Kitaaba Faaru'uu 113

Waaqa Qarqaaraa Worra Hiyyeeyyi'ii

1Mootii Waan Maraa leellisa'a;

ee tajaajiltoota Mootii Waan Maraa,

Mootii Waan Maraa leellisa'a;

maqaa Mootii Waan Maraa leellisa'a.

2Ammaa jalqabee haga bara baraa,

maqaan Mootii Waan Maraa leellifamuu ti.

3Baya adu'uutii jalqabee haga seensa adu'uutitti,

maqaan Mootii Waan Maraa leellifamuu ti.

4Mootiin Waan Maraa

gosa biyya adda addaa mara irratti ol aanana'a;

ulfinni isaa ol-gubbaa caala.

5Ka akka Mootii Waan Maraa Waaqa keennaa,

Ka barcumaa mootummaa gubba'aa irra tee'u,

6ka ol-gubba'aa fi lafa gad ilaalu eennu?

7Inni hiyyeeyyii bukuu keessaa kaasa;

worra rakkataalle

tuulaa daadha'aa keessaa ol fuudha.

8Inni qondaaltota woliin,

qondaaltota kolbaa ifii woliin isaan teessisa.

9Maseentittiin haadha ijoolle'ee teetee,

gammadaan mana ifii keessa akka leetu hin godha;

Mootii Waan Maraa leellisa'a.