2 Wakolinto

Bauwa ya kaidi ya Paolo kwa

Wakolinto

Uwongoezi

Bauwa ya kaidi ya Wakolinto nee iandikwa na mwagiiwa Paolo gatigati ya myaka ya 55 na 56 bada ya ufe wa Klistu, chando cha 1:1. Inu ni bauwa ya kaidi gati ya bauwa mbii tekuwazo nazo ambazo Paolo nee kadiandikia zumwezumwe da wantu wamzumiao Klistu da Kolinto. Wamanyi wazumia kuwa aho bosi Paolo nekawa kaandika bauwa yenye ntamwiizi khai kwa wantu wa Kolinto. Khatina nakala yoyose ya bauwa inu ambayo yatamwiiza mwe chando 2:3-4. Bauwa inu ya kaidi ya Wakolinto nee iandikwa kisingi Paolo ekuwaho mwe mzi wa Makedonia mwe chando 2:13.

Bauwa inu ya kaidi ya Wakolinto ni ya ikedu kwaviya ni bauwa ionyeshayo uikedu na kubibiiza, Paolo aonyesha kinyemi chakwe mwe mbui ntana ekuhokeazo kulawa kwa Titu kuusu zumwezumwe da wantu wamzumiao Klistu da Kolinto. Mwe bauwa inu tipata mahinyo matana mwe mbui ya kulavya inga yekutamwiizavyo mwe Agane Dihya, mwe hantu ambayo Paolo nee kaagiiya kusanga hea na kudoigwa ili kuwaambiza wazumizi mwe mzi wa Yelusalemu 8-9 Yaoneka kuwa wamwe wa waagiiwa wahinyao uhokho kulawa chongoi ya zumwezumwe da wantu wamzumiao Klistu, newawa watumia umasa wa wamwe wa wantu mwe wantu wa Muungu kuhigana na Paolo. Wantu awo, newawa na maatu na udaho wa Paolo, icho nee chekumtendacho Paulo evunie kwa nguvu ya udaho ekuwao nao, inga mwagiiwa wa Yesu Klistu, aya yaoneka kisiikizi cha bauwa ya kaidi ya Wakolinto.

Yeumondani

Paolo avoka bauwa yakwe kwa kuwaugusa zumwezumwe da wantu wamzumiiao Klistu da uko Kolinto mwe chando cha 1:1-7.

Paolo agombeka mwe mbui yakwe mwe ntegaji ya ntambo na mbui ekuhokeayo kulawa kwao na viya wowo wekuigosoavyo ndima bauwa yakwe ya bosi mwe chando cha 1:8 - 7:16.

Paolo alavya miagiiyo mwe mbui ya kusanga hea kwaajii ya wazumizi wa Klistu wekuwao uko Yelusalemu mwe chando cha 8:1 - 9:15.

Abindiiza kwa kulavya ntamwiizi kwaajii ya uwagiiwa wakwe na kulavya mahazo mwe mbui ya ntambo yakwe itongeayo mwe chando cha 10:1 - 13:10.