Kitaaba Faaru'uu 128

Gatii Nama Waaqaaf Ajajamuu

Faaruu Ittiin Ol Bayanu

1Nami Mootii Waan Maraa sodaatu marti,

ka karaa isaa ideemu ka gammade.

2Waan harka keetiin eloottee

dhaggatte hin nyaatta;

ati hin gammadda; hin milkoottalle'e.

3Niitiin teeti mana keeti keessatti,

akka muka woyni'ii

ka midhaan buusuu hin teeti;

ijoolleen teeti adaala qorii teetiititti,

akka lattuu muka ejersaa hin teeti.

4Nami Mootii Waan Maraa sodaatu

akkana hin eebbifama.

5Mootiin Waan Maraa

gaara Xiyoonii irraa si eebbisuu ti;

bara jiruu teetii mara,

qananummaa Yerusaalemii dhaggi.

6Ijoollee ijoollee teetii dhaggi;

Nageenni Israa'eliif te'uu ti.