भजन 83

इस्राएल कर बैरिन के हराय के निता बिनती

गाना आसाप कर गाना

1हे भगवान, सांत झइ रह, हे भगवान,

भइरा झइ रह, अउ झइ सांत रह।

2काखे देख तोर बैरी गरजथै,

अउ तोर दुस्मन मूंड उठाय हबै।

3ऊ हुसियार लग तोर परजा कर नुकसान के सम्मति करथै,

अउ तोर पिरिय मनसेन के बिरुध योजना निकाडथै।

4उन कथै, आबा, हम उनखर असना नास करी कि राज मिट जाय,

अउ इस्राएल कर नाम आगू लग सुरता झइ रहै।

5उन अक मन हुइके साजिस बनाय हबै,

अउ तोर बिरुध्द टीमा बांधे हबै।

6इन तउन एदोम के तम्बूबाले

अउ इस्माएली, मोआब अउ हुग्री।

7गबाली, अम्मोनी, अमालेकी,

अउ सोर समेत पलिस्ती हबै।

8इनखर संग अस्सूरियो मिल गय हबै,

उनखर लग लूतवंसियन कर सहारा मिले हबै।

9उनखर संग असना करा, जसना तुम मिद्दानिन के संग करे,

अउ किसोन नदिया के टाठा हे, सीसरा अउ याबीन के संग करे रथस।1

10तुम उनके एनदोर हे नास कर दइस,

अउ उनखर लहास भुंइ हे सर गइस।

11इनखर रहीस कुर के मनसेन के सासकन के ओरेब अउ जाएब जसना,

इनखर सगलू परधानन के जेबह अउ सलमुन्ना के जसना कर दे।2

12जउन कथै,

हम भगवान के चारागाह के भुंइ के अधिकारी तहिन हुइ जा।

13हे मोर भगवान,

आंधी बडेरा के जसना हवा, उडाय हर भूसा के जसना कर दे।

14उके आगी के जसना जउन डोंगर के राख कर दय हबै,

अउ धांग के जसना डोंगरन के जराय दय हबै।

15तै इनही अपन आंधी लग भगोय दे

अउ अपन बडेरा हवा लग डेराय दे।

16इनखर मुंह के अति लज्जित कर,

कि हे यहोबा कि उन तोर नाम के खोजै।

17ऊ हरमेसा के निता उनही लाज अउ डेराय रहै,

इनखर मुंह करिया होय अउ नास हुइ जाय।

18जेखर ऊ जाने कि केबल तै जेखर नाम यहोबा हबै,

सगलू भुंइ के उप्पर परमपरधान हबै।