OL SAM 146

Sing blong presem Hae God we hem i stap sevem yumi

(Tok i go long ol man.)

1Olgeta.

!Yumi mas presem Hae God!

!Mi mi mas presem hem!

2Oltaem long laef blong mi,

bambae mi stap presem hem.

Hem i God blong mi,

mo bambae mi stap sing blong presem hem.

3Yufala i no mas trastem

ol lida blong wol ya.

Olgeta oli no save sevem yufala.

4Taem oli ded,

oli stap gobak long graon nomo,

nao ol plan blong olgeta

oli no save kamtru. 5-61

Hae God i God blong Jekob.*

Hem i mekem skae, mo graon, mo solwota,

wetem olgeta samting we i stap long trifala,

mo man we i putum tingting blong hem i stap long hem,

hem bambae i harem gud.

Oltaem Hae God i stap holem ol promes blong hem,

7oltaem hem i stap givhan long olgeta

we ol narafala man

oli stap mekem i no stret long olgeta,

oli stap spolem olgeta,

mo oltaem hem i stap givim kakae

long olgeta we oli hanggri.

Hem i stap mekem

ol man we oli stap long kalabus oli go fri,

8mo i stap openem ae blong ol blaenman.

Oltaem hem i stap leftemap olgeta

we oli foldaon.

Ol man we fasin blong olgeta i stret,

hem i stap lavem olgeta.

9Hem i stap lukaot gud long ol strenja

we oli stap long ples blong yumi,

mo i stap givhan long ol wido,

mo ol pikinini we papa blong olgeta i ded,

be ol man nogud,

hem i stap spolem ol plan blong olgeta.

10Hae God,

hem bambae i King oltaem,

gogo i no save finis.

Yumi ol laen* blong Isrel,*

God ya blong yumi bambae i rul oltaem nomo,

gogo i no save finis.2

!Oltaem yumi mas presem Hae God!