JOB 26

Job i tok

1Nao Job i talem se,

2“!Mi mi no strong, mi no gat paoa,

be yu yu no givhan long mi nating!

3Mi mi no gat hed,

be ol tok ya we yu yu talem

blong givhan long mi,

hem i no waes nating.

4?Yu ting se i gat man i stap

we i save harem tok blong yu?

!Nogat!

?Wanem spirit ya i stap lidim yu

blong yu talem ol toktok ya? 51

“Ol devel blong ol dedman oli stap

long wota aninit long wol ya,

mo oli fraet, oli seksek.

6Hom* blong olgeta

i open nomo long fes blong God,

i no gat samting i blokem ples ya

blong hem i no save luk.

7Hem i putumap skae ya

long saed ya long not,

mo i putum wol ya i hang

long open ples nomo

aninit long hem.

8Hem nomo i stap fulumap wota

long ol klaod,

mo nating we oli hevi tumas,

be hem i stap holem olgeta

blong oli no brok.

9Hem i stap tekem klaod i kam,

i stap blokem fulmun long hem.

10Hem i putum mak long solwota

blong i seraot delaet mo tudak.

11Sipos hem i tok strong long ol pos

we oli holem skae,

bambae oli fraet, oli seksek gud.

12Paoa blong hem nao i winim solwota2,

mo long waes blong hem,

hem i kilim Rahab,*

bigfala devel ya blong solwota.

13Win blong hem nao i ronemaot ol klaod,

i mekem skae i klia,

mo han blong hem i kilim Leviatan3,

bigfala anamol ya blong solwota we i stap ronwe.

14Be hemia ol smosmol samting nomo

we i stap soemaot paoa blong hem.

Ol tok ya blong ol wok blong hem,

yumi harem olsem tok blong man

we i stap tok smosmol nomo.

Be paoa blong hem i bigwan tumas,

i no gat man i save makem.”O