2 Wasesalonike
2 Thessalonians
Introduction from this edition
Bauwa ya kaidi ya Paolo kwa
Wasesalonike
Uwongoezi
Bauwa ya kaidi kwa Wasesalonike nee iandikwa na mwaagiiwa Paolo chando cha 1:1. Paolo nee kaandika bauwa inu kwa kisingi kijihi yekwembokaho ida ya bosi, kwe myaka ya makumi mashano na mwenga bada ya kuvyaigwa kwa Klistu. Paolo nekawa yuaho mwe mzi wa Kolinto ekuandikaho bauwa inu kwa zumwezumwe da wantu wa Muungu wamzumiiao Klistu da Sesalonike, zumwezumwe da wantu wa Muungu wamzumiiao Klistu nediwa divoka mwe ntambo yakwe ya kaidi ya kubiikia Mbui Yedi Ntendwa 17:1-10. Yamba mwe kitabu cha Ntendwa ya Wagiiwa, zumwezumwe da wantu wa Muungu wamzumiia Klistu nediwa na wamwe wa Wayahudi na Wayunani wangi.
Zumwezumwe da wantu wa Muungu wamzumiiao Klistu nee depisha na mahinyo ya kisiikizi ya kuuya kwa Yesu, kwaajii Paolo nee kaandika mangi kuusu yee. Bauwa zakwe zose mbii kwa Wasesalonike ni kuusu visingi vya kisiikizi. Viavia Paolo nee kaandika mahazo kuusu ubwa na kuwa kiya mntu akundigwa agosoe ndima kwaajii ya kwepatia khande yakwe 3:6-10.
Yeumondani
Paolo avoka bauwa inu kwa kwemanyisa yee mwenye hamwe na wambuya wakwe 1:1-2
Naho Paolo amtogoa Muungu kwaajii ya zumwezumwe da wantu wa Muungu wamzumiiao Klistu da Wasesalonike na kuwavika 1:3-12
Mwe chando cha kaidi, Paolo atamwiia kuusu visingi vya kisiikizi
Naho awahaza kuusu ubwa na mbui ya kugosoa ndima 3:1-15
Paolo abindiiza bauwa yakwe kwa kudiugusa vituhu zumwezumwe da wantu wa Muungu wamzumiiao Klistu 3:16-18
Bondei New Testament. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.