Wakolosai

Bauwa ya Paulo kwa

Wakolosai

Uwongoeezi

Bauwa kwa Wakolosai iyandikwa na muagiiwa Paolo mwe chando cha 1:1. Kaandika bauwa inu ekuwaho mwe kifungo, yadahika nee yuu mwe mzi wa Lumi, yadahika kaandika mwe myaka 60 bada ya kuvyaigwa Klistu. Bauwa izi ntatu, ambazo ni bauwa kwa Wakolosai hamwe na bauwa kwa Waefeso na bauwa kwa Filemoni, zetangwa bauwa za mwe kifungo, kwaajii Paolo nee kaziandika ekuwaho mwe kifungo. Kaandika bauwa izi kwa zumwezumwe da wantu wamzumiiao Klistu mwe mzi wa Kolosai. Paolo khekuvoka zumwezumwe da wantu wamzumiiao Klistu la Kolosai, inga ekugombekavyo mwe chando cha 2:1, akini nee keona akundigwa kudikauwa zumwezumwe ido. Yadahika kwa Epafula nee ekuvokae zumwezumwe da wantu wamzumiiao Klistu kwaviya yee ni mwenyezi wa mzi wa Kolosai.

Paolo nee kahondomazwa na mahinyo ya uhokho mwe zumwezumwe da wantu wamzumiiao Klistu da uko Kolosai. Hantu hakuu ya bauwa iyo kaandika kuusu mahinyo ayo. Yadahika nee kuwa na zumwezumwe da Wayahudi wamzumiiao Klistu, ambao nee wageeza kuwashuutiza wamzumiiao Klistu watuhu kutongea miagiiyo ya Kiyahudi kulawa Diagane da kae, asa mbui ya kugwisa. Paolo anaandika kwamba mntu yoyose amzumiiyae Klistu khakunda kintu kituhu chochose hambu khakunda mntu mtuhu iya amkunda Klistu ili adahe kuzumiiwa ni Muungu mwe chando cha 1:15-20 na mahinyo yalawanayo na mamaakhanyi za kiuntu khayafaa mwe chando cha 2:8.

Yeumondani

Paolo avoka bauwa kwa kuwaugusa wantu wamzumiiyao Klistu wekuwao uko mwe mzi wa Kolosai, mwe chando cha 1:1-2.

Naho aandika kuusu ukuu wa Klistu asa mwe kutambaisa mahinyo ya uhokho uko mwe mzi wa Kolosai, mwe chando cha 1:3, 4-4.

Inga yekuwavyo mwe bauwa zakwe nyingi za Paolo, Paolo aandika hantu hakaidi ya ha bauwa kwa kulavya ntamwiizi yanayoonyesha viya wakundigwavyo kwekaa wantu wamzumiiao Klistu, mwe chando cha 3:5 - 4:6.

Paolo abindiizia kwa uugusi na miagiiyo kuwa bauwa inu isomwe kwa mgutio kwa wazumiia wose yekuwayo mwe mazumwezumwe matuhu yamzumiiyao Klistu, mwe chando cha 4:7-18.