Filemoni
Philemon
Introduction from this edition
Bauwa ya Paolo kwa
Filemoni
Uwongoezi
Bauwa inu njihi kwa Filemoni nee iandikwa na mwagiiwa Paolo 1:1, Paolo nekawa mwe kifungo ekuwaho aandika bauwa inu, ivyo yadahika bauwa inu iandikwa kisingi Paolo ekuwaho mzi mkuu wa Lumi. Inga Paolo nekawa mzi wa Lumi kisingi ekuandikaho bauwa inu aho iandikwa inga mwaka wa makumi mtandatu na mwenga bada ya kuvyaigwa Klistu viavia nee kisingi ambacho nee kaandika bauwa ya Wakolosai.
Nee kamuandikia bauwa inu kwa mntu mwetangwae Filemoni. Filemoni nekawa yumwe wa wantu wa zumwezumwe da wantu wamzumiiao Klistu na viavia nekawa na watumwa. Paolo nee amuandikia Filemoni kumwombeza asekumwekha sugusa Onesimo mwekuwa mtumwa yakwe ambae nee kanyiika kulawa kwa Filemoni kulawana na miko ya Kilumi, Filemoni nee kawa na haki ya kumkoma Onesimo. Paolo atumia ntamwiizi zenye kubibiiza ili kumgea moyo Filemoni amhokee Onesimo inga ndugu ekumzumiae Klistu na viavia amzumie kugosoa ndima hamwe na Paolo.
Yeumondani
Paolo amuugusa Filemoni 1:1-3.
Naho Paolo amuombeza Filemoni amhokee Onesimo inga ndugu amzumiae Klistu 1:4-21.
Paolo abindiiza kwa kuagiia uugusi na kumtamwiiza kuwa endaauye vituhu kumvuia 1:22-25.
Bondei New Testament. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.