বিয়ৗ ফৗরবুনিয়াও গৗগা4 খৗলামথৗং।”

Source notes (4)
  1. Footnote বেয়ৗ পিতর
  2. Cross-reference রোমীয় 16:23
  3. Cross-reference যিশাইয় 29:14
  4. Cross-reference যেরিমিয়া 9:24

Mech. Copyright © The Seed Company. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.