Wafilipi

Bauwa ya Paolo kwa

Wafilipi

Uwongoezi

Paolo nee kaandika bauwa inu kwa wazumiizi wekuwao mwe mzi wa Filipi, kaandika ekuwaho mwe kifungo mwe myaka ya makumi mtandatu na mwenga bada ya Klistu kuvyaigwa, mwe chando 1:13 na yadahika kisingi aandika bauwa inu nee kawa mwe mzi wa Lumi. Bauwa inu iyandikwa kwa zumwezumwe da wantu wamzumiiao Klistu dekuwado mwe mzi wa Filipi. Tadaha kwehinya mbui ncheche kuusu mzi wa Filipi kulawa mwe kitabu cha Ntendwa ya Waagiiwa. Filipi neuwa mzi mkuu wa si ya Makedonia, viyaviya nekuwa na zumwezumwe da bosi da wantu wekumzumiiyao Klistu dekuwado uko si ya makedonia, Paolo na sila nee wekuvokao zumwezumwe ido da wantu wamzumiiao Klistu, na ata wekuikwaho mwe kifungo kio kigima nee wauko mwe chando cha Ntendwa 16.

Yamamakhanywa paolo nekawa na kusudi kwa kuandika bauwa iyo. Katumia phasi iyo kuwatogoa wantu wamzumiyao Klistu kwa funge wekumwegaiyayo hada wekusikiaho kuwa kaikwa mwe kifungo, mwe chando cha 4:10-19. Viyaviya nee kawamanyisa kuusu ekuwavyo kekaa mwe kifungo na katumia bauwa iyo kuwamanyisa Timoseo na Epafulodito kwa zumwezumwe da wantu wamzumiyao Klistu, ili wawahokee na kuwatunya inga waongoezi wao mwe chando cha 2:19-30.

Yeumondani

Paolo avoka bauwa kwa kudiugusa zumwezumwe da wantu wamzumiiyao Klistu dekuwado mwe mzi wa Filipi, mwe chando 1:1-2.

Naho akawamba mbui zekuwazo mwe moyo wakwe na mbui ekuiyonayo yampisha, mwe chando cha 1:3 - 2:30

Naho awekha yamwe ya miyagiiyo kwa kwekaa kwa wantu wamzumiiao Klistu, mwe chando cha 3:1 - 4:9.

Paolo abindiiza kwa kuwaugusa na kuwatogoa zumwezumwe da wantu wamzumiiao Klistu wekuwao Filipi kwa funge wekumwegaiyao na awatumia uugusi, mwe chando cha 4:10-23.