Waebulania

Bauwa kwa

Waebulania

Uwongoezi

Kitabu cha Waebulania ni bauwa ya kugeya moyo. Ambayo ionyesha Yesu ekuiganyavyo baazi ya uwoni wa diagane da kae. Na iandikwa inga mabiikizi, mwe kitabu iki kuna nyongeza ya vipengee zaidi ya makumi mtandatu kulawa mwe diagane da kae vionyeshavyo pwii Yesu ekuaginizavyo ndima ya mviki mkuu wa Kiyahudi, kwaajii inu kitabu kikauwiwa kuwagea moyo Wantu wamzumiiao Klistu wekuwao ni Wayahudi.

Kitabu iki cha waebulania chaonyesha via Yesu ekuiganizavyo miko ili Waviki wasekuendeea kulavya vituhu ntambiko. Yesu nee kawa malavyo ya mavigaviga yose, ikagosoka maa mwenga kwa kisingi chose. Kitabu hiki cha waebulania chadaha kuwagea moyo wantu wa kisingi iki Wantu wamzumiiao Klistu mwe kisingi iki cha isasa nao wadaha kugewa moyo kwembokea bauwa inu ya Waebulania na kuendeea kumtongea Yesu Klistu. Inga yee nee atidahizae kumzumiia Muungu na viavia kuendeea kumzumiiya yee 12:2.

Khahana mntu amanyae mwekuandika kitabu iki cha Waebulania akini wanyanyi wangi, wagombeka kuwa yadahika mwekuandika ni muagiiwa Paolo hambu ni Luka hambu ni Balinaba nee mwekuandika kitabu iki. Talehe yekuandikwayo kitabu iki nayo khaimanyika, akini wantu wangi wazumiiya kiandikwa kabla mwaka wa makumi mfungate Yesu ekuvyaigwaho.

Mzi wa Yelusalemu ubanangwa myaka ya makumi mfungate bada Yesu ekuvyaigwaho, akini mwekuandika bauwa inu atamwiia kuusu mzi wa Yelusalemu inga via uke khauzati kubanangwa. Kitabu cha Waebulania kiandikwa mwe mzi wa lumi, 13:24 na yadahika iyambazwa mwe wa wantu wamzumiiayo Klistu.

Yeumondani

Mwekuandika kitabu iki aonyesha kuwa Yesu ni mkuu kusima waoni wa Muungu na wandima wa uwanga kwa Muungu chando cha 1:1 adi 4:13.

Naho aonyesha kuwa Yesu ni mkuu kusima waviki wagosoao ndima mwe nyumba ya Muungu uko Yelusalemu 4:14 - 7:28.

Viavia ndima ya Yesu kuu kusima Miagiiyo ya kae ambado Muungu nee kadigosoa na wantu wakwe kwa sia ya miko ekumwekayo Msa 8:1 - 10:31.

Ekubindaho kuandika kuwa Yesu ni mkuu kwa mbui zose, mwekuandika aavya miagiiyo ya namna ya kugosoa, 10:32 - 13:17.

Mwandishi wa bauwa inu abindiizia kwa kuwagea moyo na kuwaugusa 13:18 - 25.