1 Timoseo

Bauwa ya bosi ya Paolo kwa

Timoseo

Uwongoeezi

Kitabu cha bosi cha Timoseo ni bauwa yekuandikwayo kulawa kwa muagiiwa Paolo kwa mhina wakwe Timoseo. Bauwa inu yamamakhanywa nee iandikwa gati ya myaka 62 adi 64 Bada ya kuvyaigwa Klistu. Inu nee iwa hehi na kuuya na nyuma kwakwe Paolo. Paolo nekawa na umbuya na Timoseo na maa nyingi kamwetanga inga mwanawe Filipi 2:22; 1 Timoseo 1:2, 1:18.

Inu ni mwenga ya bauwa nne kulawa kwa Paolo ambazo kaandikiwa mntu na wala khio da zumwezumwe da wantu wa Muungu wamzumiiao Klistu. Bauwa ntuhu ntatu ni Timoseo wa kaidi na Titu na Filemoni. 1 Timoseo ina mahinyo mangi kuusu kuvika mwe zumwezumwe da wantu wa Muungu wekumzumiiyao Klistu 2:1-15 ntogoo za wagookezi wa zumwezumwe da wantu wa Muungu wekumzumiiyao Klistu 3:1-13 na mahazo kuusu wahinyi wa uhokho 1:3-11, 4:1-5, 6:2-5. Inu yeonyesha ni viivihi Paolo nee kawa akamhinya Timoseo kuwa mgookezi gatigati ya mazumwezumwe ya wantu wa Muungu wamzumiiao Klistu. Timoseo wa bosi ina miko mingi ambayo yadaha kuambiiza wagookezi wa zumwezumwe da wantu wa Muungu wamzumiiao Klistu mwe misi zetu kugookea ndima ya zumwezumwe da wantu wa Muungu wamzumiiao Klistu da hantu.

Yeumondani

Paolo avoka kwa kumuugusa Timoseo 1:1-2.

Naho amhaza Timoseo kuusu wahinyi wa uhokho 1:3-11.

Paolo aendeea kusosoa ni viivihi amtogoavyo Yesu Klistu 1:12-19.

Paolo amuagiiya Timoseo kuusu kumvikia Muungu na kuusu wagookezi wa zumwezumwe da wantu wa Muungu wamzumiiao Klistu 2 - 3.

Paolo abindiiza bauwa yakwe kwa kumwekha Timoseo miagiiyo ya kisikiizi 4-6.