2 Petulo

Bauwa ya kaidi ya

Petulo

Uwongoeezi

Bauwa ya kaidi ya Petulo yatamwiiza kuwa nee iandikwa na mwaagiwa Petulo etiho wasomi wangi wa misi izi khawazumiiya kuwa mbui iyo ni ya kwei, yadahika kuwa bauwa iyo nee iandikwa na mntu mtuhu kwa niaba ya Petulo. Mwandika agombeka kuwa nee koona kwa meso wekaisi wa Yesu na asa kisingi cha kuhituka cheni 1:17-18, inga Petulo nee mwekuandika bauwa inu, yadahika nee kaandika akiwa uko mzi wa Lumi kisiikizi cha miyaka ya makumi mtandatu bada ya kuvyaigwa Klistu kabla ya kuuya na nyuma kwa Petulo. Viavia Petulo nee etanga bauwa iyo kuwa ni bauwa yakwe ya kaidi 3:1, ambayo nee kaandika bada ya ida ya bosi. Petulo nee kaandika bauwa iyo kwa wantu wose wekumzumiao Klistu.

Petulo nee kaandika bauwa inu ili kuwagea moyo wazumizi kwekaisa wekaisi wedi na kuwahaza wasekuwatongea wahinyi wa uhokho 2 Petulo 2. Awagea moyo kuwabea wantu wagombekao kuwa Yesu acheewa kuuya bada yakwe nee awatamwiiza kuwa Muungu khacheewa iya akunda kia yumwe ahituke na kubada mavigaviga 3:8-9, iyo nee itendayo kwekaa wekaisi wa kumkundisa Muungu 3:14.

Yeumondani

Petulo emanyisa mwenye na kuwamanyisa wasomaji wakwe 1:1-2

Viavia awakumbusa kwekaisa wekaisi uda akundao Muungu kwaajii Muungu atidahiza kwekaisa ivyo 1:3-21.

Petulo awahaza kuwatongea wahinyi wa uhokho na kuwatamwiiza chendachokiwambwiiye wahinyi wa uhokho mwe misi za kisikizi 2:1-22.

Naho abindiiza bauwa yakwe kwakuwagea moyo wazumizi na kwekaa tayali kwaajii ya kuuya kwa Yesu 3:1-17.