Kitaaba Faaru'uu 6

Daadimata Yennaa Rakkinnaa

Sooressa faarfattootaatiif, faaruu Daawitii ta meya ribu'uutiin faarfatante.

1Ee Mootii Waan Maraa, aari'iin na hin xixin;

yookiin mufi'iin na hin adabin.

2Ee Mootii Waan Maraa, ani dadhabaa waan te'eef,

naaf marari;

Ee Mootii Waan Maraa,

lafeen tiyya soda'aan waan na sheephitteef

na fayyisi.

3Lubbuun tiyya guddoo na raafanteerti.

Ee Mootii Waan Maraa, na qarqaariisaaf,

ati haga yoomii turta?

4Ee Mootii Waan Maraa, deebi'ii na baasi;

jaalala keeti ka bara baraatiif jedhii na hamburi.

5Nami du'ee si qaabatu hin jiru;

boolla awwaalaa keessaa ka si leellisu eennu?

6Ani aadiisaan dadhabeera;

halkan mara bowaan taqee tiyya maxanqeessee,

imimmaaniin boraatii tiyya tortorse.

7Akka malee waan gaddeef

ilti tiyya dhagguu dadhaddeerti;

sababa diinota kiyya maraatiif

ilti tiyya caararrootteerti.

8Mootiin Waan Maraa bowa tiyya waan dhage'eef,

isin worri hamaaleyyiin marti na irraa fagaadha'a.

9Mootiin Waan Maraa iyya tiyya dhage'eera;

inni daadimata kiyyaaf deebii hin kenna.

10Diinoti kiyya marti hin qaanowan;

guddoo hin sodaatanille'e;

dedhuma salphatanee, gara duubaa hin deebi'an.