Yuda

Bauwa ya

Yuda

Uwongoezi

Bauwa yetangwayo Yuda yekhigwa zina da mwandika wakwe. Yuda emanyisa kuwa yee ni nduguye Yakobo na Yesu. Ivyo yazumiiwa kuwa ni yumwe wa nduguze da Yesu mwe chando cha 1. Khatimanya kuwa bauwa inu ikauwiwa kwagiiwa mwe zumwezumwe dimwe da wantu wamzumiiyao Klistu, akini kwaviya kadoa mistali mingi kulawa mwe Diagane da kae yaoneka kuwa wantu wa bosi ekuwaandikiyao kwa sehemu khuu newawa Wayahudi, Ata ivyo amanyisa bauwa inu kwa, “Wantu wose wekwetangwao na wekukundiswao na Muungu Tate yetu na kuikwa vitana na Yesu Klistu.” Mwe chando cha 1. Yadahika bauwa iyo iandikwa mwe myaka ya makumi mtandatu bada ya kuvyaigwa Yesu Klistu.

Nia ya bauwa inu ni kuwaandikia wantu wose wamzumiiyao Klistu ili kuwahaza wasekutiiwa na wahinyi wa uhokho mwe chando cha 4. Aandika mbui zekulawiiyazo kulawa mwe Diagane da kae ili kuzekha udaho mbui zakwe aziandikazo. Mamakhanyi nyingi za bauwa inu zaigana na bauwa ya kaidi ya Petulo, ikawa ni hamwe na hazo mwe mbui ya wahinyi wa uhokho mwe chando cha 4, bauwa ya kaidi ya Petulo 2:1 mamakhanyi ayo ni hamwe na mbui ziusuzo wandima wa uwanga kwa Muungu na zekulawiiyazo mzi wa Sodoma na Gomola.

Yeumondani

Yuda avoka kuwamanyisa wasomaji wakwe mwe mstali wa 1-2.

Agombeka kwambwai kaandika bauwa inu ni kuwahaza wantu wasekuwategeeza wahinyi wa uhokho mwe mstali wa 3-4.

Naho awekha wantu misimo kulawa kwa wantu na ntendwa zekulawiiyazo mwe Diagane da Kae mwe mstali wa 5-16.

Naho awagombeka viya wakundigwavyo kugosoa kulawana na mahazo mwe mstali 17-23.

Kisiikizi abindiizia bauwa yakwe kwa kumtogoa Muungu mwe mstali 24-25.