Wagalatiya

Bauwa kwa

Wagalatiya

Uwongoezi

Kitabu cha Wagalatiya nee kiandikwa na muagiiwa Paolo mwe chando cha 1:1. Bauwa inu kaandika Paolo kwaajii ya mazumwezumwe ya wantu yamzumiayo Klistu yekuwayo mwe si ya Galatiya kisingi kimwe mwe mwaka wa 48-57 bada ya kuvyaigwa Klistu. Yadahika Wagalatiya nee ni wantu wekaao mwe si ya Galatiya yekuwayo mwe uwongoezi wa Kilumi. Wamanyi wangi khawamanya vitana Paolo nee kawa hahi kisingi ekuandikaho bauwa iyo, yadahika nee kawa mwe mzi wa Efeso hambu Kolinto.

Paolo kaandika bauwa inu kwa kuwakauwia wose wamzumiiao Klistu wekuwao Wayahudi na wesao kuwa Wayahudi, mwe mazumwezumwe ya wantu wamzumiayo Klistu ya mzi wa Galatia. Paolo kaandika bauwa inu kwaajii ya kuyaemea mahinyo ya uhokho ambayo nee yakawakunda wamzumiiyao Klistu watongee miagiiyo ya Kiyahudi zilawazo mwe Diagane da kae, asa kugwiswa. Nekuwa na zumwezumwe da wantu mwe zumwezumwe da wantu wamzumiiao Klistu wekwetangwao wantu wa Yudaiza ambao nee wakakunda wamzumiiyao Klistu wesao kuwa Wayahudi wagwiswe. Naho nee wawa na maatu kuusu udaho wa kiagiiwa ya Paolo. Paolo nee kevunia uagiiwa wakwe kwa kugombeka mbui zakwe, chando cha 1:11 - 2:14 na akevunia Mbui Yedi kwa kutamwiiza kuwa uohozi wapatikana kwa kumzumiia Yesu Klistu ikedu, chando cha 2:16. Uohozi unu waetwa du na wedi ambao Muungu kaonyesha kwa wantu na khio kwa ntendwa za wantu.

Yeumondani

Paolo avoka bauwa yakwe kwa kuwaugusa mazumwezumwe ya wantu wamzumiiyao Klistu yekuwayo mzi wa Galatia, mwe chando cha 1:1-5.

Paolo evunia udaho wakwe wa kuhinya na uku akionyesha kuwa nee kageeza kwekaa kwa kutongea miagiiyo, akini kavotwa, mwe chando cha 1:6 - 2:21.

Naho agombeka kuusu ndima ya miagiiyo na wedi mwe uohozi, mwe chando cha 3 na 4,.

Paolo alavya miagiiyo ya kwekaa vitana kwa wantu wamzumiiao Klistu, mwe chando cha 5:1 - 6:10.

Paolo abindiiza bauwa inu kwa uugusi na kuwakumbusha wantu kuwa kuhitulwa na Muungu na kugosolwa kuwa mntu mhya ni mbui ntana muno kusima miagiiyo ya chongoi inga viya kugwiswa, mwe chando cha 6:11-18.