2 Timoseo

Bauwa ya kaidi ya Paolo kwa

Timoseo

Uwongoezi

Bauwa inu ya kaidi kwa Timoseo ni nee iandikwa na mwagiiwa Paolo kuita kwa mhina wakwe Timoseo, bauwa ya kaidi kwa Timoseo nee iandikwa kisingi ambacho Paolo nee yu hehi na kuuya na nyuma, kisingi icho Paolo nee kagewa mwe kifungo mwe mzi mkuu wa Lumi 2 Timoseo 1:16, Paolo nekawa na umbuya wa hehi muno na Timoseo na akamdoa inga mwanawe Wafilipi 2:22, 1 Timoseo 1:2, 1:18.

Bauwa inu ya Paolo ni mwenga ya bauwa nne ekuwaandikiazo mntu ikedu na khio zumwezumwe da wantu wamzumiao Klistu, bauwa ntuhu ntatu ni Timoseo wa bosi, Titu na Filemoni, kisingi bauwa ya kaidi ya Timoseo yaandikwa waklistu wekuwao asi ya ugookezi wa Lumi newawa wakasuumizwa kuawana na uzumizi wao, yadahika iyo nee sababu ya kugewa mwe kifungo kwa Paolo na akamuagiiya Timoseo kuzizimiza yatogayo. Inga yekuwavyo mwe bauwa ya bosi ya Timoseo, Paolo nee kamhaza Timoseo kuusu wahinyi wa uhokho 1 Timoseo 1:16-18, viavia Paolo amwamba Timoseo kuwa kwendakuwe na visingi vitogavyo hemeso yakwe 3:1.

Yeumondani

Paolo avoka kwa kumuugusa Timoseo 1:1-2 na kisikizi amgea moyo 1:3-18.

Naho amgea moyo Timoseo azizimize suuba 2:1-13.

Paolo amwekha Timoseo miagiiyo matuhu 2:14-26.

Naho amhaza Timoseo kuusu mbui zendazozilawiie na ni viivihi endavyoayagosoee ndima 3:1 - 4:8.

Paolo abindiiza kwa kwetamwiiza yee mwenye kwa Timoseo 4:9-24.