1 Wasesalonike

Bauwa ya bosi ya Paolo kwa

Wasesalonike

Uwongoezi

Bauwa ya bosi ya Paolo kwa Wasesalonike nee iandikwa na mwaagiiwa Paolo, Wasesalonike 1:1, yadahika neiwa bauwa ya bosi yekuandikwayo na Paolo ambayo nee iikwa mwe Bibilia na nee iandikwa inga myaka ya makumi mashano na mwenga bada ya kuvyaigwa kwa Klistu. Kisingi Paolo awaandikia wazumizi wa Wasesalonike bauwa inu, nekawa yu mwe mzi wa Kolinto, zumwezumwe da wantu wamzumiao Klistu da Wasesalonike nee divoka kisingi cha ntambo ya kaidi ya Paolo ya kubiikia Mbui Yedi, Ntendwa 17:1-10 inga yekuandikwavyo mwe kitabu cha Ntendwa ya Waagiiwa zumwezumwe ido, nediwa na wamwe wa Wayahudi na Wayunani wangi.

Bada ya kuvoka zumwezumwe ido Paolo khekudaha kwekaa kisingi kilehacho uko Sesalonike, ivyo nee kaandika bauwa inu kuwagea moyo, wazumizi wekuwao uko, bauwa inu yahinya mbui nyingi na viavia yahinya miagiiyo yose kuusu ni viivihi waklistu takundigwa kwekaa, viyaviya Paolo agombeka muno mbui ya kuuya kwa Klistu maa ya kaidi. Yadahika kuwa waklistu wa uko Sesalonike nee wahokea mbui izo. Kwembokea mbui za kweza kwa Klistu maa ya kaidi, Paolo atumia mahinyo ya kuuya kwa Yesu kuwabibiiza zumwezumwe da wantu wamzumiiyao Klistu kwekaa wekazi ukundigwao ni Muungu.

Yeumondani

Paolo avoka kuandika bauwa inu kwa kuwaugusa wazumizi na kumtogoa Muungu kwaajii yao 1.

Naho Paolo atamwiiza mbui ekugosoazo mwe zumwezumwe ido na mbui ekugombekwazo na Timoseo 2-3.

Paolo alavya miagiiyo ni viivihi waklistu wakundigwa kwekaa adi endahoauye Yesu 4:1 - 5:15.

Paolo abindiiza bauwa yakwe kwa kudiugusa vituhu zumwezumwe da wantu wamzumiao Klistu na kuagiiya kiya yumwe yao akundigwa asome bauwa iyo 5:16-28.