FAS KRONIKEL 3

Ol pikinini blong King Deved

1Ol pikinini boe blong King Deved we oli bon long taem we hem i stap long Hebron, nem blong olgeta i olsem. Fasbon, nem blong hem Amnon, we mama blong hem Ahinoam, we i woman Jisrehel. Mo sekenbon, Daniel, we mama blong hem Abigel, we i woman Kamel. 2Mo namba tri, Absalom, we mama blong hem Mahaka, we i dota blong King Talmae blong Gesuru. Mo namba fo, Adonia, we mama blong hem Hagit. 3Mo namba faef, Sefatia, we mama blong hem Abital. Mo namba sikis, Jitream, we mama blong hem Eglaha. 41Olgeta sikis pikinini ya oli bon long Hebron long taem we hem i stap rul seven yia haf long Juda,* we hedkwota blong hem i stap long ples ya.

Biaen, hem i rul toti tri yia bakegen long Isrel,* we hedkwota blong hem i stap long taon ya Jerusalem,* 52mo long taem ya, hem i gat plante pikinini boe blong hem bakegen oli bon long ples ya.

Woman blong hem, Batseba, we i dota blong Amiel, hem i bonem fo pikinini boe blong tufala, we nem blong olgeta, Simea, mo Sobab, mo Natan, mo Solomon.

6Mo king ya i gat naen pikinini boe blong hem bakegen, we nem blong olgeta, Jibara, mo Elisua, mo Elpelet, 7mo Noga, mo Nefeg, mo Jafia, 8mo Elisama, mo Eliada, mo Elifelet. 9Mo antap long ol pikinini ya, hem i gat sam pikinini boe bakegen we ol narafala woman blong hem oli bonem olgeta. Mo hem i gat wan dota blong hem tu we nem blong hem Tama.

Ol king blong Juda we oli kamaot biaen long King Solomon

10Olgeta we oli kamaot biaen long King Solomon, i kam kasem King Jedekia, nem blong olgeta i olsem. King Solomon i bonem Rehoboam, mo King Rehoboam i bonem Abia, mo King Abia i bonem Asa, mo King Asa i bonem Jehosafat, mo King Jehosafat i bonem Jehoram, 11mo King Jehoram i bonem Ahasia, mo King Ahasia i bonem Joas, mo King Joas i bonem Amajia, 12mo King Amajia i bonem Usia, mo King Usia i bonem Jotam, mo King Jotam i bonem Ahas, 13mo King Ahas i bonem Hesekia, mo King Hesekia i bonem Manase, mo King Manase i bonem Amon, 14mo King Amon i bonem Josaea, 15mo King Josaea i gat fo pikinini boe blong hem, we nem blong olgeta i olsem. I gat Johanan, mo Jehoeakim, mo Jedekia, mo Joahas. 16Mo King Jehoeakim i gat tu pikinini boe blong hem, we nem blong tufala, Jehoeakin, mo Jedekia.

Ol laen blong King Jehoeakin

17Olgeta we oli kamaot biaen long King Jehoeakin ya we ol man Babilonia oli tekem i go kalabus, nem blong olgeta i olsem. Hem i gat seven pikinini boe blong hem. I gat Sealtiel, 18mo Malkiram, mo Pedaea, mo Senajara, mo Jekamia, mo Hosama, mo Nedabia.

19Pedaea ya i gat tu pikinini boe blong hem, we nem blong tufala, Serubabel, mo Simei. Mo Serubabel i gat tu pikinini boe blong hem, we nem blong tufala, Mesulam, mo Hanania, mo i gat wan dota blong hem, we nem blong hem, Selomit. 20Mo hem i gat faef narafala pikinini boe blong hem, we nem blong olgeta i olsem.3 I gat Hasubaha, mo Ohel, mo Berekia, mo Hasadia, mo Jusabesed.

21Hanania i gat tu pikinini boe blong hem, we nem blong tufala, Pelatia, mo Jesaea. Mo Jesaea ya i bonem Refaea, mo Refaea i bonem Aranan, mo Aranan i bonem Obadaea, mo Obadaea i bonem Sekania. 22Sekania i gat wan pikinini boe blong hem, we nem blong hem Semaea, mo Semaea i gat faef pikinini boe blong hem, we nem blong olgeta, Hatus, mo Jigal, mo Bariaha, mo Nearia, mo Safat. 23Nearia i gat tri pikinini boe blong hem, we nem blong trifala, Elioenae, mo Hiskia, mo Asrikam. 24Elioenae i gat seven pikinini boe blong hem, we nem blong olgeta, Hodavia, mo Eliasib, mo Pelaea, mo Akub, mo Johanan, mo Delaea, mo Anani.