Open Bislama Bible Revised
OL SAM 136
Sing blong talem tangkiu long Hae God
(Tok i stap go long ol man, mo ol man oli stap ansa, oli talem se, “Oltaem bambae hem i lavem yumi, gogo i no save finis.”)
Olgeta.
Yumi talem tangkiu long Hae God,
from we hem i gud tumas.
Oltaem bambae hem i lavem yumi,
gogo i no save finis.
Yumi talem tangkiu long hem,
from we hem i hae moa,
i winim ol narafala god.
Oltaem bambae hem i lavem yumi,
gogo i no save finis.
Yumi talem tangkiu long hem,
from we hem i gat paoa moa,
i winim olgeta masta.
Oltaem bambae hem i lavem yumi,
gogo i no save finis.
Hem nomo i stap mekem
ol bigbigfala merikel.
Oltaem bambae hem i lavem yumi,
gogo i no save finis. 2
Olgeta samting long skae,
hem i mekem long waes blong hem.
Oltaem bambae hem i lavem yumi,
gogo i no save finis. 3
Hem i stanemap graon ya,
antap long dipsi.
Oltaem bambae hem i lavem yumi,
gogo i no save finis. 4
Hem i mekem san mo mun.
Oltaem bambae hem i lavem yumi,
gogo i no save finis.
Hem i mekem san blong i rul long dei.
Oltaem bambae hem i lavem yumi,
gogo i no save finis.
Mo i mekem mun wetem ol sta
blong oli rul long naet.
Oltaem bambae hem i lavem yumi,
gogo i no save finis. 5
Hem i kilim ol fasbon pikinini boe
blong ol man Ijip oli ded6.
Oltaem bambae hem i lavem yumi,
gogo i no save finis. 7
Hem i lidim yumi ol laen* blong Isrel,*
yumi kamaot long Ijip.
Oltaem bambae hem i lavem yumi,
gogo i no save finis.
Hem i mekem long han blong hem
we i gat paoa.
Oltaem bambae hem i lavem yumi,
gogo i no save finis. 8
Hem i mekem Red Si i seraot,
mo drae graon i kamaot.
Oltaem bambae hem i lavem yumi,
gogo i no save finis.
Nao hem i lidim ol bubu blong yumi
oli wokbaot long drae graon nomo,
oli gokros.
Oltaem bambae hem i lavem yumi,
gogo i no save finis.
Be king blong Ijip wetem ol soldia blong hem
hem i draonem olgeta long ples ya.
Oltaem bambae hem i lavem yumi,
gogo i no save finis.
Hem i lidim ol bubu ya blong yumi
oli wokbaot long draeples,
gogo oli kamtru long Kenan.*
Oltaem bambae hem i lavem yumi,
gogo i no save finis.
Ol king we oli gat paoa,
hem i kilim olgeta oli ded.
Oltaem bambae hem i lavem yumi,
gogo i no save finis.
Ol king we oli gat hae nem,
hem i kilim olgeta evriwan oli ded.
Oltaem bambae hem i lavem yumi,
gogo i no save finis. 9
Hem i kilim King Sihon,
we i king blong ol laen blong Amoro.*
Oltaem bambae hem i lavem yumi,
gogo i no save finis. 10
Mo i kilim King Og,
we i king blong Basan.
Oltaem bambae hem i lavem yumi,
gogo i no save finis.
Hem i givim ol graon blong olgeta
i kam long yumi ol laen blong Isrel.
Oltaem bambae hem i lavem yumi,
gogo i no save finis.
Hem i givim ol graon ya long yumi,
we yumi ol man blong wok blong hem.
Oltaem bambae hem i lavem yumi,
gogo i no save finis.
Taem ol enemi blong yumi oli winim yumi,
be hem i no fogetem yumi.
Oltaem bambae hem i lavem yumi,
gogo i no save finis.
Hem i tekemaot yumi long han blong olgeta,
i mekem yumi fri.
Oltaem bambae hem i lavem yumi,
gogo i no save finis.
Hem i stap givim kakae
long olgeta samting long wol ya
we oli gat laef.
Oltaem bambae hem i lavem yumi,
gogo i no save finis.
God ya blong yumi,
hem i stap long heven,
mo yumi mas talem tangkiu long hem.
Oltaem bambae hem i lavem yumi,
gogo i no save finis.
Source notes (10)
- Cross-reference 1 Kron 16.34; 2 Kron 5.13; 7.3; Esra 3.11; Sam 100.5; 106.1; 107.1; 118.1; Jer 33.11
- Cross-reference Jen 1.1
- Cross-reference Jen 1.2
- Cross-reference Jen 1.16
- Cross-reference Eks 12.29
- Footnote Yu luk futnot Y long 105.36.
- Cross-reference Eks 12.51
- Cross-reference Eks 14.21-29
- Cross-reference Nam 21.21-30
- Cross-reference Nam 21.31-35
Open Bislama Bible Revised. Copyright © Bible Society of the South Pacific. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.