Kitaaba Iyoobii 25

Biildaad

1Achiin duuba Biildaad nami biyya Shu'aa deebisee,

2«Mootumma'aa fi sodaatamuun ta Waaqaa ti;

inni ol-gubbaa oliititti nageya hin buusa.

3Laakkowamuu dandeettii ree?

Ifi isaa eennu irratti ifuu dhaba ree?

4Nami attam Waaqa duratti

balchaa te'uu dande'a ree?

Nami nama te'ee dhalate

attam qulqulluu te'uu dande'a ree?

5Kunoo, ji'inuu isa duratti akka dansaa hin ifu;

urjootille isa duratti qulqullu'uu moti.

6Ilmi namaa ka akka raammo'oo fa'a,

attam attam caalaa diqqaata ree!» jedhe.