ଲୁକ
Luke
Introduction from this edition
ଲୁକ ଲିଖିତ ଯୀଶୁ ଖ୍ରୀଷ୍ଟଙ୍କ ସୁସମାଚାର୍
ଲୁକ ଲେକ୍ଲା ଜିସୁର୍ ନିକ କବୁର୍
ଲୁକ ପୁସ୍ତକ୍ ବିସୟେ ହଃଦେକ୍
ଲୁକ ଲେକ୍ଲା ନିକ କବୁର୍ ଅଃଉଁଲି, ଜିସୁ ମାପ୍ରୁର୍ ଜିବନାର୍ କଃତା ଲେକା ଅୟ୍ଲାର୍ ନଃଉଆଁ ନିୟମାର୍ ଚାରିଗଟ୍ ପୁସ୍ତକ୍ମଃନାର୍ ବିତ୍ରେ ଇରି ହେଁ ଗଟେକ୍ । ସେମଃନାର୍ ବିତ୍ରେ ସଃବୁ ହେଁ “ନିକ କବୁର୍” କଃଉଆ ଅଃଉଁଲି । ଜାର୍ ଅଃର୍ତ୍ “ସୁନ୍ଦୁର୍ କବୁର୍ ।” ସେରିମଃନ୍ ଜିସୁର୍ ମଃଲା ହଃଚେ ମାତିଉ, ମାର୍କ, ଲୁକ ଆର୍ ଜହନ୍, ଇ ଚାରି ଲକ୍ ଲେକି ଆଚ୍ତି । ଲୁକ ଜିସୁର୍ ଜିବନ୍ ଗଃଟ୍ଣା ଲେକ୍ଲା ସଃଙ୍ଗ୍, ଜିସୁର୍ ମଃର୍ନ୍ ଆର୍ ମଃରି ଉଟ୍ଲା ହଃଚେ, ତାର୍ ଚେଲାମଃନ୍ ଜୁୟ୍ କଃତାମଃନ୍ କଃଲାୟ୍, ସେରିମଃନ୍ ହେଁ ଲେକି ଆଚେ । ସେ ପୁସ୍ତକ୍କେ ପେରିତ୍ମଃନାର୍ କାମାର୍ କଃତାମଃନ୍ ବଃଲି କଃଉଆ ଅୟ୍ଦ୍ । ଲୁକ ପୁସ୍ତକ୍ କଃବେ ଆର୍ କୁୟ୍ତି ଲେକା ଅୟ୍ଆଚେ ସେ କଃତାକ୍ ଟିକ୍ କଃରି କେହେଁ ନଃଜାଣ୍ତି, ମଃତର୍ କଃତିଗଟ୍ ହଃଣ୍ଡିତ୍ମଃନ୍ ରାଜି ଅଃଉଁଲାୟ୍ ଜେ, ଇରି ଆନ୍ମାନେ ଜିସୁ କ୍ରିସ୍ଟର୍ ଜଃଲମାର୍ ତିନିକଳି ଦଃସ୍ ବଃର୍ସ୍ ହଃଚେ ଲେକା ଅୟ୍ଆଚେ ।
ଇ ପୁସ୍ତକ୍ ଲେକୁ ମାନାୟ୍ ଅଃଉଁଲା ଲୁକ, ଜେ କି ଗଟେକ୍ ବୟ୍ଦ୍କାରି ରିଲା । ତାର୍ ଲେକାର୍ ରଃକମ୍ ଆର୍ ତାର୍ ବାସାର୍ ବେବାରେ ଜାଣା ହଃଳୁଲି ଜେ, ସେ ଗଟ୍ ସିକିତ୍ ମାନାୟ୍ ରିଲା । ଜିସୁର୍ ଜିବନେ ଗଃଟ୍ଣାମଃନ୍ ଗଃଟିରିଲା ହଃର୍କାରେ ଗଟେକ୍ ଗଟେକ୍ ହଃଚେ, ଲେକିକଃରି ଟିକ୍ବାବେ ମଃନେହାଚି କଃରି ଲେକିଆଚେ, ଜଃନ୍କଃରି ବିନ୍ ଲକ୍ମଃନ୍ ସେରି ହଳିକଃରି ଉହ୍କାର୍ ହାଉତି
ଲୁକ ଲେକ୍ଲା ନିକ କବୁର୍, ମାତିଉ ଆର୍ ମାର୍କ ପୁସ୍ତକ୍ ସଃଙ୍ଗ୍ ଅଃନାୟ୍ ଲଃଗାଲଃଗି ସଃମାନ୍ ଆଚେ, ବଃଲେକ୍ ସେମଃନ୍ ସଃମାନ୍ କଃତା ଆର୍ ସଃମାନ୍ ବାବେ ଲେକି ଆଚ୍ତି । ତିନିଗଟ୍ ପୁସ୍ତକ୍ ବିତ୍ରେ ଲୁକ ବାପ୍ତିସମ୍ ଦେତା ଜହନାର୍ ଜଃଲମ୍ କଃତା ନିକ କଃରି ଲେକି ଜାଣାୟ୍ ଆଚେ । ଆରେକ୍ ଲୁକ ପାର୍ତ୍ନା କଃତା ବଃଡେ ଦିଆନ୍ ଦଃୟ୍ ଆଚେ
ଇ ପୁସ୍ତକ୍ ବିତ୍ରେ ରିଲା ମୁଳ୍ ବିସୟ୍ମଃନ୍
୧. ଲୁକ ନିକ କବୁର୍ ଲଃଗେ ଜାଣ୍ତା କଃତା ଆର୍ କାୟ୍ତାକ୍ ଲେକା ଅୟ୍ଆଚେ ସେରି ।
୨. ଜିସୁର୍ ଜଃଲମ୍ ଆର୍ ସେ କଃନ୍କଃରି ସେବା କାମ୍ କଃରୁକେ ତିଆର୍ ଅୟ୍ଲା ।
୩. ଜିସୁର୍ କାମ୍ ସଃବୁ, ମୁଳ୍କଃରି ସେ କଃରି ରିଲା କାବା ଅଃଉତା କାମ୍ ଆର୍ ତାର୍ ସିକ୍ୟା ଦିଲାର୍ କୟ୍ଆଚେ ଇରି ଅଃଉଁଲି ନିକ କବୁରାର୍ ସଃବ୍କେ ବଃଡ୍ ।
୪. ସଃରାସଃରି, ହଃଚାର୍ ତିନିଗଟ୍ ଅଃଦ୍ୟାୟ୍ ଲଃଗେ, ଜିସୁ କଃନ୍କଃରି ମଃଲା, ତହା ଅୟ୍ଲା ଆର୍ ମଃଲା ଲକାର୍ ତଃୟ୍ହୁଣି ଉଟ୍ଲା ।
ସଃର୍ଗାର୍ ବାଟ୍ ନଃଉଁଆ ନିଅମ୍. Copyright © 2020 The Word for the World International. Licensed under CC BY 4.0. Source: eBible.org. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY 4.0 · SourceEdition imported 2026-10-25.