Titu

Bauwa ya Paolo kwa

Titu

Uwongoezi

Bauwa inu kwa Titu ni mwenga ya bauwa nne zekuandikwazo na Paolo, ambazo ziandikwa kwaajii ya mntu ikedu na khio zumwezumwe da wantu wamzumiao Klistu. Bauwa ntuhu ntatu ni hamwe na ida bauwa ya bosi ya Timoseo, bauwa ya kaidi ya Timoseo na bauwa ya Filemoni. Paolo nekawa akamuandikia Titu, viavia nee kaandika inga yadahika kusomwa hewazo kwa mgutio mkuu, tadaha kumanya inu kwaajii atamwiizia kuwa afaa kuwa mwagiiwa, mbui ambayo Titu nee kaimanya kae. Yadahikana Paolo nee kaandika bauwa inu kisingi cha gatigati ya myaka ya makumi mtandatu na ntatu adi myaka ya makumi mtandatu na shano bada ya kuvyaigwa Yesu Klistu.

Paolo amuagiiya Titu kugookea mazumwezumwe ya wantu wamzumiao Klistu yekuwayo mwe kisiwa cha Kilete. Paolo nee kaandika bauwa inu kwa nteganyi ya kumuagiiya Titu kuusu kusagua na kuwahinya wagookezi wa zumwezumwe da wantu wamzumiao Klistu. Paolo nee kaavya miagiiyo inga iyo mwe bauwa ekumwandikiayo Timoseo. Bauwa ya Paolo yatamwiiza ni viivihi wagookezi wa zumwezumwe da wantu wamzumiao Klistu wakundigwa kutunywa muno, mazumwezumwe ya wantu wamzumiao Klistu na wagookezi wa mazumwezumwe ya wantu wamzumiao Klistu wa ivyeo wakundigwa kukauwa kwa vitana mbui zose zikundigwazo mwe ugookezi.

Yeumondani

Paolo amuagiiya Titu asague wagookezi wamtegeezao Muungu 1:1-16.

Naho amuagiiya awahinye wantu kwekaisa wekazi wa kumkundisa Muungu 2:1 - 3:11

Kisikizi, Paolo abindiizia bauwa yakwe kwa kuandika mbui ya kwehiniza kuda 3:12-15.