3 Yohana
3 John
Introduction from this edition
Bauwa ya ntatu ya
Yohana
Uwongoezi
Bauwa ya ntatu ya Yohana nee iyandikwa na muagiiwa Yohana he myaka ya makumi kenda bada ya kuvyaigwa Klistu, Yohana kheonyesha kuwa yee nee mwekuandika, akini etanga mdaa muongoezi, mwe chando cha 1:1. Agosoa viyaviya inga ekugombekavyo mwe 2 Yohana 1:1. Yazumiiwa kuwa Yohana nee kaandika Mbui Yedi kuigana na Yohana na bauwa ntatu, bauwa ya bosi ya Yohana na bauwa ya kaidi ya Yohana na bauwa ya ntatu ya Yohana ekuwaho akekaa mwe mzi wa Efeso.
Yohana nee kaandika bauwa inu kwa Gayo ekuwaye amzumiiya Klistu. Kamtamwiiza Gayo inga mmbuya yakwe na kumwamba ahokee vitana ndugu wekumzumiiyao Klistu wekuwao watamba hantu hao.
Yeumondani
Yohana aimanyisa bauwa yakwe mwe chando cha 1:1.
Naho amgea moyo Gayo na kumwamba ahokee vitana ndugu wekumzumiiyao Klistu mwe chando cha 1:2-8.
Viyaviya agombeka mbui za wantu waidi, Diotilefe na Demetilio mwe chando cha 1:9-12.
Kisiikizi Yohana abindiiza bauwa yakwe mwe chando cha 1:13-14.
Bondei New Testament. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.