2 Yohana

Bauwa ya kaidi ya

Yohana

Uwongoezi

Bauwa ya kaidi ya Yohana nee iyandikwa na mwagiiwa Yohana gatigati ya myaka ya makumi kenda bada kuvyaigwa Klistu. Yohana khekwemanyisa kuwa yee nee mwekuandika bauwa inu, kwesaho kuwa kemanyisa inga mdaa muongoezi. Mahinyo ya bauwa ya kaidi kwa Yohana yaigana kwa uhehi na yekuwamo mwe Mbui Yedi inga yekuandikwavyo na Yohana. Idi yaoneka asa hada kusisitiza miagiiyo ya Yesu ya kukundisana na viya aiganyavyo kumkundisa Yesu na kutongea miagiiyo yakwe mwe chando cha 1:5, 6, Yohana 15:9,10. Yazumiiwa kuwa Yohana nee mwekuandika Mbui Yedi ya Yohana inga yekuandikwavyo na yee na ziya bauwa zakwe ntatu, yaani, bauwa ya bosi ya Yohana, bauwa ya kaidi ya Yohana, na bauwa ya ntatu ya Yohana kisingi ekuwaho akekaa mwe mzi wa Efeso.

Yohana kaandika bauwa inu kwa mmaa mwekusagulwa na Muungu hamwe na wanawe, ambado ni zumwezumwe da wantu wamzumiiyao Klistu. Naho akamba bauwa iyo ni kwaajii ya wantu wose wamzumiiyao Klistu. Nia ya Yohana ya kuandika bauwa inu neiwa kudigea moyo zumwezumwe da wantu wamzumiiyao Klistu na akawahaza wekae ahe na wahinyi wa uhokho.

Yeumondani

Yohana avoka kwa kuitamwiiza bauwa inu iyandikwa kwa wakina ndai na awaugusa wasomaji wakwe, mwe chando cha 1:1-3.

Naho awagea moyo wantu wamzumiiyao Klistu na kuwakumbusha kuusu mwiko mkuu, mwe chando cha 1:4-6.

Vituhu awahaza wekauwe kuusu wahinyi wa uhokho, mwe chando cha 1:7-11.

Yohana abindiiza bauwa yakwe na kuwaaga wasomaji wakwe, mwe chando cha 1:12-13.