Walumi

Bauwa ya Paolo kwa

Walumi

Uwongoezi wa Walumi

Kitabu cha Walumi yadahika nee kiandikwa na Muagiiwa wa Muungu Paolo kisingi cha myaka ya gatigati ya makumi mashano na nne na makumi mashano na nane bada Yesu kuvyaigwa. Paolo nee kawa khazati kuvuiiya mzi wa Lumi kwaiyo nee kaagiiya bauwa inu kuwekha miagiiyo wakundigwavyo kwekaisa Wantu wamzumiiao Klistu wekuwao ni Wayahudi na wesao kuwa Wayuhudi wekuwao wakekaa mwe mzi wa Lumi. Kaandika bauwa iyo uku yu mwe mzi wa Kolinto ekuwaho akekaa kisingi icho. Paolo kaandika ili si zose zidahe kumzumiiya na kumtegeeza Klistu 16:26.

Kitabu cha Walumi ni kitabu chedi kwa Wantu wamzumiiao Klistu kia hantu na kwa myaka yose, kwaajii ya Paolo awambavyo pwii na kwa wedi uohozi tidahao kuwa nao kwembokea Yesu Klistu. Paolo nee kaika hamwe Mbui Yedi ya Yesu Klistu na Diagane da kae. Wamanyi wangi wahigana mwe msitali mkuu he kitabu iki ni Lumi 1:16 ugombekao, “Kisingi chose nchekuona soni kubiikia Mbui Yedi, yenye ina udaho wa Muungu uwaohowao wose wazumiiyao, kuvokea Wayahudi na wesao kuwa Wayahudi.” Chando cha bosi cha Walumi 1-12 ni ha umanyi ambao watamwiia uwanga ya Muungu na hantu ha kaidi 13-15 ni maagiiyo mangi ya kugosoa kwa wekazi wa wantu wamzumiiyo Klistu.

Yeumo ndani

Paolo avoka bauwa yakwe ya kwa kwemanyisa na kugombeka amwandikia ndai 1:1-15.

Vituhu aandika kuusu wantu wekuwavyo na uohozi udahikao kwembokea Yesu Klistu 1:16 - 11:36.

Yekwembokayo ayo, Paolo alavya maagiiyo matuhu ya vihendo kwaajii ya wekazi wa wantu wamzumiiao Klistu 12:1 - 15:13

Abindiizia Walumi kwa kulavya uugusi muno kwa wantu wamzumiiao Klistu wa uko Lumi 16.