1 Wakolinto

Bauwa ya bosi ya Paolo kwa

Wakolinto

Uwongoezi

Bauwa ya bosi kwa Wakolinto iandikwa na mwagiiwa Paolo mwe mwaka wa makumi mashano na shano bada ya ufe wa Klistu chando cha 1:1. Bauwa inu ni ya bosi gati ya bauwa mbii tekuwazo nazo ambazo Paolo nee kawaandikia zumwezumwe da wantu wamzumiao Klistu wa uko Kolinto. Yadahika kaandika bauwa inu ekuwaho Efeso kisingi khazati kumamakhanya kuita Kolinto akembokea Makedonia chando cha 16:5-9.

Bauwa inu yalavya matambaiso ya mbui ekuhokeayo Paolo kulawa kwa wamwe wa wantu kulawa mwe zumwezumwe da wamzumiiao Klistu, uwanga wa mbui za ufyaimi zesazokukundigwa mwe zumwezumwe da wantu wekumzumiao Klistu ikawaaho kwepanga hamwe na ukianga. Mzi wa Kolinto nee umanyika muno kwa mbui zakwe za ukianga, ivyo khio mbui ya kuhondomaza kuona kuwa mbui izo zalawiiya mwe zumwezumwe da wekumzumiao Klistu da uko kolinto. Mwe kitabu iki kuna chando cha 13 chamanyika muno kwa kutamwiizia ukundiso.

Yeumondani

Paolo awaugusa wantu wa Kolinto naho amtogoa Muungu kwaajii yao mwe chando cha 1:1-9.

Naho atamwiiza mbui ekuhokeazo za kwepanga mwe zumwezumwe da wantu wekumzumiao Klistu wa Kolinto mwe chando cha 1:10 - 4:21.

Viyaviya agombeka mbui za ukianga na mbui za kwegaana he mkonga mwe chando cha 5-6

Yekwembokayo ayo, Paolo alavya maagiiyo mwe mbui za kuteguana na ntambiko kwa vizuu na mbui za mviko na funge za kimuye na uyuyuko mwe chando cha 7-15

Abindiiza kwa kuwagiiya mbui zikundigwazo kugosoka akini na mbui akundigwazo kugosoa mntu mwenye, mwe chando cha 16.